حوار صغير ولطيف بين الحب والكره
الكره: مش شايف انك بضيع وقتك انت ملكش مكان في الزمن دا
الحب : ومين قالك كدا انا موجود في كل زمان ومكان زيك بظبط محدش فينا يقدر ينتهي ،لانك لو انتهيت البشر مش هيعملوا مشاكل ويدبروا لبعض والشيطان يستغلك ولو انا مش موجود هيبقوا جبابره وينتهي العالم احنا بنخلق التوازن سوا
الكره بعبوس: بس بصراحه انا مش طايقك وبكرهك
الحب بضحك: هههههه وبصراحه انا بحبك رغم انك بتكرهني انت أساسا بتكره كل حاجه حتي نفسك بس فيك ميزه جميله اوي
الكره : من امتي الكره كان في ميزه
الحب: لانك صريح مش خبيث زاي ما ناس فاهمه انت مش ذنبك انك بقيت الكره عشان كدا انا بحبك لانك رغم كرهك لكل حاجه بس عمرك ما فكرت تاذي
الكره : انت هتسطعبط ،بقي انا عمري ما اذيت حد
الحب : اه لان نفوس البشر المريضه وتفكيرهم هو سبب الاذي انت مجرد شماعه بيعلقوا عليها أخطائهم لان أساسا ليه شخص يكره التاني ،عشان احسن منه محترم عزه الناس بتحبه فلان اكتر منه نفوس مريضه مش انت السبب
الكره: وانت ساذج وبتنشر سذاجتك الزمن دا مش عايز الصائب ابو قلوب حمراء الي بيحترم الي حوليه الزمن دا عايز القوه والشده والشراسه
الحب : اتفق معاك هو فعلا محتاج القوه والشده
الكره : ههههههه عجبي عليك يا زمن الحب متفق معايا
الحب : ايوه لان عشان يتحافظ عليا لازم يكون في قوه القوه نفسها فيها أنواع انا ليا قوتي وانت ليك قوتك
الكره: خليك في شعراتك الفارغه ديه لحد ما هتفوق علي كابوس أن وجودك مبقاش ليه تأثير وانك مجرد صفر علي شمال
الحب : وماله هنشوف بس خليك انت فاكر الصفر الي علي شمال له فائده مش زاي ما الكل فاهم لانه واخد مساحه خاصه ليه ومحدش يقدر يسلبها ليه أو يشيله منها وبكده هو هيفضل موجود عشان يأثر في يوم
**************
رجع جدي البيت وهو في سكه كلم عمي اشرف وطلب منه يسيب كل حاجه ويجي هو وعمامي وعمتي عزه وبناتها وانا كنت في عربيتي ومعايا تيتا ( طبعا اقصد ورا الموكب ) كنت ماشي وجالي مكالمه من رقم غريب
انا: الو
ابراهيم: ايوه يا سيف انا ابراهيم
انا: ايه يا هيما ايه الرقم دا
ابراهيم : اصلي بعد ما عملت التليفون الي انت طلبته مني كسرت شريحه هي مش ناقصه
انا بضحك : ههههه جدع ، اخبار الكليه ايه
ابراهيم : اندرو راكب علي حوار أن اتقبض عليك من الأمن الوطني والعميد عايز يطلع قرار بفصلك من الكليه نهائيا وغالبا هيتمضي بكره ويتعلق ،جاتلهم علي الطبطاب
انا: طب يا حبيبي تسلم ،انا هتصرف سلام
ابراهيم : طب انت كويس
انا: انا زاي الفل يا ابني وخرجت في نفس اليوم أساسا كان في تشابهه اسماء مش اكتر ومجرد سوء تفاهم
ابراهيم : طب الحمدلله ،بص انت اطلع للعميد وفهمه واكيد هيلغي الموضوع دا
انا: هههههه متقلقش عليا انا هعرف اسلك معاهم اتفرج انت بس
ابراهيم: ربنا يكون في عونك يا صحبي
انا: حبيبي سلام
جدتي : في ايه يا سيف
انا: لا ولا حاجه مشكله كدا في الكليه
جدتي : طب احكيلي ولا خلاص مبقتش عايز تتكلم معايا
انا: ولله يا تيتا انا مش عايز اتكلم أساسا
جدتي : شايل ايه جواك
انا: كتير ،بس عادي يعني يا اما شلت ،المهم انتي حاسه بايه في دراعك
جدتي : لا بقي احسن بعرف احركه بس مش اوي (وسكتت شويه)بس تعرف ايه اكتر حاجه مستغرباها
انا: صفوان وود عرف منين حالتك عشان يجي لينا المستشفي
جدتي : دا انت مركز بقي
انا: اي حاجه تخص العشائر التانيه لازم تركز فيها عشان اوصل لهدفي
جدتي : وانت مش شايف أنه بدري اوي علي ما تفكر تبدء في هدفك دا يعني الهدف دا محتاج زعيم مش ولي عهد
انا: لما زعيم يبقي هو سبب تاخيرنا سنين طويله يبقي لازم ولي العهد يدخل ،انا مش هستني لما القي مصيبه حصلت بسبب اوامر جدي تدمر حلمي
جدتي : و حلمك دا حلمت بيه امتي أن شاء الله
انا: تيتا بلاش ندخل في اللعبه ديه مع بعض انا وانتي بس الي قرائنا السجل وزكريات الزعماء رغم انها مشوشه لكن بتظهر مشاهد كامله ،وانتي عارفه سبب الخلاف بين العشائر
جدتي : هما الي اختاروا
انا: لا أجدادنا الي اختاروا وانتو اختارتوا تمشوا وراهم انا بقي مش عايز امشي وراكم
جدتي : بس ديه أوامر وعاداتنا هتخالفها وتجيب لينا العار وسط القبائل
انا: واحنا فين اساسا من القبائل يا تيتا ،الشادوز قبيله وهربوا مننا لفرع تاني ليهم الهيل قبيله والهاف قبيله الروان قبيله الاركن قبيله لكن احنا مجرد عشيره احنا نبقي قبيله لما الثمن عشائر يتجمعوا من اول وجديد ونرجع قبيله الاوراكل
جدتي : يا ابني يا حبيبي مهو الي انت بتعمله الي بيخلي جدك متعصب منك
انا: تيتا احنا اتعودنا نكون صرحاء مع بعض صح
جدتي : اكيد
انا: انتي عارفه كويس أن سبب عصبيه جدي انه خايف من اليوم الي هو يقوم في من علي كرسي الزعامه وانا ابعد مكانه صح
جدتي ببرود: لا مش صح يا سيف جدك بيحبك وبيتمني يشوفك احسن منه كمان
انا: طب بالله عليكي قوليلي موقف واحد بس منه يقول إنه بيحبني بجد فكري كدا شويه ما افكر انا في حل لمشكلتي
بعدها ركزت في طريق وانا بفكر احل المشكله ديه ازاي لحد ما لقيت حل كويس وافتكرت أن وانا ماشي حاتم الي كانت ليحقق معايا اداني الكارت بتاعه في المداري فاتصلت بيه
انا: اخبارك ايه يا حاتم باشا
حاتم: الحمدلله يا سيف ،ايه قررت تتكلم
انا: لسه مش عايز تصدقني بس مش مشكله انا عايزك في موضوع مهم
حاتم: سامعك
انا: لا الكلام مينفعش في تليفون ،الاحسن اننا نتقابل
حاتم: هتفرق في ايه
انا: علي الأقل هضمن أن محدش يتطفل علي مكالماتي وكمان انا جايبلك حاجه هتعجبك اوي تاخد فيها دبوره زياده واظن انت أولي بيها من الي بيتنصت علي مكالماتي
حاتم: احنا مش بنتصنت علي مكالمات حد
انا: وهو انا قولت أن انتو الي بتتصنتوا طلعت من بوقي شوفت بقي انك انت الي عمال تظلمني اهو المهم هنتقابل امتي
حاتم: للاسف يا سيف مش فاضي الفتره ديه
انا: خساره علي العموم انا هديك فرصه تفكر نقول تلات ساعات اظنهم كويسين هستني مكلمتك بعد تلات سعات اكيد شخص غيرك هيفوز بالفرصه ديه باي
