نبضات الانتقام

بارت 43

لا تنسـون الفاتحة ؏ روح الشُهداء ✨🫶🏻

قلبـي يم اهل غـزة اسألكم الدُعاء♥️
اللهم احفظ أرواح المجاهدين في فلسطين، وردهم إلى أهلهم مردًا كريمًا آمنًا.
اللهم بقوتك، وبغوثك، وبغيرتك على حرماتك، وبحمايتك لمن احتمى بآياتك، نسألك يا الله يا سميع يا قريب، يا مجيب يا منتقم يا جبار، يا قهار يا شديد البطش، يا عظيم القهر يا من لا يعجزه قهر الجبابرة، ولا يعظم عليه هلاك المتمردين من الملوك والأكاسرة، أن تجعل كيد المحتلين في نحرهم، واجعل مكرهم عائدًا إليهم. 🤲🏻💞

_________________
مابين النايمة والكاعده عَيـوني مغمضتهن ماكدرت افتحهن النعاس محاوطني بِـس اخاف انام
ڪُل مره اخلي راسي ؏ المخده واروح بسبات عميق اخلص نهاري نوم سواء جنت فرحانه حزينه سعيده تعيسه بكل حالاتي اني نايمه بِـس هسه!
ڪُل شي اختلف اخاف انام ويصيرلي شي
اخاف انام وبعد ما أكعد
اخاف انام ويتقربلي هذاك العار الحد الان لعبانه نفسي
منه ومن ريحته المقززه الي لطشت بجسمي
ڪُل شوي المس رگبتي واتذكر شلـَون ترك اثاره
لوما الله ستر جان الله اليعلم اني شنو حالي هسه
من البارحه اني ڪُلشي ماماكله ع ريوك البارحه يوم كامل او بالاحرى يوم ونص اني ع لحم بطني احس بطني تتگطع من الجوع والجوع كفيل يخلي طاقتي تصفر وعطشانه حتى ريگي نشف شعري مداكدر الزمه واظفره او المه ڪُل طاقة ماعندي احس روحي هلگت ماعرف هسه الدنيا صبح ليل ظهر عصر شامريني بأخر الدنيا والافكار محاوطتني من ڪُل الجهات وكل الي يدور براسي
اني شلـَون اطلع منا؟
ما معقوله ماكو منفذ منا !
مستحيل ابقى هنا بعد يوم
خليت الجنطه جوه راسي واني افكر بكل وسيله وفرصه حتى استغلها واطلع منا
دقايق معدوده اشبه بالموت البطيئ سمعت طكطكه بالباب سويت نفسي نايمه غمضت عَيـوني بنعاس وخايفه لا يغلبني النعاس واروح بيها
انفتح الباب ونسد بِـس ما قفله !
يتقرب بخطوات حذره وصوت اقدامه ترن براسي الرجفه سرت بجسمي والخوف دب بوجهي شلون بيه هسه افتح عَيـوني لو استمر واسوي نفسي نايمه!
بقيت ؏ نفس وضعي حسيته واكف مقابيلي وديراقبني
سيطرت ؏ نفسـي بكل ماعندي روح حتى لا انكشف
الجنطه جانت جوه راسي لازم انفذ خطتي ماكو افضل من هالوقت والفرصه هاي فتحت عَيـوني بحركه سريعه واني ارفع الجنطه واضربه بيها ؏ عينه لزم عينه متألم عاط بغضب اشبه بزئير الاسد