المصير المزعوم ( الفوضي)

الحصاد

بارون : مفتكرش اني هفضل كتير اكتب حكايه بطلنا الأمور بدأت تتغير

سارون: الي حصل مكنش قليل ،استعد لانك هتسلمني سجله قريب

بارون: انا منتظر اشوف الي هيحصل بفارغ الصبر

سارون: لكن أنا لا لاني عارف هو هيعمل ايه تفكيره مشابهه للي قبله وتصرفاته هتكون متوقعه جدا

بارون: مفتكرش الشاب دا هيكون زعيم متذكرش زيه في التاريخ ، أظنك شايف هو بيعمل ايه

سارون: مش هتفرق

بارون: رغم أننا بنسطر احداث العشيره ديه من آلاف السنين لكنك مقدرتش تفهم يا سارون ،لكل وقت أدان لكل زمن زعيم ولكل لحظه مشكله وظروف مختلفه كل زعيم مر بشئ مختلف وصعاب خاصه بيه مش كلهم عاشوا نفس الحياه بطلنا ليكمل طريق زعماء فاتوا ودا مش سهل لان الانسان بطبيعته بيحب يحط لمسته الخاصه

سارون: وعشان كدا بقولك هو هيكون متوقع لانه ماشي في طريق مرسوم من قبل ما يتولد حتي فايه الفائده من اني اتشوق لحاجه انا أساسا عارفها

بارون: متعرفش حاجه ،حتي لو الأحداث إتشابهت النتائج هتختلف ،اصبر لسه الطريق طويل

سارون: هنشوف

                 *****************

كان سيف واقف قدام مهران ابنه بيعدله بدلته وهو بيبص ليه وهو فرحان

مهران: في ايه يا بابا مالك

سيف: مبسوط لاني هحضر خطوبتك وانك لقيت البنت الي حبيتها

مهران: هو ممكن اسالك علي حاجه يا بابا

سيف : بحب امك ولا لا

مهران: اتجوزتها عن حب

سيف : كل ما ارجع وافتكر مقدرش القي اجابه لسوالي دا ،مقابلتي انا وامك كانت غريبه اوي ،احساس عجيب سيطر عليا اول ما شوفتها ،رغم اني كنت رافض الجواز في شبابي لكنها الوحيده الي قدرت تحرك جوايا احساس اني محتاج واحده تشاركتي حياتي بس اقولك علي اهم حاجه ، انا كل يوم بحمد ربنا علي صدفه الي جامعتني بامك وخلت قلبي يعشقها

مهران: انا خايف ،تفتكر انا جاهز الخطوه ديه

سيف : بتحب فريال

مهران: بعشقها

سيف : يبقي اتاكد انك حتي لو مش مستعد حبك ليها هيخليك كل يوم تثبت انك مستعد وتستحقها يلا يا عريس كدا هنتاخر

وخرج سيف ومهران من الأوضاع ونزلوا تحت كان الكل مستنيهم واتحركوا علي فيله اللواء عصام المهدي ،كانت متزينه والجو فيها مبهج جدا والكل مبسوط وفرحان ودخلوا جوا

عصام: اتأخرت ليه يا جدع دائما كدا مواعيدك مش مظبوطه

سيف: انا راضي ذمتك بقي دا كلام انت الي بتتاخر