رميت التلفون قدامي وجدتي متابعه الي حصل كله وكلامي كان مبهم وجتي مش موضح انا بكلم مين وأمنها فضلت السكوت لأنها فهمت انت مفيش فايده من الكلام معايا دلوقتي وانا مركز في طريق لحد ما وصلنا القصر وامي كانت في استقبال الكل بس كانت بتكلم جدي من تحت ضرسها وكان واضح جدا من طريقتها وهو يا دوب حمدالله علي سلامه وقفلت كلام لكن جدتي كانت مبسوطه اوي انها رجعت ودخلوا كلهم وجه والدي من الجنينه الخلفيه وحضن جدي وجدتي وانبسط أنهم رجعوا وقمر وكريم كانوا رجعوا من المدرسه وفرحوا اوي لما جدي وجدتي كانوا موجودين ،انا كل دا واقف ورا بتفرج عليهم امي جات نحيتي وادتني شيكولاته وقالتلي اطلع اوضتي عشان جميل خايف مني فسبتهم وطلعب لكن جدي وقفني
جدي: رايح فين
انا بقرف : طالع اوضتي ارتاح شويه ويستحسن حضرتك ترتاح بدل ما جرح يفتح تاني
وسبتهم وطلعت وجدي شايط من طريقه كلامي
جدي : الواد دا عياره فلت خالص ولازم يتربي من اول وجديد
جدتي : بلاش تتكلم مع سيف يا مهران الفتره ديه لحد ما الدنيا تهدي
امي: متقلقيش يا ماما سيف مش هيبقي موجود عشان حد يكلمه او يهينه تاني هو هيروح يقعد مع بابا
ابي: ومين الي قرر كدا أن شاء الله
امي: هو قالي أنه ناوي يعمل كدا وبلاش تقف قصاده أما مش ناويه ابي يطلع معقد نفسيا عشان خاطركم بعد اذنكم اروح اشوف الغدا
جدي بسخريه: واضح أن البيت كله حاله انقلب
فوق عندي
دخلت الأوضاع كان جميل ماسك ورق الكليه بتاعي وبيلون عليه وانا قعدت الطم ،انا طلع عيني عشان اخلص الورق دا
انا بحزن: ورقي ليه كدا يا ابني دا انا تعبت اوي في الورق دا
جميل ببراءة: انا كنت عايز ارسم بس انا اسف عشان خاطري متعقش
روحت ناحيته طبطبت علي رأسه ولد جميل اوي وطيب
انا: انت عارف انا اسمي ايه
جميل هو رأسه بمعني لا
انا: طيب يا سيدي انا محمد ابن عمك
جميل : يعني انت مش سيف الشرير
انا: هو سيف شرير
جميل : اه بابي قالي أن سيف شرير اوي وبيتعصب وانا لو شوفته مكلموش
معرفش ايه زعلني اكتر من التاني أن ابويا يقول عليا كدا ولا أنه بيحاول يكره اخويا فيا
انا: طب لو قولتلك ان انا سيف هتعمل ايه
جميل بخوف : هخاف منك
انا بضحك: طب لو اديتك الشكولاته ديه
جميل فرح اوي وجه يمسكها لكن أنا بعدتها
انا: لا كله بتمنه
جميل بحزن: بس انا معيش فلوس
انا: بس انا مش عايز فلوس انا عايز بوسه وحضن كبير اوي اوي اوي
جميل فرح اوي وباسني من خدي وحضني وشدد اوي في الحضن دا وانا نفسي معرفش ليه ارتاحت ليه كدا الواد دا فيه سحر عجيب اوي بيخلي كل الناس تحبه
امي طلعت ولقتني بحضن جميل فامي حبت تهزر
امي يخضه: يا نهركم اسود انتو بتعملوا ايه
فحدفت جميل بعيد عني بس براحه
انا: ارجوكي يا ماما اوعي تفهميني صح
جميل بضحك: استري عليا ربنا يسترها عليكي
.انا و وامي بصينا ليه ووقعدنا نضحك وانا شيلته وقعدت اضحك والفه في الهوا وهو فرحان اوي
امي: طب يلا عشان الاكل جاهز وعمامك وصلوا كمان
انا : حاضر ،يلا بينا
جميل : يلا بس انت تشيلني
انت: بس كدا يلا
ومسك في ضهري ونزلنا وهو مكنش ظاهر خالص لان حجمه كان صغير اوي وانا ضهري عريض المهم نزلنا تحت وانا بضحك انا وامي وجميل فجاه وقع من علي ضهري بس براحه كأنه بيتزحلق والكل بص عليه باستغراب وجميل قعد جمبي انا وامي ولاول مره امي متقدش جمب ابويا قعدت جمب تيتا وخصوصا عشان تأكلها لانها لسه مش بتعرف تحرك أيدها كويس
جدي : مين دا كمان
ابي: دا جميل ابني
انا : انت اسمك جميل ،تصدق حلو شبهك
جميل : بجد هيهيههيهيه اسمي عجب اخويا الكبير
الكل كان مصدوم ومصدوم اكتر من رده فعلي انا واني وجدتي
كريم : اخويا ازاي يعني ،هي ماما خلفت امتي
قمر : انت غبي ،دا ابن بابا من واحده تانيه اكيد ،انت اتجوزت علي ماما
ابي : اه كنت متجوز زمان وجميل يبقي اخوكم ولازم تحبوه وتحترموه
قمر : بس أنا مستحيل ......
انا بحنان : قمر انا راضي زمتك مش كان نفسك يبقي عندك اخ صغنن تلعبي معاه براحتك وانت يا كريم مس كنت عايز حد يلعب معاك بلايستيشن و علي اي باد وانا مش بكون فاضي اهو جالكم الاخ الي هيحقق كل أحلامكم
كريم : بس مش من ام تانيه وازاي بابا يتجوز علي ماما
انا: ملناش دعوه ،ديه حاجه بين بابا وماما هما هيحلوها سوا لكن احنا لينا اخ صغنن ولازم ناخد بالنا منه وهيكون معاكوا في المدرسه يعني لو حد دايقه يا كريم لازم تدافع عنه زاي ما بتعمل مع قمر وتكون ضهر ليهم هما مسؤوليتك زاي ما انا كنت ضهرك وانت مسؤوليتي
كريم بفرحه :بجد
انا: اه ،وعلي فكره يا قمر جميل بيحب الرسم زيك
قمر : بجد يا جميل
جميل بفرح : اه انتي بتعرفي ترسمي
قمر : اه نبقي نرسم سوا بعد كدا
بصيت لابويا بعتاب علي طريقته الي بتبوظ كل حاجه لدرجه ديه هو مش عارف مدخل كل واحد فينا ايه ،كانت جدتي وعمي منتصر بيبصولي بفخر واعجاب والباقي مستغرب
جدي : طب افهم انا ابنك ازاي ومن مين
ابي : انا اتجوزت فيروز الله يرحمها يا بابا قبل موتها بسنتين بعد ما اتبعت ليها رساله تهديد عشان اقدر احميها
اشرف : وليه في سر ليه مأعلنتش عن الجواز دا مدام هو علي سنه الله ورسوله
ابي : اهو الي حصل بقي ولو سمحتوا مش عايز اتكلم في الموضوع دا خلاص
جدي : وانتي يا نورا موافقه علي دا
امي : هعمل ايه يعني ،فيروز كانت صحبتي واختي وابنها هيبقي ابني أما جوزي فأنا وهو عارفين ازاي نخلص مشاكلنا بينا وبين بعض يا عمي
جدي : اول مره متقوليش يا بابا
امي : عادي يا عمي
جدي : وانت يا استاذ سيف ايه موضوع انك هنسيب البيت دا
انا: هو انا هسيبه واروح الشارع انا رايح لجدي صابر اظن انه من حقه يقعد مع حفيده هو كمان
جدي: و هو انت الي هتقرر حاجه زاي كدا
ادا ببرود: عادي طقت في دماغي وانا قاعد لوحدي
ابي : واهو انت كنت فين اساسا
انا: كنت في مكان برتاح في جدا وبصراحه راجع مبسوط اوي ،وانت كمان يا جدي لازم تنبسط شويه
جدي بخبث: طب ما تقولي علي المكان دا عشان اعرف اروح وانبسط زيك كدا
انا بضحك: لسه فاكرني عيل يا جدي وهيضحك عليا بكلمتين بس عموما انا كنت في ممممم في ولا اقولك خليها بعدين
تقريبا انا شاف دخان طالع من راس جدي وابويا وعمامي بس يلا مش مهم قعدت كملت اكلي وانا مركز اوي في الأكل ام حمديه اه اكلها طعمه حلو بس بصراحه كنت بحس بب باور جامد اوي بعد الاكل ( عزيزي القارئ مش البور الي في دماغك ،الرقابه الله يخرب بيت دماغك انا اقصد طاقه داخليه ) عشان كدا مكنتش بأكل كتير المهم خلصنا اكل والكل قعد مع بعض شويه وليلي قالت لجدي انها راجعه سوريا بكره عشان عندها حاجات تخلصها هناك فجدي وافق بس طلب منها أنها تستناه في مكتبه وانا كمان دخلنا المكتب واستنينا جدي وكان حاتم بعتلي رساله أنه موافق وبعتلي لوكيشن ومعاد المقابله الي كان بعد ساعتين ،وقعدنا شويه ساكتين لحد ما جدي دخل وبعد علي الكرسي بكل هدوء وبصلي
