المصير المزعوم ( الفوضي)

المصير المزعوم

المقدمه
اسدلت الدنيا ستائرها وبدأت الشمس بالغروب، تتلون السماء بلون الاوراق المتساقطة في فصل الخريف وتطل علي عشب خضر يتلألئ بين نسمات الربيع ،اقف فوق برج طويل واشاهد خيوط الليل تتسلل ببطأ والعشب يتنفس وينمو يعرف طريقه الي السماء ، انظر الي رونقه المسحور وهو يزين الأرض السوداء  ،قف وانهض فهذا الليل ما هي إلا ساعات وينقضي وتلك الأعشاب خرجت من الظلام الي نور فلا تظن أن التمر انتهي بمجرد أن الدنيا قد ازدلت ستائرها
                *****************
سيف جالس علي طاوله الاجتماعات وبجانبه ليث ومهران ويونس رئيس الشئون القانونيه وعلي طرف الاخر تجلس فتاه العشرينات ملامحها تدل انها اوربيه ومعها مجموعه من الرجال أصحاب المظهر الأرستقراطي
سيف: امال أنا في هيلين
هيلين: للاسف يا دكتور سيف هي مش هقدر تيجي لان عندها شغل مهم كتير، انا هنا همضي العقد بدالها
سيف: طب يبقي الاجتماع انتهي قبل ما يبتدي شرفتونا
هيلين: ديه مش طريقه كلام يا دكتور  احنا مش جايين نلعب
سيف: لا جايين تلعبوا يا شاطره روحي لانا وقوليلها لو عايزه تجدد التعاقد بينا تجيلي لحد بيتي والعقود كدا كدا معايا انما شغل العيال دا ميلزمنيش
روبيرت: دكتور سيف انت كدا بتخسر عميل مهم دا تعاقد مع دوله مش شركه
سيف: تحب بكره صبح تسمع خبر دمار فرنسا في الاخبار يا روبيرت انا مش بيهمني لا دوله ولا رئيس روحوا بلغوا الي بعتاكم كدا والحركه دية هيدفع ثمنها غالي اوي
هيلين: صدقني دكتور انت الي هتدفع ثمن كلامك غالي
خرج الجميع الحاضرين عدا ليث ومهران ويونس
يونس: أنا عايزه تلعب نفس اللعبه القديمه مش هتبطل مماطله
سيف: ولحد اخر يوم وحياتك يا صحبي ديه حربايه
مهران: بس يا بابا احنا كدا فعلا خسرنا عميل مهم ، السفاره الفرنسيه كانت مديانا امتيازات كتير اوي لفرع شركتنا هناك وانتشار سلعه بتاعتنا
سيف: تبقي عبيط لو فاكر أن سبب هو العقد مع سفاره الفرنسيه الموضوع اكبر من كدا ،اتعلم بقي يا مهران حركه زاي ديه اهانه كبيره لينا ومينفعش ابدا تعدي والا الناس هتشوفك متسواش ويكلوك
ليث: طب واحنا هنعمل ايه دلوقتي معاهم
سيف: شحنه الاسمده الي رايحه ليهم اتحركت ولا لسه
ليث: لسه هتتحرك بعد يومين
سيف: نزل كونتينرات بتاعتنا مفيش حاجه هتسافر ليهم
ليث ومهران: ازاي
مهران: يا بابا كدا احنا خلفنا باخر صفقة وهندفع الشرط الجزائي
يونس: احنا ولا هندفع حاجه بسبب البند رقم ١٠
مهران: ماله يعني البند دا
يونس : البند بيقول اذا حدث اي تلف الشحنه في فتره توصيلها الي الطرف الآخر يدفع الشرط الجزائي الضعف كغرامه من قبل الشركه المصدره ،يعني احنا لو شحنه حصل فيها اي حاجه هندفع الضعف
ليث: طيب ما الشحنه هتوصل سليمه
سيف: لا لان المركب الي هيكون عليها الشحنه مش هتقدر تستوعب وزن البضائع العليها بسبب عيب في هيكل السفينه والي مختارين المركب ديه هما
مهران: يا ولاد الابلسه يعني كانوا عايزين يلبسونا خازوق
