لسـان قمـر:
شنو تحبني وعمرنا مَخلص فراك
مًشاعرنا شنو برأيك نفَعها
لا انت تجي ولا رايد انساك
ولا روحي لگت واحد قنعها .
لسـان عمر :
سِهرنالك دَهر ماجيّت ..
ورزه وباب وشبابيچ
خَضرة مِن مدامعنه
يَاريّت العُمر ..
بَس وياك بليّاها الأوادم كُلها والجَنة
{إترڪـم مع ابطـال قصتـي ♥️🥹🫶🏻}
{بارت طويــل لعيونــڪـم الحلـوه🦉♥️}
____________________
قمر : نزلت من السياره وعيوني ؏ الباب ،،،
منتظرته والتوتر دب بجسمي بس لا يطلع هو هنا!؟
هزيت راسي بنفي ؛ لا اكيد مو هنا بيته
حكيت أرنبه انفي بتوتر سحبت الموبايل واني منتظره لُبى تجاوبني لان هواي طولت عليه والبروده تسعر بجسمي سمعت طكطكه الباب جان ينفتح رفعت راسي
وجان اشوف أدم ووياه بنيه حاضنته من كف أيده
تقدمت بأتجاهي استرسلت بنبره هادئه : هلو انتي قمر!؟
قمر بدهشه ممزوجه بصدمه وكل السؤال الي يتردد بالي معقوله هاي مرته!!! : هلو بيج اي اني قمر
" اسفه تأخرت عليج هذا ادم ديري بالج علي
وهاي جنطته اذا بجى لو تنحس بس خابري ؏ لُبى واحنه ناخذه
قمر اخذت الجنطه منها وعيونها تتفحصها : جسمها منحوت مثل الساعه الرمليه بياضها ناصع بحمار
عيونها ملونه لابسه شال بس لافته بأهمال
بحيث نص شعرها الذهبي طالع عيوني راحت ؏ اصابع أيدها الناعمه والخاتم بنص اصبعها يلمع هزيت راسي والابتسامه بالكوه نرسمت ؏ وجهي : بعيوني ادم سلميلي ؏ لُبى
أنت تقرأ
نبضات الانتقام
Mystery / Thrillerفي العراق تحديداً عاصمة بغداد الساعه الثانيه عشر ظهراً بعز تموز حاره وكلوب الناس حاميه هذا الطالع عماله ويدبر لكمه عيش وهذا الفاتحله محل والسبلت يدك براسه واني كاعد ؏ الرصيف ومنتظر احد يشغلني او يعطف عليه مليت واني ادور ؏ شغل ولكل مايقبل يشغلني...
