يا شاغِل العينين كيف سلبتني ؟
و وقعتُ في مَحظورِ ما أتحَذَّرُيا
سارِق الأنفاسِ كيف عَبثتَ بي ؟
و أنا الكتومُ
، الحَاذِقُ
، المُتَحَذّرُ.
جِدْ لي جَوَاباً للسؤالِ لكي تَرى.
إنّي أحبَّكَ فوقَ مَا تَتَصوَّرُ أمَنتُ انَّ الحُب فيك نُبوءَتي
و هواك شبه الموتِ لا يَتَكرَّرُ
{بارت طوييييل حيل لعيونڪم الحلوه💞🥹}
{اترڪم مع ابطال قصتي🤎🫶🏻}
_____________________
بعـــــد مرور سنتيــــــن،،
بغـــداد الساعــه الثالثــه فجــراً
واكفه وفاتحه شباك غرفتي لميت شعري وتنفست بصعوبه نبضات كلبي تنبض بخفوت هالايام كلبي ديتعب هوايه وداخذ علاج مو بأنتظام وهذا الشي ديسببلي ألم ونار تسعر بكلبي جريت شهيق
من ريحه المطر المنتشره بكل مكان وخصوصاً
الارض رطبه او بالاحرى من حديقه بيتنه شعور الراحه لا ينوصف لا أرادياً الراحه انبعثت بداخلي
ابتسمت بخفوت مديت أيدي وصارت قطرات المطر تنزل ؏ أيدي حسيت الهوى البارد يداعب وجهي وشعري فتحت موبايلي واني اسمع اغنيه
حبيبـي بعينــي ،، الك دمعــْه
ڪلامي بڪلبي ،، مـ تسمعـه
إريـد احجيــلك ،، وارتـاح
تعــال الخاطــري ،، بسرعــه
تعــال الخاطــري ،، بسرعــه
حبيبــي الشــْوك ،، أذاني
دخيـٌلك راح ،، امـوت اني
اسمعها وادندن ويه الاغنيه والابتسامه مرسومه ع وجهي مسحت دمعتي الي وكعت بأشتياق للماضي
كل شي بيه ساكن ظاهرياً عكس الانهيار الي بداخلي رغم مرت سنتين وهواي تغيرت أمور بهالسنتين منها عائلتي وحالي وكلشي تغير اله اني متغير مني اي شي بعدني قمر الهادئه الي الضحكه متفارك وجهه الخويفه والي دمعتها بطرف عينها
رفعت عيوني للسما الي مليانه غيوم
البروده شدت ؏ كلبي بس النار الاشتياق دتسعر ودتملى أعضائي تنهدت بنفس قوي واني اندمج بالاغنيه
صارت دموعي تنزل بكل هدوء استرسلت بهمس مسموع وأيدي ؏ ڪلبي
شلونك من بعدي!!
عايش مرتاح!!
هم عندك الليل يذكرك بيه لو نسيت قمرك!!
وين انته هسه بيا حضن!!
تزوجت!!
صار عندك طفل!!
كدرت تعيش حياتك طبيعي واني لا؟؟
احجي هالكلام وعبالك هو كدامي ويسمعني
مسحت دموعي واني اردد هالكلام الي طول هالايام مديروح من الساني
شبيج قمر مرت سنتين اكيد نساج..
ويمكن هسه هو بحضن مرته
تنهدت بنفس قوي واني اسد الشباك جريت الستائر
والبروده تسعر بجسمي قبضت ؏ معصم أيدي بقوه ونغزات بكلبي أذتني جريت العلاج واني اشرب من كل شريط حبايه رجعت العلاج بمكانه كالعاده وكعدت ؏ اطراف الجربايه وأيدي ع كلبي ماعرف شكد مر من الوقت
واني ؏ نفس وضعي صارت عيني ؏ الساعه ب3 ونص جريت المخده وحضنتها بقوه
بقيت حوالي الدقايق معدوده لصمت فكري وجسدي
الى ان سمعت صوت أذان الجامع من بعيد الهدوء تام غرفتي ساكنه بعيده عن الضوضاء صوت أذان خفيف بعيد ومو بوضوح ينسمع بسبب صوت قطرات المطر شمرت المخده بحركه سريعه
عزا أذن واني بعدني منايمه!!!!
نوب وراي دوام وامتحان وشغل اوف
شلون بيه ليش هلكد مهمله اني صايره!!!
وتالي شوكت انظم وقتي مثل العالم
وكفت ؏ حيلي واني متوجهه للحمام اتوضى
توضيت وكملت فرشت سجادتي وكعدت اصلي كملت الفرض بس بقيت ؏ نفس وضعي متحركت من مكاني صرت اسبح التسبيحات المعروفه غمضت عيوني بقوه ورجعت سجدت للمره الثالثه ودموعي نهارت استرسلت الكلام من بين دموعي
يالله تعبت كل طاقه بعد مابيه
يالله ارحمني ونسيني كلشي
خليني اعيش حياتي مثل ما عاش حياته ونساني
كل طرف بينه عاش مثل ما كتبته اله
خليني اعيش قدري براحه تامه يارب تعبت يالله كل ذكرى منه بعدها بالي ومديطلع من عقلي
صرت اردد الدعاء الي دائماً اردده بكل صلاتي عسى ولعل انساه
اللهم أخذهُ من قلـبي ڪما اخذتهُ من عينـي
وأخذهُ من تفكيري ڪما اخذتهُ من نصيبـي
وأخذهُ من منامي ڪما اخذتهُ من يقظتـي
اللهم اخذهُ من خيالي ڪما اخذتهُ من وقعـي
اللهم اجعـل فراقه أخر مصائبـي ...
رفعت راسي ومسحت دموعي لميت السجاده ونزعت
ثوب صلاه تمددت بفراشي وقتت الموبايل ؏ الساعه
7 غمضت عيوني واحس براحه جسديه ما معقوله جنت يم رب رحيم واني عندي الثقه تامه برب العالمين راح يكدر ينسيني كلشي مريت بي طول هالثلاثه سنوات ...
مجنت متوقعه الايام والسنين تركض بهالسرعه
سنه كامله اني اعرف أيـسر ومرت سنتين ؏ غيابه بلمح البصر عبالك البارحه الي صار مو من سنتين من بين هالافكار غفيت وما كعدت اله ؏ صوت المنبهه النعاس محاوط عيوني بحيث يدك المنبه وارجع انام
تثاوبت بنعاس واني ارجع اطفي للمره الثالثه
غمضت عيوني للغفوه المتتاليه
وفزيت بحركه سريعه ؏ فتحت الباب
أنت تقرأ
نبضات الانتقام
Mystery / Thrillerفي العراق تحديداً عاصمة بغداد الساعه الثانيه عشر ظهراً بعز تموز حاره وكلوب الناس حاميه هذا الطالع عماله ويدبر لكمه عيش وهذا الفاتحله محل والسبلت يدك براسه واني كاعد ؏ الرصيف ومنتظر احد يشغلني او يعطف عليه مليت واني ادور ؏ شغل ولكل مايقبل يشغلني...
