ဆရာ့ရင်ခွင်..... ( အပိုင်း ၁၁)
အချိန်အနည်းငယ်ကြာလာတော့ လပတ်စာမေးပွဲ ရောက်လာတော့တယ်။ ကျောင်းသားတစ်ချို့ကတော့ စာမေးပွဲနီးမှ မိတ္တူတွေဆွဲ စာတွေကုန်းကျက် ။ 10 တန်းဆိုတာသိပ်အရေးပါလွန်းတယ်မလား။ ပတ်ဝန်းကျင်က 10 မအောင်ရင်အထင်မကြီးတဲ့အမျိုး။
ဒါပေမဲ့ ဝမ်ရိပေါတို့အချိုးပြောင်းနေပြီ ။ စာတွေကျက်လာတယ်။ အိမ်စာတွေ မှန်မှန်ရေးတယ်။ သူ လပတ်စာမေးပွဲမှာ All A ရရင် ဆရာနဲ့အတူပန်းခြံသွားရမယ်မလား။ မားမားတောင် အံ့သြနေပြီ ဒီကလေး ဒီလောက်တောင်ပြောင်းလဲသွားတာလဲဆိုတာကိုး။ ပါးပါးကတော့ ပြုံးပြုံးကြီး။ အရမ်းကြီးလည်းမမျှော်မှန်းထားဘူး ။အောင်ရုံပဲဆိုရင်တောင်ရပြီ။
" သား ဘိုဘို ရော့လက်ဖက်သုတ် လေးစား ။စာတွေတအားမလုပ်နဲ့နော် လပတ်ပဲရှိသေးတာမလား "
" ကြိုးစားရမယ် မားမားရ ။သား ဒီအပတ်မှာ All A ရရင် ဆရာက ပန်းခြံလိုက်ပို့မှာ "
" ဟုတ်လား "
" ဟုတ်တယ် "
ဆိုပြီး ခေါင်းပြန်ငုံ့တာ စာပြန်ကျက်နေသည်။ ဝမ်ရ်ပေါအမေတစ်ယောက် သူ့သားကိုကြည့်ကာပြုံးနေသည်။ ပါးလေးဖောင်းဖောင်းနဲ့ ရီလိုက်ရင် သွားတန်းညီညီလေးတွေ မျက်နှာကလည်းပြောင်သလားမမေးနဲ့ အဖေကိုတောင်ပြန်နောက်သေးသည်။ ဟိုက ဟေ့ကောင်ဆိုပြီး ဆူပေမဲ့လည်း ပြုံးနေတာ သူသာအသိ။ မိခင်တစ်ယောက်အနေနဲ့ သားကို လူတော်တစ်ယောက်သိပ်ဖြစ်စေချင်သည်။ သားကျန့်ကြောင့် အခုလိုတွေပြောင်းလဲသွားတာ။ သားကျန့်ကို သိပ်ကျေးဇူးတင်ပါသည်။
သူလည်း အခန်းတံခါးကိုဖြည်းဖြည်းပိတ်ကာ ဘုရားရှိခိုးဖို့ သွားတေ့ာသည်။
--------------------------
" သား မင်းမှာ ချစ်တဲ့သူမရှိသေးဘူးလား "
အကြပ်ရိုက်သွားရသည် ရှောင်းကျန့်။သူ့အသက် ၂၃ အထိ ဘယ်သူကိုမှ မချစ်မိသေး။ အပူမရှာတာလည်းပါမယ်။ ဖြစ်နိုင်ရင်အိမ်ထောင်ရေးကိစ္စတွေ သူမလုပ်ချင် ။
" သားတစ်ယောက်တည်း အေးဆေးနေချင်သေးတယ် ပါးပါး "
" အေးပါ အေးပါ ။ချစ်တဲ့သူတွေ့ရင် ခေါလာခဲ့ သင့်တော်သလား မသင့်တော်သလား ပါးကြည့်ပေးမယ်။ ကြားလား သား "
YOU ARE READING
ဆရာ့ရင်ခွင်.....
Romanceမချစ်ရင်မချစ်ဘူးလို့ ဒဲ့ငြင်းလိုက်ပါလား ဆရာရယ် ...... ဘာလို့ လူကို မျှော်လင့်ချက်တွေပေးပြီး ထားသွားခဲ့ရတာလဲ မခ်စ္ရင္မခ်စ္ဘူးလို႔ ဒဲ့ျငင္းလိုက္ပါလား ဆရာရယ္ ...... ဘာလို႔ လူကို ေမွ်ာ္လင့္ခ်က္ေတြေပးၿပီး ထားၾသားခဲ့ရတာလဲ
