Unicode
~~ပုံပြင်ထဲကမင်းသားလေး~~
အပိုင်း(၁၂)
"လိူင်း ဘာဆုတောင်းနေသလဲ"
မီးထွန်းထားသောကြာပန်းလေးကို ရေထဲမျှောလိုက်ပြီးနောက် လိူင်းကမျက်လုံးလေးမှိတ်လျက် လိူင်းတောင်းဆုခြွေနေသည်ကို သူအငေးသားကြည့်နေခဲ့၏။ လိူင်းမျက်လုံးလေးဖွင့်လာသည်နှင့် သူစိတ်ဝင်စားစွာမေးလိုက်သည်။ လိူင်းကချစ်စဖွယ်ကောင်းအောင်ပြုံးလိုက်ရင်း...
"ထွေထွေထူးထူးမဟုတ်ပါဘူး မေမေတစ်ယောက်ရောက်လေရာဘဝမှာအေးချမ်းပါစေနဲ့လိူင်းလည်းအပူအပင်ကင်းပြီး အေးချမ်းရပါစေလို့ ဆုတောင်းတာပါ"
"လိူင်းဆုတောင်းပြည့်မှာပါ "
"ဒါနဲ့ကိုကိုရော ဘာတွေဆုတောင်းလဲဟင် "
မျက်လုံးလေးဝင့်လျက်စိတ်ဝင်တစားမေးလာသောလိူင်းကြောင့် နေမဟာတစ်ချက်ပြုံးလိုက်ရင်း
"ကိုကိုချစ်တဲ့မိန်းကလေးနဲ့အမြန်ဆုံးအတူနေခွင့်ရပါစေလို့ဆုတောင်းခဲ့တယ်"
"ဟင်.. ကိုကိုချစ်တဲ့မိန်းကလေးဟုတ်လား ကိုကို့မှာချစ်သူရှိနေပြီပေါ့"
"ချစ်သူတော့မဟုတ်သေးဘူးလိူင်း သူ့ဆီကအချစ်ကိုရဖို့ကိုကိုကြိုးစားရဦးမှာပါ"
"သေချာပေါက်ရမှာပါကိုကိုရဲ့ကိုကိုကရုပ်ချောတယ် ပညာတတ်တယ် အရေးအကြီးဆုံးက ကြင်နာပြီးဂရုစိုက်တတ်တယ် ကိုကို့ကိုဘယ်မိန်းကလေးကငြင်းပယ်နိုင်မှာလဲ "
သူ့ကိုပင်တဖန်ပြန်နှစ်သိမ့်နေသောလိူင်းကြောင့် နေမဟာသဘောကျစွာပင်ကြိတ်ပြုံးမိပြီး
"ဒါပေမဲ့အဲ့ဒီ့မိန်းကလေးကမတူဘူး ကွဲပြားတယ် ကိုကိုစိုးရိမ်နေမိတာတော့အမှန်ပဲ လိူင်းရောသူဘယ်သူလဲဆိုတာ မသိချင်ဘူးလား "
"ဟုတ်... သိချင်ပါတယ်"
ဘာမှမသိရှာသည့်လိူင်းက စိတ်ဝင်တစားခေါင်းညိတ်ရှာသည်။ ကော့ညွှတ်နေသောမျက်တောင်အောက်မှ မျက်ဝန်းလှလှလေးနှင့်လှရက်နိုင်လွန်းသော နူတ်ခမ်းဖူးဖူးလေးကိုငေးစိုက်ကြည့်ရင်း သူ့စိတ်တွေမျိုသိပ်မထားနိုင်တော့ဘဲ တစ်စုံတစ်ရာပြောရန်ရည်ရွယ်လိုက်စဉ်မှာပင်...
أنت تقرأ
ပုံပြင်ထဲကမင်းသားလေး
خيال (فانتازيا)ပုံပြင်တွေကိုနှစ်သက်တဲ့ကောင်မလေးရယ်... ကောင်မလေးကိုစောင့်ရှောက်တဲ့ကျားကြီးရယ်... ဒီလိုနဲ့ နှစ်တစ်ထောင်ကျော်က အချိန်ခရီးသွားပြီး မင်းသားတစ်ပါးရောက်လာတဲ့အခါမှာတော့.... တကယ်ပဲ ပုံပြင်ထဲမင်းသားများလား ပံုျပင္ေတြကိုႏွစ္သက္တဲ့ေကာင္မေလးရယ္... ေကာင္မေလးကိုေ...
