نبضات الانتقام

البارت 8

.. يوم اريدج تفرحين بيه قررت اتزوج

ام قمر بفرحه .. يمه ساعه المباركه الله يبشرك بالخير منهي البالك

ابو قمر .. اكيد ست البنات كول هيثم أمر منو منهن واجيبها الك من باجر

هيثم .. الله يخليك الي .... الي اريدها مها صديقه قمر

ام  قمر  .. شنووووووو؟؟؟؟؟!!!!!!!!

قمر تفاجئت من عيطت امي الي رجت البيت رج ..

ام قمر .. انته عفت البنات كلهنن ... اله مهاا وبت منوو؟؟؟
بت ابو السماج

هيثم .. اي وشنو يعني اني شدخلني بأبوها اني علي بالابنيه صاحبه اخلاق ونعرفهه من زمان وعجبتني واريدهه

ابو قمر .. اي اني وياك هيثم صح كلامك بس البنيه مو من مستوانه تريد الناس تاكل وجهنه ؟؟؟

ام قمرر ... لو تبقى بس هيه ما اخذهه الك والله شنو تريد يكولون علينه النسوان وخالاتك ام هيثم خطبت بت السماج !!!!

هيثم بغضب وهوه ينتر الخاشوكه بنص الماعون .. يمه شهل حجي هذا صدك جذب من شوكت تهتمين لهل تفاصيل داحسج راح تاخذين الابنيه علمود فلوسها وانته شنو بابا من شوكت تفكر بهل تخلف والهمجيه ترا كلنا مخلوقين من طيين واني البنيه هاويها ورايدهه وانتو تقبلون ما تقبلون مشكلتكم هاي
البنيه اريدهه واخذهه وغصباً عن الكل