سيف: الخازوق كانوا هما الي لابسينه من الاول لان لو قلت عدم اهليه السفينه لحمل البضائع وإيصالها الطرف الذي اختار السفينه هو الي هيدفع الشرط الجزائي وبمجرد ما يتقدم مستندات الي تثبت دا هيلبسوا الخازوق
ليث : طب ما هما اكيد مش هيدفعوا بسهوله 
يونس: واحنا مش عايزين الفلوس لكن الأوضاع في المحور الاوروبي دلوقتي مش مستقره واي قضيه هتترفع علي اي دوله هتبقي بمثابه القشه الي قسمت ظهر البعير
سيف: وبكدا هيجوا زاي الكلاب عشان يبوسوا رجلي اجدد التعاقد واسفر الشحنه عشان يستكملوا عمليات الزراعيه لانهم داخلين علي مجاعات وهنا نفرض شورطنا ونربيهم براحتنا
كاد الاثنين أن بفقدا عقلهم من هذا التخطيط المدقن
ليث: عليا النعمه انت انت دماغ ملهاش زاي
سيف: اقرء الي قدامك صح عشان تعرف تاخد قرار صح
              *****************
الثانويه العامه  ،تلك المرحله الفاصله في حياه كل شاب ،مرحله يتحدد بعدها مصير كل شاب اي كليه سيدخل ما هو مجال عمله كيف سيرفع راس عائلته كلام كثير يدور في عقول الشباب في هذه الفتره ولكن ليس انا فقد كنت مرتاح للغايه ليس لأني شاب غني وسوف ادخل كليه خاصه علي اي حال، ولكن لاني لدي شغف أن اصير ما احبه وليس ما تفرضه علي تلك الأرقام الموضوعه في ورقه ملونه
كنت اجلس بهدوء وانا انتظر نتيجه الثانويه العامه وابي وامي بجانبي وكلهم أمل ان يكون مجموعتي كبير، فقد شاهدوا بنفسهم كيف تعبت في هذه السنه والآن سينتهي كل شئ طريق شاق سول ينتهي ليبدء طريق جديد ، فتحت لاب الخاص بي لاري نتيجتي في اي موقع حتي ظهرت اخيرا ولكن كانت صدمه كبيره بنسبه لي كان مجموعي 80%
لقد كان خبر يصعب علي تصديقه نهض من مكاني وذهبت الي غرفتي حاولت امي اللحاق بي ولكن ابي أوقفها ،لقد كنت غضب للغايه وبدأت اكسر كل ما تقع عيني عليه وصرت اضرب كيس الملاكمه في غرفتي بكل غضب ،انا استحق اكثر من هذا انا استحق أن يكون مجموعي كبير للغايه
ظللت هكذا لليوم التالي لا ااكل ولا اطيق أن أنظر لنفسي حتي في المراه، في صباح صعدت قمر وأخبرتني أن الافطار جاهز وابي قال إنه يجب أن انزل والا سيصعد هو واتحمل ما سيحدث لي حينها
نهضت من السرير وهبطت الي أسفل وكان مظهري بشع للغايه
ابي : جهز نفسك واعدل منظرك عشان الحفله الي هنعملها بمناسبه نجاحك
انا بسخريه: هو فين النجاح دا يا بابا
امي: انت مش خلاص عديت السنه ديه وخلصت ثانويه يبقي نجاح وهتدخل الكليه الي انت عايزها
انا: كنت عايز ادخلها بمجهودي مش بالفلوس
ابي: امال فين الدرجات متهمنيش ودا شويه ارقام في ورقه ملونه مش دا كان كلامك راح فين
انا: في الهوا، بعد اذنكم خلاص شبعت
ابي: اقعد كل ومتستهبلش ،ولا الكتب الي انت بتقرأها ديه ملهاش فايده وزاي عدمها
انا: اشمعني
ابي: دكتور احمد خالد توفيق قال ايه عن الأكل
انا: ما ذنب معدتي المسكينه لاحرمها من طعام واحملها أخطائي
ابي: يبقي اقعد كل، وقول الحمدلله اتعلم دائما تقول الحمدلله ، انا هكون في المكتب بعد ساعه لو احتاجتي حاجه كلميني
امي: ترجع بسلامه
رحل ابي وظلت امي جالسه امامي وتنظر لي
امي: كل يا سيف ومتشيلش هم حاجه، هتدخل كليه العلوم وتبقي عالم كمياء زاي ما بتتمني