جدي : مين بقي سمحلك انك تسيب البيت دا وتمشي انت فاكرها زريبه ولا فاك نفسك حر تعمل الي علي كيفك
بصيت لي ليلي وابتسمت وبعدها قولت لجدي: تصور يا جدي ،اصلي طلعت انسان من لحم ودم وعندي إرادتي الخاصه الي محدش بيتحكم فيها ولا عبد عند حد مفاجاه مش كدا
جدي : وانا بديك أمر امر انك متخرجش من البيت دا بصفتي زعيم عليك وكمان انت لازم تتربي في بيت زعيم
انا: طب بما انك بتكلمني بصفتك زعيم وانا واحد من عشيرتك اسمحلي اقولك يا زعيم اني مش قابلك تكون زعيم عليا ولا شايف انك جدير بزعامه العيله ديه وشايف انك متستحقهاش بس نعمل ايه الاختيار مش اختيارنا
جدي : امال مين المناسب بقي انت
انا: ولله هو اختارني زي ما اختارك ،وانا مش جدير بس علي الأقل هحاول، هحاول مهنش عشيرتي واقلل من احترام اولادي علي أقل هوحد عشائر القبيله وارجعهم بعد فرقه ٢٠٠٠سنه وانت بتحكم عشيره واحده وكمان خاربها تقدر تقولي يا جدي أحوال الجيش ايه تعرف ايه عن تدريبات المحاربين تعرف ايه عن الهجمات الي اروبا طب تعرف حاجه أن انتشار عمليات الغتيال الي بتم في علي سواحل اسيا قولي يا جدي تعرف ايه عن الحاجات ديه
جدي : ديه مش اختصاصي عشان اعرفها
ليلي: للاسف يا جدي القائد الحربي للعيله مهمته أنه ينقلك الاخبار ويستني قرارك لان انت الي بتوجهنا لكن للأسف انت أساسا مش عارف توجهنا واثبت دا كذا مره عشان كدا مفيش حاجه من ديه بقيت تتعرض عليك مش معني انك مش كفئ انها مش اختصاصك الزعيم يخصه كل شئ زاي ما من حقه يأمر بكل شئ
جدي سكت وبصلي
انا: حقيقه صادمه مش كدا ،جدي انا مستني اليوم الي همسك فيه بعدك عشان أصلح حاجات كتير اوي انت بوظتها واخرتنا عندها وافتكر أن الي عالجك كان عدوك وأن الي عالج ابن صحبك كان اتحاد بين تلات عشائر بنهم بحور دم كل دا عشان الجيل الجديد قرر يوقف الدم الي ملوش سبب ،لكن انت عمرك ما هتفكر للحظه توقف الدم دا
جدي: وانت بقي الي هتعرف
انا بابتسامه: اه مش معني انك مقدرتش يبقي انا مش هقدر ،بس عارف انت ليه مش هقدر يا جدي عشان مفيش حد يطلب السلام وهو معتبر حفيده الي من لحمه ودمه سلاح وبيرميه علي خط النار
جدي بغضب : انت اتجننت
انا: اوعي تكون فاكر يا جدي انها دخلت عليا حوار انا سحبتكم عشان كنتوا هتموت ،انت لو كنت خايف علينا اصلا مكنتش حطيتنا في الصفوف الاماميه انت سحبتنا عشان عرفت أن تيتا مش عند الشادوز ودلوقتي انت كنت عايز تقعد في المستشفي لكن اول ما عرفت أن حصل هجوم خفت لكن اطمنت لما لقتني وقولت انا عايز اروح وانت هتقعد عشان تحميني مش عشان انت حفيدي انا بنسبه ليك سلاح مش انسان بس ببساطه يا جدي لو انت شايفني سلاح فأنا هكون سلاح متصوب نحيتك قبل ما يتصوب علي عدوي افتكر كلامي دا ،انا هروح عند جدي صابر عشان هو القائد الحقيقي الي ليقود أعظم جيوش العالم وهو هيعلمني ازاي اكون زعيم مش عبد بعد اذنك يا زعيم
وخرجت انا وليلي وحدي فضل باصص علينا لحد ما خرجنا فضل ساكت شويه وطلع تلفونه وكلم عز الهداجي
جدي: انت كنت فين يا عز كل دا اختفيت فجاه
عز: كنت مشغول شويه يا مهران الدنيا مقلوبه بسبب وقوع علي الصمدي
جدي: علي الصمدي مش هيقع بسهوله كدا ،اخبار رجالتك ايه
عز: رجالتي كلهم جاهزين بس ليه
جدي: بصراحه ناوي اولع في ناس كتير
عز: بص يا مهران انت لسه خارج من ضربه كبيره وغيبت كتير عن السوق حتي قبل دخولك المستشفي ،نصيحه مني بلاش العنف و الاندفاع دا لأن هيخسر غيرك
جدي : الي حصل الفتره الي فاتت لازم يترد عليه بقوه والا هيبتي ومكانتي هتتهز قدام الكل وكمان ادم عمل لعب كتير من ورايا الفتره الي فاتت ولازم يتحاسب عليه
عز باستنكار: معلش بس انت هتحاسب ادم ، مهران انا نصيحتي ليك انك تروح تنام وتريح اعصابك لانك كدا مش واعي للي بتقوله ادم بطرقعه ضياع ممكن يخلي العالم كله بيدور علينا وميبقاش لينا مكان تستخبي فيه حتي ادم هو الي ماسك خيوط اللعبه في نور مع أنه في ضلمه افتكر دا وركز في كلامك وريح أعصابك احسن وبعدين نكلم سلام
جدي فضل قاعد ساكت شويه لان في حاجات كتير اوي بدأت تخرج من تحت ايده عشان كدا لازم يتعامل مع كل دا ،بس اكبر مشاكله مع عدنان و انا وأغلب الجيل الجديد اتمرد بشكل قوي حاجات كتير اوي بدور في دماغه و في الاخر قرر ياخد بنصيحه عز وينام
*************
في منزل عز
عز كان قاعد في جنينه ساعه ما جدي كلمه ومنال قاعده جنيه
منال : هو لحق يقوم عشان يعمل حاجه دا خارج من المستشفي انهارده
عز: مهران عنيد ومش بيقع بسهوله ،ودا الي يخوفك منه هو دلوقتي عامل زاي الاسد الجريح الي هيضرب في كل الي حوليه عدو وحليف
منال : فريال مش هتسيبه يعمل كدا اكيد هتنبهه
عز: بعد الي حصل ليها انا نفسي مبقتش متاكد من حاجه أما مش قالقني غير تجمع المحاربين الي حصل فجاه وكمان التحالف مع الهيل الجليديه قوه مهران هتبقي اقوي وتقوي واحنا في الهامش
منال : هامش ايه يا عز ،اوعي تكون بتفكر تعادي مهران انت كدا بتحكم علينا كلنا بالموت
عز: دا علي أساس اني مقدرش اقف قدامه ،انتي ناسيه ولا ايه يا منال احنا عشيره لايتنني يعني لا مهران ولا غيره يقدر يقف قصادنا
منال : عز بلاش ثقتك تعميك انت شوفت قوه سيف لما كنا في الغردقه الواد مكنش بيعرف يستخدم قوته ومع ذالك قدر يهزم عمار ويتعلم واحد من اقوي الأساليب الذهنيه بسرعه ،والعنقاء قوتها معروفه عند كل القبائل ويا عالم في مين تاني زيهم
عز: واحنا معانا اميره واظنك عارفه قوتها عامله ازاي
منال : ابعد اميره عن الي بيحصل دا ،كفتيهوبقي عليها هي ملهاش ذنب عشان تعيش الحياه ديه كفايه انها هتسيبنا وتسافر عشان تهرب من تحكماتك وضغطك عليها
عز:تحكماتي ديه الي خلتها اقوي
منال: هي الي خلتهاو معقده وتعيسه،سيبها تعيش حياتها شويه وتحس بسنها زاي اي بنتاحنا مجبناش الولاد دول الدنيا عشان نعذبهم
عز : عمار
عمار جه و معاه بيتر
عمار : ايوه يا عز بيه
عز : جهزت نفسك لسفر
عمار : ايوه يا فندم ورتبت كل حان مع المعلم هناك في قبيلتي
