ASTILLBE (Completed)

Part (12) ( You gonna run away from me )

Zawgyi

" ညို့လေးက ဘယ်လိုဖြစ်တာလဲ မင်းကို မေမေ ဂရုစိုက်ဖို့ပြောခဲ့တယ်မဟုတ်လား အခု ဘယ်လိုဖြစ်ပြီး ကလေးက လမ်းမှာဖျားလာရတာလဲ ၊ ညို့လေးက အရင်တည်းက အအေးမိလွယ်တဲ့ကလေးလေ "

" မေမေကလည်း သူ့အသက်ပဲ 30 ပြည့်ပြီးနေပြီ ၊ ကလေး ကလေးနဲ့ နားကြားပြင်းကပ်အောင်ဗျာ ၊ သူဖျားတာက ဒီတိုင်း ဟို "

မန္တလေးကနေပြန်လာတဲ့ ခရီးတစ်လျှောက်လုံး မှိုင်းညို့က အိပ်လိုက်လာတာဖြစ်သည်။ သူအဆင်မပြေမှာစိုး၍ လေအေးပေးစက်ကိုလည်းလျော့ပြီးဖွင့်ထားသလို ၊ စောင်တစ်ထည်လည်း အသင့်ပါလာသေးသည်။ ရန်ကုန်ရောက်တာနဲ့ ချက်ချင်းအဖျားတွေတတ်တော့ ၊ ဒေါ်ဝင်းက မေမေ့ကိုလှမ်းတိုင်သည်ထင်ပါရဲ့ ၊ မေမေအိမ်အထိရောက်ချလာကာ တည်မြဲကို ခေါင်းခေါက်တော့သည်။ မေမေ့လက်သံပြောင်ချက်က နဖူးမှာ ဘုသီးကိုထလို့။ အခုလည်း တည်မြဲ၏ မရေရာသော အဖြေကို စောင့်ဖို့စိတ်မရှည်တော့ပုံပေါ်သည်။ သူ့သမက်ရှိတဲ့ အခန်းထဲပြန်ဝင်သွား၏။

တကယ်တော့ တည်မြဲလည်း နည်းနည်း အပြစ်ရှိသလိုခံစားရပါသည်။ သူ့ကြောင့် ဟိုတစ်ယောက်ကဖျားသွားရတာဆိုတော့ မလုံမလဲဖြစ်နေ၏။ တကယ်လို့ မေမေသာ အဲ့ကိစ္စသိသွားရင် တည်မြဲ သေအောင်ရိုက်ခံရမှာဖြစ်သည်။ မေမေက ငယ်ငယ်တည်းက တည်မြဲမလိမ္မာရင် ကြိမ်တုတ်နှင့်ဆော်တာ။ အခု အသက်ကြီးတဲ့အထိ ဆော်ခံရတုန်းဆိုရင် ကြားမကောင်းသလို မျက်နှာပူတာကြောင့် မေမေ့စကားဆို တော်ရုံပြန်မပြောရဲ။ မတော်သကာ company အထိ လာရိုက်နေမှ အရှက်ကွဲရချေရဲ့။

" တည်မြဲ ဒေါက်တာ့ကို သွားကြိုပေးဦး "

ဒေါက်တာ မင်းခန့်ကျော်က မေမေ့ငယ်သူငယ်ချင်းဖြစ်ကာ တည်မြဲတို့မိသားစု၏ ပင်တိုင်ဆရာဝန်ဖြစ်သည်။ ဒေါက်တာ့က တည်မြဲကိုမြင်တော့ လှမ်းပြုံးပြသည်။ ပြီးနောက် အခန်းထဲဝင်သွား၏။ တည်မြဲလည်းနောက်ကနေလိုက်ဝင်လာကာ အခြေအနေကိုစောင့်ကြည့်လိုက်သည်။ ဖျော့တော့နေသူကိုကြည့်ပြီး တည်မြဲ သက်ပြင်းချသည်။ နုဖက်နေတာကိုး ၊ ဖျားမှာပေါ့။ ဒေါက်တာက အိပ်ပျော်နေသူကို စစ်ဆေးနေသည်။ ဝတ်ထားသည့် လည်ပိတ်ကော်လံကို ဆွဲချပြီးတာနှင့် တည်မြဲကိုလှမ်းကြည့်သည်။ တည်မြဲက မသက်မသာဖြစ်ကာ လည်ဂုတ်ကိုပွတ်နေပြီး မျက်လုံးအကြည့်ကိုရှောင်လွှဲလိုက်တော့မှ ဒေါက်တာကသဘောပေါက်သွားသည်။