انا: الحمدلله
بدات اكل ولكن شهيتي ليست جيده وبعد انتهائي صعدت الي غرفتي وعدت الي مكاني المظلم حتي دخل غرفتي جدي
جدي: مالك حزين كدا ليه
انا: فشلت
جدي: فين الفشل انت مش بتتنفس اهو فين بقي الفشل
انا: مجبتش المجموع الي كنت مستنيه
جدي: وانا معشتش الحياه الي كنت متخيلها بس عشت ،هسالك سوال واحد وترد عليا عملت الي عليك ولا لا
انا: اه عملت
جدي: يبقي اعرف ان نتيجه تعبك مرحتش هدر، سيبك من شويه الدرجات ديه تحب بتليفون اخليك جايب ١٠٠% ممكن اعملها وغيري يعملها مش صعبه ، بس مش محتاج عارف ليه لانك هتقف علي رجلك تاني
انا: عشان ايه
جدي: عشان تحقق حلمك تبقي عالم، هي كليه هتخليك عالم والا سعيك هي فلوس ابويا هي الي خلتني مهران الملكي ولا شقايا وتعبي طول السنين ديه اسمي هو الي خلي ابوك اكبر محامي ولا عشان هو يستحق يبقي الاحسن فوق
ولطمني على وجهي
جدي: اصحي من الغيبوبه ديه، انت فاكر انها هتفضلك وردي والعصائر بتزقزق لا هتقع لازم تقع مره واتنين وعشره عشان مع كل وقته تقوم متعلم شئ جديد ،انت موقعتش متكسرتش لسه قدامك كتير اوي علي متقول الكلمه ديه قول الحمدلله
انا: الحمدلله
جدي: الكلمه ديه متفرقش لسانك اعرف ان ربك شايلك الاحسن انت مجرد عبد ،تافه شايف الأمور بنظره ديقه اوي مش عارف الخير فين زاي ما انت متوقع هو الي عارف وهو الي مشي الدنيا ديه ، اوعي تنسي دا ربك هو السبب في كل حاجه بتحصلنا وعمره ما اذي عباده ابدا فاهم
انا: فاهم
جدي: علي فكره اميره جابت ٨٥ % يعني مختلفتش عنك كتير مع انكم كنتو سوا افهم بقي
وتركني ورحل وانا جلست افكر في كلماته وكلمات ابي ،لقد اجتهدت كثيرا جدا وذاكرت وقمت بالإجابة علي اكمل وجهه لكن ما الذي حدث لي كيف حدث هذا وخصوصا في ماده الكيمياء كيف اكون مقترب من النصف بفارق بسيط كيف هذا ،ظللت هكذا اسال كثيرا ولا أجد اجابه حتي تعبت وقولت الحمدلله وظللت أرددها وتوضئت وصليت ركعتين لله بنيه هدايتي الي الطريق الصحيح والخير لي ،وبعدها ظللت في غرفتي اقراء أحد الكتب لدي في علم النفس حتي اتي النساء وبدء الجميع بالحضور فذهبت للاستحمام وارتديت ملابس لائقه وهبطت الي أسفل والجميع يحيني ويبارك لي علي النجاح حتي اتت نور ومحمد معها وقد استرد عافيته
نور:الف مبروك يا سيف أن شاء الله تكمل علي خير
انا: أن شاء الله يا نور شدي حيلك انتي كمان عايزين مجموع جامد منك
نور : أن شاء الله
انا: اخبارك ايه دلوقتي يا محمد
محمد بابتسامه: الحمدلله بقيت تمام جدا ،بروح فيلا الزمالك كتير اليومين دول وعمال ادرب
انا: اخترت رياضه معينه
محمد: الاسكواش شايف انها مناسبه ليا
انا: أن شاء الله تحترفها قريب
وانت بنات عمتي نرمين ومريم
مريم: الف مبروك يا سيفو
انا: الله يخليكي يا مريم، اخبارك ايه يا نرمين
نرمين بعدم انتباه: ها ايه يا سيف اخبارك ايه
نور: دا انتي مش معانا خالص
محمد: الي واخد عقلك يا ستي
نرمين: ايه البواخه ديه ولله انتو عيال رخمه
انا: افتكري كلام ام حمديه يا نرمين بلاش الطريق سهل نهايته كفن وانتي عارفه هي تقصد ايه