عز: خد بالك منها اوعي تغيب عن عينك لحظه
عمار: اكيد يا فندم بس معلش مين هيكون قائد الحرس الخارجي مكاني بعد ما اسافر
عز: مش شغلك يا عمار انتو المفروض هتتحركوا علي هناك بعد بكره رتب امورك كويس ومتركزش في حاجه غير حمايه اميره وبس
عمار : حاضر يا فندم بعد اذنك
ومشي عمار وبيتر فضل واقف وتقريبا عايز يقول حاجه
عز : قول قول مدحت عمل مصيبه ايه تاني
بيتر: ادمن
عز ومنال : ايه
عز: انت اتجننت يعني ايه ادمن ازاي دا حصل
بيتر : معرفش ،انا امبارح روحت جيبته من بار كان سهران فيه ولقيت قدامه بقايا سطر كوكايين
عز: هو فين دلوقتي
بيتر: امجد بيه شافه امبارح واخده ومن ساعتها منعرفش مكان اي حد فيهم
عز: طب غور من قدامي غور
مشي بيتر وعز مصدوم من الي هو سمعه ومنال بتعيط علي اولادها الي بيروحوا منها ( للاسف هي ديه بتكون نتيجه الإهمال وعدم تقرب الأهل من أولادهم نصيحه الي مش قد الخلفه ميخلفش ولا يجوز احسن عشان احنا مش ناقصين )
***************
نصار روح البيت بعد فتره هو غائب فيها واول ما دخل كانت سما مراته قاعده بتتفرج علي التلفزيون بي متكلمتش معاه خالص
نصار : السما بتاعتي زعلانه ولا ايه
سما: وهزعل من ايه يعني ،كنت سبتني مرميه هنا زاي الكلبه ولا حتي عبرتني بقالك اربع ايام ولا ولا مقعدتش معايا ثانيتين بعد ما قعد شهرين مشوفتكش
نصار بضحك: يا حبيبتي ولله غصب عني ربنا عالم بالي كنت فيه انا روحت طلعت واحد من تحت ركام وفضلت المستشفي وكان ضرب نار وبلاوي فوق دماغي طول الأربع ايام دول
سما: وهو يعني الشخص دا اغلي مني عشان تسيبني كدا من غير حتي ما تطمني عليك
نصار : لا طبعا مفيش اغلي منك بس الراجل دا لو كان مان كان زمان الكل في حرب والدنيا ولعت ،انا مهما قعدت اوصفلك الراجل دا مهم قد ايه مش هتصدقيني
سما: مش مسمحاك برضوا
نصار : ممممم طيب عموما انا جعان واظنك عارفه انا لما بجوع وملقيش اكل بيحصل ايه
سما وشها بقي زاي الطماطم وطلعت تجري ونصار قعد يضحك
نصار : طب يعني هاكل ولا ولا هيحصل ايه انهارده
سما من الدور الي فوق: الاكل في المطبخ
عوني خبط علي الباب ونصار راح فتحله
نصار: قسما بالله لو قولت انوفي نصيبه تانيه لا اكون مولع في القصر بالي فيه
عوني بهدوء : لا مفيش حاجه
نصار : طيب الحمدلله، امال عايز ايه انت دلوقتي
عوني : فريال هانم طلبتك وعايزاك تجيلها حالا
نصار : عوني اقفل تلفونك انت وكل الرجاله اسبوع انا في اجازه ومش خارج من البيت غير لما ارتاح حد قال لكم اني لاقي صحتي علي الارض ايه دا روح نام ولا العب ولا اعمل اي حاجه يا عوني احسن
نصار في نفسه : مدام طلبتني بشكل دا يبقي عايزه تادبني تأديب بتاديب بقي اطلع ارتاح شويه عشان افوق للي هيجري فيا
سما: نصار انت فين
نصار : جاي يا حبيبتي
*****************
انا خرجت من مكتب جدي ومعايا ليلي وكان الكل قاعد بره بس من تعابير وشي هما استنتجوا اني حرقت دمه جواه
انا: حد عايز حاجه من برا
ابي : انت رايح فين دلوقتي
انا: هيطلع اجيب شويه ورق وأروح الكليه بقالي كتير مروحتش وكدا ممكن اتفصل
ابي: ما انت كنت قاعد بتتسرمح معرفش فين
انا ببرود: بظبط كدا واديني فوقت اهو وراجع كليتي حد عايز حاجه من برا( محدش رد)طيب استاذن انا بقي
طلعت اوضتي وجبت اللاب غير اللاب بتاعي وفلاشه خاصه شويه ونزلت تحت واخدت ليلي ومشيت وروحت علي اللوكيشن الي اتبعت ليا وليلي قعدت بعيد شويه بتمسح المكان وبلغتني ان في سبع ظباط غير حاتم في المكان ،وحاتم كان قاعد علي طربيزه في زاويه الكافيه ،المكان دا صعب جدا اهرب أو اجري بسرعه لو حبيت اهرب منه مش سهل حاتم دا برضه روحت وقعدت قدامه وانا مبتسم
انا: اتأخرت
حاتم: جدا
انا: معلش بقي جدي لسه خارج من المستشفي وكان في قعده عائليه
حاتم: كنت عايزيني في ايه
انا: كل مس هنشرب حاجه الاول انا الي هحاسب عموما مبحبش حد يدفعلي
حاتم شاور للويتر يجي وانا ابتسمت لما شوفت الويتر وطلبت موكا
انا: شباب بقي ،اخبارك ايه يا حاتم باشا
حاتم: بخير يا سيف بس اكيد انت مخلتنيش ادب المشوار دا كله عشان تسالني عن اخباري
انا: في دي عندك حق بس انتو بسم الله ما شاء عليكم مأمنين المكان جامد اوي حتي الويتر تبعكم
حاتم باستعباط: تبع مين انا جاي اقابلك بصفه شخصيه
انا بضحك لدرجه ان ناس بقيت بتبص علينا : ماشي هعمل نفسي مصدقك ،بص يا حاتم باشا انا يمكن اكون شاب صغير اه لكن اتربيت في عيله تعتبر مسيطره علي سوق المقاولات وبتشتغيل في بزنس كتير جدا ولقيت نفسي في حلبه مصارعه تيران وكان لازم ااهل نفسي عشان لما يجي دوري وابقي المصارع مش مجرد متفرج اقدر أسد قصاد التيران الي قدامي
حاتم بجديه: وعشان كدا اختارت التجسس
انا: ولله انا لحد دلوقتي مش عارف مين الي جاب ليكم الكلام دا ،انا جهزت نفسي اني اقدر اتعامل مع ناس اعرف هاكرز كتير في العالم وليا علاقات مباشره مع رجال أعمال رغم صغر سني لكن تجسس بعيده اوي عنب اصلي هتجسس ازاي فكر معايا هجيب معلومات منين
حاتم: من سياده الفريق صابر الرباعي مثلا
انا: دا علي أساس أن جدي عيل برياله وهيكلم معايا أو مع غيري في شغله ويطلع اسرار عسكريه عادي كدا انت بتتكلم عن مساعد وزير الدفاع يعني راجل عسكري من درجه الاوليه ليقود سلاح كامل في الجيش ،وكمان انا علاقتي بجدي صابر مش قويه ولا بنتقابل أو نكلم كتير مع بعض أساسا ومدام جبتوني يبقي اكيد كنتوا مراقبيني ومراقبين تلفوني
حاتم: احنا مش بمراقب حد غير بأذن من سلطه قضائيه
انا: علي فكره انت عندك مشكله في الكلام ودائما بتقولني كلام مقولتوش انا قولت انكوا مراقبني من غير إذن نيابه انا بقول انكوا عارفين أن علاقتي بجدي صابر مش قويه
حاتم: بس انت متربي في بيت جدك مهران الملكي و اظن انه هو ماسك مناقصات كتير تبع القوات المسلحه والشرطه و وزاره الاسكان تقريبا اي حاجه تخص المقاولات الحكوميه حدك هو الي بياخدها يعني انت تحت ايدك كنز من المعلومات
انا: صح في ديه عندك حق وغلبتني بس هو حصل اي اضطراب في المشاريع الي مسكتها شركات جدي اظن لا يبقي مفيش اي اخبار اتسربت ،يعني من كل نواحي انا برئ بس دا مش موضوعنا
حاتم: امال ايه موضوعنا
الويتر جاب الموكا بتاعتي وانا فصلت ساكت لحد ما مشي
