المصير المزعوم ( الفوضي)

نفوس مريضه

بارون: انت عايز توصل لايه بظبط يا سارون

سارون: انت ليه مخبي جزء من السجل القواعد عمرها ما نصت علي اننا نخفي احداث من السجلات

بارون: اظن دا حصل في سجلاتي وانت ملكش علاقه بده

سارون : وليه أساسا تخبي الأحداث ديه ايه الي فيها يخليك تعمل كدا

بارون : الي فيها مينفعش حد يعرفها احداث اخطر من أن حد يعرفها سواء انت او الوهج أو المحاربين محدش ينفع يعرف الي حصل ابدا

سارون : انت فاهم انت بتقول ايه الأحداث الي من النوع دا بتكون سبب في تغير مسار ناس كتير جدا ولازم الي في المستقبل يعرفوا وهو دا هدفنا

بارون : مش كل حاجه ينفع تتعرف يا سارون مش كل حاجه ينفع تدون ،الاسرار هي اكبر نعمه ربنا أداها لينا وانا مش هسمح أنهم يعرفوا سر يدمر كل حاجه في ثانيه

سارون: افتكر أن بسبب الي بتعمله دا كلنا هندفع الثمن غالي

بارون: هيبقي افتكر

         ****************

مهران : الحق يا بابا في مصيبه

سيف بهدوء : ابشر يا حبيبي ابشر

مهران : مخازن السماد اتحرقت

سيف : طب وفيها ايه

مهران بتعجب من رد فعل أبوه: نعم فيها ايه ازاي هنوفي طلبياتنا ازاي ، احنا كدا هندمر لو مسلمناش احنا ملزمين ندفع الشروط الجزائيه

سيف : تعرف يا مهران لو تسكت وتفكر شويه هتحل كل حاجه يا حبيبي   

مهران :اتفضل فهمني

سيف : دلوقتي المخزن الي اتحرق دا مش مخزن ابو رواش

مهران : اه

سيف : واحنا بنخزن ايه في المخزن دا

مهران : المخلفات الي بتدخل في دوره التصنيع بس في شكاير

سيف : يبقي بتزعق ليه يا بقره ،احنا كدا خسرنا حاجه ما كله حتي من المزارع بتاعتنا

مهران بصمت : بس برضوا كدا مشكله مين الي عمل كدا

الجده : اكيد انا هي الي عملت كده عشان تنتقم لكرامتها الي اتبعترت

سيف : لا دا مش اسلوب انا  دا حد تاني ،بس سيبكوا  من كل دا وخلينا في المهم هنروح نزور عمتك امتي

مهران : ونروح نزور عمتي ليه وكمان انهي عمه فيهم

سيف : عمتك نور يا جزمه ولا انت ناوي تفضل معلق البت جنبك طول العمر

مهران : لا يا بابا مش دلوقتي انا لسه مش جاهز

خرج سيف موبايله وكلم عصام زوج نور