ابتلعت نرمين ريقها بصعوبه وظلت تنظر لي قليلا ثم رحلت بتوتر
مريم: قصدك ايه بكلامك يا سيف
انا: اسالي اختك وهي هتفهمك قصدي
اميره: سيفووووووو مبروك النجاح يا كبير
انا: محمد معاك برشام صداع
محمد: ليه
انا: في واحده هتفرقع دماغنا دلوقتي
اميره: اخس عليك يا سيف بقي كدا
انا: اه، مبروك نجاحك
اميره: الله يبارك فيك بابا كان عايز بعملي حفله بس قولتله خلينا نروح الحفله بتاعتك واعمل حفلتي هنا
فاتت امي واميره تتحدث
امي: طبعا يا قلبي دا بيتك، الف مبروك يا ميرا
اميره: يبارك في عمرك يا طنط نورت يا قمر
امي: سيف حدك وصل وعايز يسلم عليك
انا: بعد اذنكم يا جماعه هروح اتشعلك واجي
وذهبت مع امي
أميره: يتشعلك ليه
محمد: أصله رايح يسلم علي جده صابر الرفاعي وما ادراكي مين صابر الرفاعي
ذهبت لاري جدي فوجدته مع جدي مهران وابي واعمامي
جدي صابر: مبروك يا سيف عقبالك تخرج
انا: الله يبارك فيك يا جدي
جدي صابر : قولي هتقدم في الحربيه ولا لسه غاوي علوم ،مجموعك كدا كدا مش هيدخلك الكليه الي انت عايزها فتعالي الحربيه احسن وانت جسمك مظبوط
انا: بس نظري ضعيف يا جدي، وكمان انا مليش في ضرب النار والجو دا
منتصر: امال هتدخل ايه بمجموعة دا ، ولا هتغرم ابوك وتخليه يدخلك جامعه خاصه
انا: انا كدا كدا داخل جامعه خاصه بس هدخل كليه زراعه مش علوم
تعجب الجميع من قولي هذا حتي انا تعجبت لما أخبرت الجميع اني سوف التحق بكليه زراعه ،يبدو أن الله قد أشار لي علي طريقي وسوف اقبل به
منتصر: عايز تبقي فلاح
انا: وانا ايه في الأساس ما انا فلاح وابويا فلاح وجدي فلاح وانت نفسك يا عمي فلاح متخليش البدله والفلوس ينسوك أصلنا ايه
أشرف: وبعد ما دا سيف كليه الزراعه لزمته ايه التعليم في السنين الي فاتت دية
ابي: هو مدام عايز زراعه انا موافق وكمان المستقبل لزراعه دلوقتي مع عمليات الاستصلاح الجديده ومحاوله سد الفجوه الغذائيه يعني المستقبل ليهم
انا: تسلملي يا حج
وقبلت رأسه
انا: بعد اذنكم بقي هروح اشوف صحابي
( الحوار السابق حدث في الواقع مع أسرتي بسبب اختياري لكليه الزراعه ،لا تهتم براي غيرك فهم لا اهميه لهم انت من ستعيش ،فعش كما تريد )
وعدت الي الحفله وكانت الأجواء رائعه للغايه وبدأت الموسيقي بالارتفاع وبدء الجميع يرقص وانا كنت ارقص مع اميره ومحمد مع نور وعلي يرقص مع صديقته والجميع في قمه سعادته حتي اتي لي مظروف مغلق ولكن من الواضح أنه من خارج البلاد فبتعدت قليلا عن الصخب وفتحته وسعقت مما قرات
وضعت المظروف في جيبي سريعا واتصلت بعبقرينو سريعا وأخبرته بشئ ما ثم أغلقت
وانتهت الحفله وعاد الجميع الي منزله وانا صعدت الي غرفتي وابي وامي لحقوا بي
امي: انت ليه قولت انك هتدخل زراعه مش علوم
انا: معرفش طلعت من لساني فجاه ،انا حتي مكنتش بفكر في الموضوع دا
ابي: خد قرارك كويس يا سيف ديه حياتك انت وانت الي هتعيشها
وابي أخذ امي وخرجوا وانا ظللت جالس وافكر في هذا المظروف الذي اتي لي
فقمت بالاتصال بامجد الهداجي
انا: الو يا أمجد اخبارك ايه