انا: ابن حلال اوي بس علموه ازاي يمثل كويس ،المهم انا واحد مقتنع أنك لو عايز تدمر بلد لا تستهدف الجيش ولا تعليم ولا القيادات العليا والأحزاب كل دا كلام مهم لكن تأثيره بيجي علي المدي البعيد بس لو عايز توقع بلد بجد تضرب في حاجه تانيه اهم من اي شئ انت في رايك ايه اهم حاجه في اي بلد
حاتم: الامان طبعا
انا: عشان كدا حضرتك ظابط عشان مقتنع أن الامان هو أهم العناصر ودا حقيقي بس تفتكر هيكون في امان لو ناس اكلت بعض
حاتم: امال احنا بنعمل ايه ما احنا بنمنع الي عايز كدا عشان نعيش في سلام
انا: مهو عشان الناس لاقيه الي تأكله لكن لو الاكل اختفي الناس هتاكل في بعض وتاكلوا انتو كمان ما في الاخر انتو مننا
حاتم: هات من الاخر يا سيف
انا: مايكل السنهوري عميد كليتي
حاتم: دا صاحب مصانع السنهوري للاسمده والمبيدات
انا: مظبوط وصاحب مصانع لاعلاف الدواجن والمواشي هو الي جاسوس
حاتم: مش فاهم
انا: دكتور مايكل مسؤول عن توريد ٤٠% من الأعلاف لمزارع القوات المسلحه ومدها بالاسمده والمبيدات اللازمه عشان الأراضي وطبعا مع مشاريع الاستصلاح الي بتحصل دلوقتي الاحتياج للاسمده بقي اكبر
حاتم: اه دا حقيقي بس ايه علاقه كل الكلام دا بأن مايكل جاسوس
انا: دكتور مايكل عشان يقدر يمدكم بالاعلاف والمواد الزراعيه اللازمه لازم يكون عندوا كشوفات تفصيليه بإعداد المواشي وانواعها وحالتها الصحيه وكمان انواع التربه والمنتجات الي بتتزرع في الأراضي بتوقيت بتاعها
حاتم: وايه المشكله امال هيشوف شغله ازاي
انا: طب تصور معايا بقي يا حاتم باشا أن الدول التانيه عارفه المخزون الاستراتيجي للغذاء للجيش وكمان دلوقتي حضرتك عارف ان الجيش بيعرص سلع بتاعته بأسعار مدعمه للمواطنين عشان يسيطر علي احتكار التجار لسلع الاساسيه برا عارفين كل حاجه عن اكلنا وشربنا يعني يقدروا يحطوا خططهم ويديقوا الخناق علينا وخصوصا اننا ما زلنا من الدول المستهلكة من السوق الدولي يعني فجاه ممكن منلاقيش نأكل وساعتها الشعب يثور والفوضي تعم ولا جيش ولا شرطه هتقدر يقوف غضب ناس جعانه مش لاقيه الي تسد بيه جوعها وكمان موارد الجيش تبدء تقل واحنا بسم الله ما شاء الله علينا اعداد جنود جيشنا كتير تقدر تقولي المخزون الاستراتيجي الخاص بينا هيدوم قد ايه قبل ما الفوضي تدمرنا وندخل في مجاعات زاي القرون الوسطي الي دمرت أروبا في القرن ال١٣
حاتم: انا بحيك جدا يا سيف علي معلومات القيمه ديه وانك مطلع رغم صغر سنك وبتفكر تفكير اقتصادي وسياسي وعسكري كمان دا شئ جميل بس كل دا ايه علاقته بدكتور مايكل السنهوري
انا: مايكل بيسرب كل المعلومات الي بياخدها من وزاره الدفاع لدول تانيه
حاتم ببرود: ديه اتهام خطير جدا يا سيف ومينفعش تقوله كدا من غير دليل
انا : حاتم بيه انا عارف كويس أن السنهوري متراقب من المخابرات العامه والشرطه العسكريه بس محدش عارف بمسك الدليل عليه عشان كدا هو لسه مكانه خلينا نكلم مع بعض بصراحه انت عايز الدليل وانا معايا الدليل
حاتم: والمقابل
انا: متعودتش اساوم علي بلدي وامانها
حاتم: انت مش لسه بتقول انك عايزنا نكون صرحاء مع بعض قول انت هتستفيد ايه
انا: اخلص من وجع دماغ السنهوري عملهولي
حاتم: فين دليلك
طلعت اللاب بتاعي و وصلت الفلاشه فيه و وريته الشاشه ،كانت رسائل واميلات مشفره ومتحدد موقعها والجهاز الي بتتبعت منه الي يخص السنهوري وكمان صور وفيديوهات وتسجيلات صوتيه ليه وهو بيبلغ معلومات مهمه ليهم وفي منها معلومات عسكريه خطيره وكمان قائمه باسماء الناس الي بتساعده وبتمده بالمعلومات كان حاتم مصدوم من الي في تحت ايده
حاتم: انت جبت الحاجات ديه ازاي
انا: ليا طريقتي زاي ما انتو ليكوا طريقتكم
حاتم: سيف انا بكلم بجد
انا: وانا ولله بكلم بجد انا مش عايزك تتعب نفسك وتدور ورايا لانك مش هتوصل لحاجه و اظن اني بينت ليك حسن نيتي
حاتم: مايكل مدايقك في ايه
انا: بسبب قبضكم عليا هو استغل دا ولأن في مشاكل بيني وبين ابنه عيمضي قرار رفضي من الكليه بكره وانا عايز اكمل تعليمي في هدوء بصراحه
حاتم بتعجب : بقي بتسلم رقبه واحد لحبل المشنقه عشان عايز يرفدك
انا: الله مش هو عايز يرفدني ويدمر مستقبلي انا كمان هرفده وادمر مستقبله واخلي ولاده يشحتوا وميقدروش يعيشوا في البلد كمان لأنهم ولاد جاسوس خاين ممكن تشوف سببي تافهه لكن لكل شخص معركته الخاصه وديه معركتي
حاتم: طب تمام (وجه يسحب الفلاشه لكني مسكت ايده بسرعه)
انا: حاسب لتعور نفسك المعلومات علي جهاز مش الفلاشه ولو حد غيري شال الفلاشه هتنفجر
حاتم: نعم امال حطيت الفلاشه ليه من الاول مدام ملهاش لازمه
انا: ببساطه لي كاميرا مراقبه وراك وفي كاميرات وأجهزة تصنت في كل مكان الفلاشه ديه بقي بمجرد ما تتوصل باي جهاز الكتروني بتبقي زاي القنبله الالكترونيه بتعطل اي جهاز الكتروني مهما كان بسيط او قديم معلش مكنتش حابب حد يشوف الدليل غير دلوقتي السنهوري عنده رجالته في كل مكان وممكن يكون مراقبني لانه أساسا عايز يخلص مني بسبب اني علمت علي ابنه وقعدتي مع ظابط امن وطني هتخليه ياخد حذره
حاتم بإعجاب: انت متاكد انك ملكش اتصال باي جهاز أمني حتي لو مصري
انا: لا انا بحب افضل واقف في اخر الطابور ومحدش شايفني (وسئلت الفلاشه وقفات اللاب وطلعت فلاشه تانيه ) اتفضل كل المعلومات علي الفلاشه ديه
حاتم: متشكر اوي يا سيف وسعيد بتعاونك دا
انا: انا اسعد
حاتم: بس انت عرفت منين أن المكان متأمن والآن الويتر تبعنا
انا: الويتر حاطط برفان لايت بلو بذمتك في ويتر هيبقي معاه تمن نقطه منه وكمان انتشار رجالتك واضح وخصوصا الي قاعد ورأيا ورامي ودنه من بدري وقعدنا في الكورنر دا عشان معرفش اهرب أو اجري وابقي محاصر كماشه حلوه بس الي يكشفها يخليها ملهاش لزمه
حاتم: انت ايه الي دخلك زراعه يا ابني كنت تدخل شرطه ولله كنت هتبقي ظابط جامد
انا: ولله جدي صابر عرض عليا ادخل الحربيه بس انا رفضت وكمان نظري الضعيف حضرتك شايف نظارتي مش بعرف اشوف من غيرها عموما أن شاء الله نتقابل تاني بس في أجواء احسن من كدا
حاتم: مشربتش الموكا
انا: المره الجايه بقي سلام
وقومت من قدامه ومشيت وليلي خرجت ورايا ببص من برا وتقريبا كان الكافيه كله بيبص علينا وانا مبتسم
انا: المطعم كله ظباط مش سبعه بس يلا بينا
