نبضات الانتقام

البارت 6

مها  ..
صرت امشي ويه بابا بأجراءت النقل ومرينه البيت ابو قمر جنت اشوف نظرات هيثم وعيونه الي تاكلني اكل بس جنت اتوقع ميحبني مثل ما اني احبه وهذا كله مجرد تخيلاات مني ومن هالحضه هاي اخر شوفتي الهم ومن الاول متوسط لحد السادس اعدادي اني كلشي ما اعرف عن قمر وعن هيثم شي غير السلام الي يوصلني بيد بابا منهم ومن صرت بالجامعه اكتشفت انو جامعتي هيه نفسسهه القبلت قمر  .. !!!
هنا فرحتي متنوصف صرت احسب يوم  يوم حتى يجي التقديم واشوفهه بوقتها من فرحتي اني يوم كامل بس اضحك وفرحانه والنوم ما اجى بعيوني وبده التقديم والايام تركض ركض واجه اول يوم الي اداوم بي وجانت قمر متدري بيه اني راح اكون متواجده بنفس الجامعه الي هيه بيها رحت اول يوم بكامل نشاطي وفرحتي واناقتي جنت ادور عليها بكل مكان وماغفلت عيني عليها اخر شي أيست وبدينه ندخل للقاعات وهنا جانت صدمتي !!!!
يعني رب العالمين من يريد يجمع اشخاص راح يقربهم البعض بكل وسويله وهاي جانت معجزه من الرب انو التقي بيها بدون اي مقدمات وبدون ما انتبهه ع الكل ركضت وحضنتها وهيه من صدمتها بجت !!!

قمر تحجي بهمس من بين دموعهه وهيه بحضن مها .. مشتااقتلج يروحي شلوونج

مها .. بخير وهيه تبوس قمر انتي شلونج

قمر .. بشوفتج صرت بخير والله جنت مشتاقتلج وما جنت متخيله راح يجي هيج يوم واشوفج !!!!

مها .. ولا اني بس جنت ادري بيج بهل جامعه بس متوقعت نفس القسم والقاعه يربي ممصدكه ( ورجعت حضنتهه بلهفه )

قمر .. عزاا يعني تدرين ومكتيلي

مها .. ردتها تكون مفاجئه لان بابا من راح يسوي تقدم شاف ابوج وهيثم وعرف انتي بنفس جامعتي

.. ومر اسبوعين وعلاقتنه رجعت مثل قبل واكثر وصار بيناتنه اتصالات ورسايل جنت بكل مره انتظر هيثم عسى ولعل مره من الايام يسأل عليه او يحاول يجي للجامعه ويوصل قمر بس كل هذا مصار وبيوم ما سولفتلي قمر عن الحفله وروحت هيثم هنا النار وشبت بصدري ومحد يطفيها حيره من تحب انسان من طرف واحد !!!
وحيره من تشوفه يم الاغير يضحك ويسولف !!!
ويمك ما يعرفك !؟
جنت بكل مره انطحن وانكسر وحاولت انسى ومافكر بي وهذا حب الطفوله ومابي أي أمل ولو اموت مراح يصير الي همه مو نفس مستوانه ولا من طبقتنه وجنت احجي كل هالحجي بالليل عسى ولعل ناري تبرد بس اكعد الصبح هذا الكلام متبخر من عقلي وارجع النقطه الصفر والاحلامي وتخيلاتي جنت يوميه قبل لا انام ادخل ع صفحته اتمعن بتفاصيله وجماله وانقهر واطلع .. وبيوم من الايام قمر طلبت اقريها واني ما كلت لا بس الي يضوجني انو قمر اذا مفهمت تبجي وتخلي الوقت يطير علينه جنت خايفه لا ما تفهم عليه ويطير علي الوقت ولا هيه مفتهمه ولا اني الي مخلصه الماده رجعت للبيت وحضرت نفسي واول مره يجي بالي اخلي حمره طوخ واني بكل عمري ممخليه ولا نقطه مكياج حتى من اروح لدوام ما اخلي بس من تصير مناسبات عود اذا رحت اخلي ... طلعت من الحمام ونشفت شعري الطويل الواصل حدر ظهري نشفته ومشطته لبست دشداشه صيفيه لون رمادي والجوه يموت من البرد بس اني نشفت شعري ولبست قمصله خليت حمره ومورد وبقيت منتظره قمر لحد مندك الباب وطفرت من مكاني خليت
الكلاوو( مال القمصله ) ع راسي وعطر وطفرت افتح الباب اول ما فتحت الباب شفته !!!
وعبالك الدنيا والهوى والناس كلها اختفت وبس دكات كلبي الي تشرح عني وعن حبي !!
فزيت من موقفي ع بوسه قمر وهوه جان واكف مثل الصنم راح واني بقيت اباوع علي لحد ما اختفى رجعت للغرفه واني مصطوره من هالموقف جماله ..
وطوله .. وعضلاته .. وشخصيته ..
فهيت علي خاف جان عندي أمل انساه هلمره أيست !!!
وبديت اشيل هالافكار من راسي حتى اقره بس وين انسى واطلعه من راسي واني بكل مره اتذكر صوته وهوه يكول القمر خابريني من تخلصين بحيث صرت امشي بالماده تمشي حتى بس قمر تخابره واسمع صوته مره ثانيه وكملنه كلشي ولحد ما اتصلت علي واجاني الرد مثل الطابوكه ع راسي