ليلي: ازاي انا متاكده أنهم سبعه
انا: الي كشفتيهم دول لسه جداد في جهاز الأمن الوطني مش بيعرفوا نفسهم صح أغلبهم ظباط عمليات ولسه ماسكين طريقه العمليات عشان كدا كشفتيهم لكن الباقين قدام وعارفين كويس ازاي يندمجوا مع باقي الناس من غير ما حد يلاحظ
ليلي: بصراحه الشرطه المصريه مرعبه ومهاراتهم عاليه
انا: امال انتي كنتي فاكره ايه بلا علي مطار ومضيش وقت
ليلي : انت اخدت بالك أن الحارس الشخصي لعلي الصمدي كان هو كمان بيراقبنا
انا: حقه سامح كان أساسا ظابط قوات خاصه في الجيش وشاف حاجات تشيب حتي قبل ما يشتغل مع علي الصمدي فجاه يلاقي ناس بتظهر وتختفي فجاه لازم يلسع
ليلي : بس مش عارفه ليه حاسه شخص مميز
انا: دا حقيقي سامح عنده مهرات عاليه اوي لو ضغط علي نفسه صح هيمتلك قوه مدمره
ليلي: الايام الجايه هنشوف لعيبه جداد علي الساعه شكلنا
انا: دا حقيقه يلا عشان اوصلك
ركبت عربيتي و وصلت ليلي للمطار وروحت وكل دا انا كنت متراقب وكلامي كله متسجل حتي المعلومات الي معايا اتاخدت وسفره الفلاشه انكسرت ساره ديه بصراحه عندها مهرات مرعبه هي كمان
ساره: ينهرك اسود دا انت جبت الكل في شوال
****************
عند ساره
بعد ما ساره خلصت مراقبتي رجعت لادم وهي علي وسهل ملامح دهشه كبيره اوي دخلت لادم لقته قاعد بيرسم في لوحه ومشغل موزارت وهيمان
ادم: انتي عارفه اني مش بحب حد يقاطعني وانا برسم
ساره: سيف الملكي بقي خطر اوي
ادم: عادي ما دا المطلوب
ساره : دا المطلوب اه بس مش لدرجه انه يحرق ملف السنهوري ويسلمه للأمن الوطني لايده
ادم ساب فرشه الرسم وبدء يصقف ويضحك جامد
ادم: هههههههههه انتي بتتكلمي بجد الواد مستواه معدي مهران بمراحل فعلا
ساره : انا بتكلم في ايه وانت بتتكلم في ايه بقولك الواد سلم ملف مايكل السنهوري للأمن الوطني
ادم: وايه المشكله هو كدا ريحنا وهيخلي الي اسمه ياسر دا كمان يبعد عنيه عننا وعن شغلنا الفتره الجايه
ساره: مش مستغرب أنه وصل الادله الي تدين مايكل
ادم: بصراحه من بعد ما عرفت أن شويه العيال ديه عملت شبكه تجسس اتخططت قدراتنا بمراحل بقيت واثق أن الجيل الجديد هيبهرنا الايام الجايه كتير جدا وانا مستعد ويستحسن انتي كمان تساعدي
ساره: واستعد ازاي بقي
ادم: اعملي فشار وهوت شوكلت والبسي البجامه الشتوي ولكلوك وتعالي نتفرج سوا
ساره : ادم نصيحه مني متقعدش كتير مع نوح يظهر أنه بهت عليك ولا حاجه
ادم : هههههههههه ولله نوح دا زاي العسل عارفه انا ايه اكبر غلط كنت بعمله في شغلنا دا
ساره : ايه
ادم: امتي مكنتش بحب تستمتع بالي في أيدي ودائما شغل شغل شغل مفيش مانع من الشغل لكن خلينا نلعب جيم كدا في نص من الي بيحصل دا استنتجت حكمه جميله اوي ( لا متعه في سباق تكون موقن من انك الفائز الوحيد )
ساره : لا لا انا كدا مش هكمل معاك يومين وهموت مجلوطه ، نوح سيف قدر يوصل لملف احنا نفسنا طلع عنينا عشان نعرف نوصل ليه
ادم : وماله سيبيه يلعب كل الطرق تؤدي إلي روما وانا قيصر روما يعني هيجيلي هيجيلي دلوقتي بقي روحي ارتاحي وسيبيني استمتع بوقتي
ساره مشيت وتقريبا هتوصي حد يجيب ليها دواء ضغط عشان هي قربت تتجلط بجد
*****************
في المكسيك
سام رجعت بيتها وقعدت ترتاح شويه من التعب و نامت لكن بعد كام ساعه حست بحركه في البيت فنزلت جري تبص حوليها ملقتش حد بس حاسه بحضور قوي جدا راحت تجيب سلاحها لكن حست بحد وراها جات تضربه ملحقتش لانه كتفها وحدفها علي الكنبه وظهر جنبها وهو قاعد حاطط رجل علي رجل كان الشخص دا ماكس كرو
ماكس : تعرفي يا سام لما جوست ( الشبح) قالت ليا عليكي وعلي جمالك مكنتش مصدقها بنت بملامح عربيه لتعيش بأسلوب غربي مع حياه الغجر مزيج غريب اوي خلاني متشوق اني اشوفك والعب بيكي شويه سوري اقصد معاكي
سام ساكته ومش بترد
ماكس : مصدومه انا زاي عديت كل دفاعاتك ،معاكي حق هي فعلا صعبه بس مش عليا انا
سام من جواها
سام: دوسا نعمل ايه في المصيبه ديه
مدوسا: اهدي شويه لازم نتصرف بالعقل ضغط الطاقه بتاعه المحارب دا مش طبيعيه
سام: خلينا نستخدم تصلب عليه
مدوسا: مش هنجح طاقته هتصدني الشخص دا في مستوي تاني خالص
ماكس : صدقيني لو قعدتي تتكلمي معاها من هنا لصبح مش هتلاقي حاجه تخلص عليا للاسف يا سام انتي لسه مش في المستوي الي يقدر يقف قصادي
سام : تفتكر اني هخاف
ماكس قام وبقي بيتمشي بشكل استعراضي : تعرفي يا سام ابويا رماني في حفره ضلمه متوصله بممر مليان فهود سوداء قولتله نفس كلمتك عارفه رده كان ايه ،لازم تخاف لان خوفك معناه انك قدرت تقدر خصمك صح وتقدر تفكر بذهن صافي عشان تهزمه ،اه يا سام متستغربيش الخوف بيجي منه صفاء الذهن لانه بيخليكي تشوفي حقيقه خصمك ،فلازم تخافي والا كدا انتي ما زلتي مستقله بيا ودا هيخليني اضغط عليكي شويه وممكن متستحمليش
سام: عايز ايه يا ماكس
ماكس : الاسلحه فين
سام : في الحيطه الي هناك ديه
ماكس: قومي اتيها
سام راحت ناحيه الحيطه وفتحتها وطلعت كور دهبيه وادتهم لماكس
ماكس: بسهوله كدا
سام: أظنك اخدت الي انت عايزه
ماكس : ماشي يا سام باي
ومشي ماكس لكن بعد ما مشي سام فعلت نظام الحمايه ديلتا ودا النظام الخاص بسلاح القديم الخاص بيها كان سلاح سام عباره عن صولجان في جوهره بطلع نوع من الإشعاعات بتشتت علي اب إشعاع خارج من الأرض الي حوليها والمواد وبتالي مش بتوصل اي انعكاس للانسان عشان يشوف الي حوليه وبيتعمي وكمان يتشل لان جسمه بيرفض يتحرك في ارض مجهوله تماما حتي مش عارف رجله هدوس فين سلاح بيعمل شلل في وظائف الجسم نفسها عن طريق المؤثرات الخارجيه ،طبعا الكور الي سام اديتها لماكس بتعزز سلاح سام وشلت حركته لكن في حد انقذ ماكس لانه بعيد عن النطاق ومعهوش الكور فاخد ماكس وهرب
سام: ازاي اتجرء وجه لحد هنا ازاي
مدوسا: كدا الموضوع مبقاش امان خالص لازم نبلغ عن الي حصل للجبل
سام: الجبل في حاله تشتت ومش هيفيدنا
مدوسا: طب هتعملي ايه
سام: تفتكري هان هيقبل يساعدني
مدوسا: هان مين يا سام دا مجرد شخص عادي واكيد مش هيساعدك علي هزيمه ماكس
سام: دوسا بلاش اللعب عليا انا انتي عارفه أن هان محارب وباين عليه من قبيله قويه كمان
مدوسا : بلاس تتكلمي في حاجه انتي مش فاهماها
تليفون سام رن وكان انا
انا: الو
سام: ماكس كرو هجم عليا
انا: انتي كويسه عمل فيكي حاجه
سام: متقلقش عليا انا تمام
انا: انتي تعرفي هان لو
سام: اه ليه
انا: وصلي ليه رساله
سام: رساله ايه
انا: قوليلي رودس عايز يعيد روابط الدم من تاني
سام : مش فاهمه يعني ايه
انا: لما هتقولي له هو هيفهم سلام
سام: سلام ،واضح انها هتبقي ايام زاي الفل اختفي من خلقني يا مدوسا
***********
عند جدتي
كانت جدتي قاعده في الجنينه معاها امي وعمتي عزه كانت امي بتاكل جدتي وجدتي لتحاول تحرك دراعها كل شويه
عزه: يا امي ريحي دراعك شويه كدا غلط
جدتي: هو الدكتور الي قال اقعد احاول احركها وكمان انا مش طايقه التكتيف دا
امي : معلش يا ماما بس هنعمل ايه مهو عشان صحتك
جدتي : بس انتي مخيبتيش ظني يا نورا وعرفتي تحافظي علي البيت
امي : بس خسرت كتير الفتره الي فاتت يا ماما
جدتي : انتي ليه شايفه كدا صدقني انتي مخسرتيش اي حاجه
امي : بجد جوزي راح مني وابني الكبير هو كمان راح حياتي ادمرت كل دا مخسرتش امال المفروض اي يحصل عشان اقول اني خسرت
عزه: في ايه يا نورا انتي مكبره الموضوع ليه ما راجل من حقه يجوز اتنين وتلاته واربعه
امي: طب يا عزه لما جوزك يدخل عليكي بعيل وست ويقولك دول مراتي وابني هتعملي ايه هتقولي لي نورت يا حبيبي وتاخدي درتك وابنها بالحضن
عمتي سكتت ومتكلمتش
امي : بظبط تسكتي ومتتكلميش في الموضوع عشان انتي مش عارفه ولا حاسه بالي انا فيه
جدتي : بصي يا نورا انا مش هدافع عن عبد الرحمن بس مش انتي اساسا كنتي عارفه وموافقه
امي : كنت موافقه أنه يتجوزها علي الورق مش زواج كامل انتي متصوره يا ماما انه كل يوم يجي ينام جنبي وفي حضني وهو كان معاها من شويه احساس الخيانه وحش اوي يا ماما
جدتي : بس متقنعنيش يا نورا انك مكنتيش عارفه أو علي الأقل متخيله أنه اكيد هتكون زوجته بشكل كامل
امي : كنت عارفه بس كنت بقول في نفسي بيحبك ومش هيخونك بي تقولي ايه بقي ،بس للاسف سقط من نظري وبقي مجرد راجل زباله
عزه: احترمي نفسك يا نورا وانتي بتتكلمي عن اخويا انا اخويا سيد الناس مش عشان انتي معرفتيش تملي عينه تقومي تهينيه
امي: اخوكي رمي ضناه يا اخت سيد الناس رنا ابنه وحرمه من العيله والحب وخباه كأنه غلطه أو خطيئه انتي لو فكره اني زعلانه علي أنه خلف منها تبقي غلطانه انا زعلانه علي أنه طلع خسيس فرط في لحمه ورماه وخباه زاي الحراميه قوليلي بقي انهي سيد ناس بيعمل كدا
عزه : مهما عمل هو حر وانتي تعملي الي يقول عليه وانتي ساكته
فامي بصت لجدتي علي انها هي الي ترد عشان رد امي مش هيعجب حد
جدتي : تعالي يا عزه قربي
عمتي قربت من جدتي وجدتي ضربتها برأسها ولا اجدعها فتوه في حاره خلت عمتي ترجع لورا وهي بتتمتوح
جدتي : لما تتكلمي مع اختك تتكلمي باحترام فاهمه ،واخوكي هو الي غلطان من ساسه لراسه فمتعملش فيها اخت الشهيد وانا هربي اخوكي بمعرفتي وحسك عينك تتكلمي في الموضوع دا تاني
عزه: حاضر
جدتي بصرامه: وانتي ناويه تعملي معاه ايه
امي: هربيه عشان يعرف قيمتي وازاي يكذب عليا السنين ديه كلها وهحرمه من ابنه الي رماه وهو قصاد عينه عشان يعرف قيمه الضنا
جدتي بابتسامه : جدعه يا بت وانا في ضهرك
ساعتها انا دخلت عليهم وهما متجمعين
انا: ايه يا فوفه عامله برلمان أنثوي صغير ولا ايه
جدتي : ولما هو برلمان أنثوي يا روح امك دخل فيه ليه من غير الطرحه
انا : حد شاف كرامتي
امي : اه طلعت للي خلقها
انا: مالك يا فوفه زعلانه مني ليه
جدتي : كنت فين
انا: كنت يخلص حوار كدا
جدتي : ولا
انا: في ايه يا جماعه مش كدا ولله انا بخاف ،كنت يخلص حوار يا تيتا والحمدلله خلص ها ايه تاني
جدتي : اطلع نام وبكره هنورح الكليه عشان نشوف مشكلتك ديه
انا: امال انا كنت بعمل ايه ما انا حليتها خلاص
جدتي : ازاي
قربت منها وقولت في ودنها: بكره لما تقرئي الاخبار هتعرفي ازاي باي
وطلعت نمت وفعلا تاني يوم اتقبض علي مايكل عميد الكليه وابنه اندرو لانه كان من الأسماء في اللائحه وعلي عدد كبير من مسؤولين في اماكن مختلفه وقطاعات مهمه في دوله وكان عمليه قبض وتطهير علي فاسدين كتير اوي بس الغريب اني فضلت متابع السوق والبورصه وكيرف الاقتصاد الخاص بالدوله ملقتش اي اختلاف بل علي العكس في ارتفاع وظهر في ثانيه ناس علي ساحه كانت حاجه غريبه جدا أما لحد دلوقتي مش فاهمها بس عرفت أن اكيد ساره ليها علاقه بالحوار من قريب أو بعيد مفيش حد اعرفه يمتلك القدره ديه غيرها هي بس ساره ديه ديل التعبان إنما رأسه لسه بعيده عني بس مش لوقت طويل
المشكله الحقيقه في اني لحد دلوقتي مش عارف اتواصل مع سليم وحاله التوقف ديه خطر جدا ولو اي حد فتح من غير الباقين هيكشف لاننا بنغطي علي بعض وكدا يبقي في خطر والعين عليا من الأمن الوطني اكتر من الاول بعد تسليم الملف دا وعدي شهر وجدتي اتحسنت وانا علاقتي بجميل بقيت قويه اوي وقمر وكريم كمان حبوه وجدي سافر الشرقيه حل كل الخلافات هناك وطبعا عمي اشرف وعمرو وعمتي عزه رجعوا الشرقيه معاه وليلي حدي عدنان وافق واداها الاسرار بس مش كلها وهي بتتالم مع الوقت وبتقوي وانا ركزت في كليتي شويه واتعلمت حاجات كتيره ومفيده جدا ورجعت للكمياء عشقي الاول والاخير وعرفت أن أمير سافرت مع عمار بس مهتمتش وفضلنا علي الحال دا لحد ما كنا كلنا قاعدين ولقيت جدتي بتقول اننا معزومين عند علي الصمدي في بيته
جدتي : ها تروح و تعتذر
منتصر : مستحيل مين ده اللي اعتذر ليهم و مين مصطفى ده اساسا
جدتي : علي و غاده مش مهم عندي حد تاني
منتصر : ما تقول كلمه يا بابا اعتذر لي مين
جدي : ايوه تروح و تعتذر الناس دي مش عشره يوم وله اتنين دي عشره سنين عشناها مع بعض على الحلوه و المره تيجي انتا عايز تضيع ده
منتصر : دول اخده الدكتور صفوان و هو شغال في حاله جميل
ابي : كان لزم علي الصمدي مهم عندي
منتصر : اهم من ابنك
عبدالرحمن : مفيش حاجه في الدنيا دي اهم من ابني بس علي الصمدي تحت ايده ورث جميل ابني و لو مات كنت ها خد وقت طويل علشان اوصل لي الورثه اللي ها يطلعه عيني علشان نتفق على الشغل راجل سياسي شوف انتا عايز ايه و نتكلم في الشروط
انا : (قاعد جنب جميل اخوه و بيقشر فول سوداني)
جميل : (كلمني) هما بيزعقه ليه
انا : لا يا حبيبي هما كده على طول
جميل : صوتهم عالي اوي
انا : طيب ثواني (كلم الكل) بس احنا لينا حق عندهم ازي اخوه يقول ارمي مهران باشا و فريال هانم على الرصيف ناخد حقنا و بعدها نتكلم
الكل سكت و على وشهم الصدمه من الرد ده
جدي : لا يا سيف زمان حقنا جيه أساساً دلوقتي و غاده جابته
ابي : (حط كفه على خده) اه اكيد دي ست يعني
جدتي : (برقت لي عبدالرحمن) اغلط
ابي : وله اقدر دي ست زي السكر نسمه
جدي : مين دي اللي نسمه دي غاده
انا : والله لو الست غاده ها تجيب حق عمي و حق جدي و حق جدتي خلاص نروح
جدتي : افتكر انك عارف كده
انا : (استرجع ذكرا مؤلمه) اه اه عندك حق يا تيته و بعدين الصعايده حليف ممتاز جدا لينا يعني لو احتجنا منهم حاجه ها نلقيهم و دي تساعد نصار اكتر يمد نفوذه اكتر و اكتر بدل علاقه نسب مع حماه و علاقه صداقه جديده بينه وبين علي الصمدي ده تبقي علاقه صداقه اكبر و اقدم و الناس دي عندهم الصداقه و التقدير بالعمر كله و علي شغال في الحديد و احنا عندنا شركه مقولات و مستلزمات بناء يعني مصلحه
منتصر : اصغر نفسي علشان مليون وله اتنين تخفيض في علميه واحده
انا : عمليه واحده ليه ميكونش الشغل رايح جي بنا و بعدين لو تخفيض مليون وله اتنين بس في كل عمليه نعملها ده يا بلاش
منتصر : ها يفلس قريب و مصانعه اتقفلت
ابي : سألت و عرفت ان سوق الحديد لسه مشدود يعني هو لسه مسيطر زي زمان
جدتي : و بعدين مين ده اللي يفلس
جدي : افلاس مستحيل لكن دائقه ماديه ممكن
جدتي : وله دي كمان انتا مش عرفين غاده مناصره لي ابنها قد ايه و بتدعمه قد ايه
منتصر : و ايه الفايده من ده
جدي : لا ده ليه فايده كبيره ممكن تفتح خزنتها و تقوله اتفضل و ساعتها مش ها يحس حتي ان في فلوس بتطلع مجد
منتصر : برده لا
انا : يا عمي نكسب في كل بلد صديق و دول ناس ببلاد يعني مهمين و بعدين حضرتك ليه متخيل اني عايز اروح انا مش عايز اقابل الست اللي اسمها غاده دي حتي في احلامي
جدتي : ها قولها متخفش ها قولها
منتصر : ايه ياض العقل و الحكمه دي كلها اللي نزلت عليك انا بقولك كان ها يرمونا بره المستشفي و انتا متحركتش منك شعره انا قولت قريب ها نسمع عن مذبحه في بيت الصمدي
انا : منتظر ايه من ناس سمعت ان اخوهم القصر بتاعه كله نزل فوق دماغه بتفجير ده القصر على كلام عوني متساوي بالارض و الدكتور الوحيد اللي ممكن ينقذه انتا بتقول عليه لا (بص لي منتصر و جميل) بعدين يا عمي انا مش سفاح لو فاكر اني كده تبقي دي غلطتك
منتصر : غلطه مين مش ده كلامك
انا : (ببرود) دي لحظه غضب و ندمان عليها المفروض انتا عمي تفهم ان دي لحظه طيش و تقعد تعقلني بس معملتش كده (بص لي جميل) جيمي تيجي نلعب مع كريم
جميل : يله
انا : (شال جميل على ضهره و جميل مسك في رقبته) يلااا بينا
طلع سيف مع جميل اخوه
جدي : الواد اتجانن
جدتي : ليه متقولش افتكر انه انسان مش ألاله حرب
مهران : (سمع و سكت)
جدتي : الكلام واضح لي الجميع بكره ها نروح الزياره دي و اقسم بالله يا منتصر لو قولت كلمه واحشه هناك لا اصغرك وسطيهم و رحمت امي بكره اللي ها يغلط نص غلطه بس لا اندمه عليها العمر كله و انته عرفين حلفاني لو مش ها تتحكمه بكلمه راجل عاقل تحكمكم حلفان مرا مجنون
الكل بلع لسانه و سكت من الاخر كده اللي كان ها ينطق كلمه ها تطير رقبته
جدي : بس احنا يعني كده عندنا مشكله
جدي : مشكله ايه يا مهران
مهران : عدنان و ليلي نزلين القاهره كمان شويه و احتمال يكونه وصله و سام وصلت من المكسيك و هيا في بيتها دلوقتي
جدتي : و ماله يجه معانا
جدي : كده عددنا كبير مش عايزن نتقل على الناس
جدتي : طيب انتا فاكر اخر مره اتجمعنا كنا كام
جدي : قبل سفر محمد انجلترا و كنا كتير
جدتي : مش نفسك نتجمع تاني
مهران : (اخد نفس عميق و ابتسم بحزن) نفسي بس من غير محمد ملهاش طعم
امي : انته كنت اصحاب للدرجه دي
جدي : محمد الله يرحمه كان شخص ثقه شخص لو طلبت منه ايه يكون في ضهرك ده مره كلمته و يجيلي قدام مدريه امن جيه سألني بنعمل ايه هنا قلتله دخل اضرب ضابط علشان مد ايده على عبدالرحمن كان عبدالرحمن صغير فاكر
ابي : ايوه فكار
امي : و ايه اللي حصل
جدي : قالي طب يله المفروض واحد تاني كان عقلني بس ده لا دخلنا و ضربنا الضابط و كام عسكري و امين شرطه بس اتكاتره علينا و اتنفخنا هناك و بيتنا في الحجز هههههههه المشكله احنا ضربنا و محدش عرف بس هو فضح الدنيا و فتح في المديريه كلها بعد ما اتحجزنا و أكلنا العلقه التمام سألته و قولت مش كنا خلعنا يابني ادينا محبوسين بص ليا بكل هدوء و قالي نام يا مهران عندنا نيابه بكره و المشكله انه نام و تاني يوم الصبح اخدنا اصتباحه من العساكر و هو يقولي اوعا ترفع ايدك اوعا ترفع ايدك و رحنا النيابه و هو دخل على وكيل النيابه من هنا و قال ضربونا يا بيه احنا ولاد ناس يا بيه سمعتنا يا باشا
ابي : و ايه اللي حصل بعدها
جدتي : طلعه و اتحبس الضابط بتهمه التعدي على الموطنين فاكر قالك ايه ساعتها
ابي : (سكت يفتكر و افتكر) اه قالي لما حاجه زي دي تحصل كلمني انا بلاش ابوك و كل اللي في وشي ده بسبب ابوك
جدي : و عنده حق كان ممكن تتحل بطرق تانيه كتيره بس انا كبرت في دماغي ازي اي بني ادم يمد ايده على ابني مجنون ده وله ايه و ده يا عم منتصر محمد الصمدي مش بعد العشره و العيش و الملح ده كله تيجي انتا تقول لا و تخسرهم الناس دي اصيله بقولك دخلنا ضربنا مدريه امن و طلعنا برأه عادي
منتصر : ماشي يا حج اللي تشوفه
امي : يعني احنا ناخد ايه و احنا ريحين انته بتقوله صعايدة
جدتي : لا وله حاجه
ابي : ازي يا ماما عيب
جدي : ده لما ندخل على ناس غريبه لكن احنا اهل و غاده مش بتحب كده بس انا ها ظبط حاجه كده
جدتي : تمام يبقي الكل يجهز عشان هنورح
انا بره في الجنينه اتبعتلي رساله مكتوم فيها تم
****************
انتهي البارت وكل مدي الأمور بتوضح اسرار بتتكشف وأسرار تانيه بتتكون لكن في نهايه هنلاحل الالغاز ديه عشان تشجيع يا جماعه لان الدنيا واقعه خالص مش عارف ايه والجزء الجاي هين ل قريب بس القي تشجيع منكم
سلام
أنت تقرأ
المصير المزعوم ( الفوضي)
Fantasiaفانتازيا خيال حيث يسكن الشر في التفاصيل والنور يعرف طريقه ليضئ الطريق لمن يستحق بدون أحدهما تخلق الفوضي