أمجد: سيفو عامل ايه ياض ،معلش معرفتش اجي الحفله عشان ورايا شغل بخلصه
انا: لا عادي ولا يهمك ، انا بس كنت عايز أسألك علي حاجه
امجد: اسال
انا: انت متاكد ان نرمين ماتت، يعني شوفت جثتها
أمجد: ايه سوال دا يا سيف دا الموضوع دا عدي عليه سنه بتفتكره تاني ليه
انا بغضب: رد عليا شوفت جثتها بنفسك
امجد: ايوه شوفت جثتها وضربتها بنار في دماغها بايدي في ايه بقي مش فاهمك ،مالك يا سيف
انا: مفيش حاجه، سلام
               *******************
في منزل عز الهداجي
امجد بعد إغلاق الخط استدعي عمار وذهب الي مكتب والده
امجد: بابا هو سيف كان عامل ازاي في الحفله
عز: كان عادي ومبسوط وبيرقص مع صحابه بس فجاه جاله جواب وبعد ووشه قلب ليه هو كلمك وقالك حاجه
أمجد: كان بيسألني إذا كنت متاكد أن نرمين ماتت ولا لا وشوفت جثتها ولا لا، مش فاهم ليه بيفتح الموضوع دا تاني بعد ما خلص
عز: سيف وسط كل مشاكله اكيد مش هيدور في الماضي بس ممكن الماضي هو الي يدور وراه، انت اتاكدت أنها ماتت
أمجد بنفاذ صبر: ولله العظيم ضربتها طلقه في دماغها بايدي ديه  تبقي ممتتش ازاي
عز: عمار عايزك تتبع اثر الجواب الي راح لسيف وتعرف هو جه منين باي شكل وكلف حد من رجلتنا يشوف شركات نرمين الفارس اخبرها ايه دلوقتي ومين الي بيديرها
امجد: المفروض أن شركات نرمين تكون وقعت من بدري
عز: امبراطوريه زاي بتاعه نرمين الفارس أو وقعت هتعمل خلل في اقتصاد الشرق الأوسط كله لأنها واحده من الكيانات المسيطره عليه لو وقع كنا كلنا عرفنا
امجد: طب ليه حضرتك فضلت ساكت طول الفتره الي فاتت مدام موقعتش
عمار: لان المعلومات الي جابها سيف أكدت أن نرمين بتشتغل تبع منظمه سريه واكيد خروج نرمين من اللعبه مش هيوقعهم هيستبدلوها ببساطه
عز: يعني في حد بدأ ينكش في سيف ودور بعد كدا علينا احنا لان احنا الي كشفنا الي وراهم
امجد: كل وهنعمل ايه
عز: نجمع ورقنا وكل الي نقدر نعرفه عشان نبقي جاهزين، عمار خلص كل الي قولتلك عليه بسرعه ومن انهارده انت مع اميره زاي ظلها وانت يا أمجد متخرجش من غير حراستك فاهم
أمجد: فاهم
عز: اتفضلوت انتو دلوقتي
خرج أمجد وعمار وهم يتحدثون الي بعضهم حتي اقفل باب المكتب أخرج عز هاتف قديم وطلب رقم
عز: دلتا تتحرك
                ******************
في اسوان علي أحد الجبال في منطقه صحراويه مجموعه من رجال يقومون بتحميل قطع اثريه ويدخلونها الي المخازن وظلوا هكذا لفتره طويله حتي انتهي الجميع من عملهم وذهب احد الرجال الي حفره داخل الجبل وظل يسير في ممر طويل للغايه حتي قابله باب حديدي عليه العديد من الزخارف فوضع أصبعه علي الباب وفتح ليجد شخص في منتصف العقد الثالث من عمره يرتدي بذله مهندمه ويجلس في هدوء أمام سبرتايه يعد فنجان قهوه كان يعرف باسم الملك
طاحون: تمام يا ملك كل البضاعه الي جات من برا اتشونت في المكان المطلوب
الملك: تمام يا طاحون تعالي اقعد
طاحون: خير يا ملك
الملك: عملت ايه في الأراضي الي قولتلك عليها
طاحون: أصحاب الأرض معصلجين يا ملك ومحدش عارف يتصرف معاهم
الملك: مشكلتهم ايه فلوس سلاح عايزين من الي تحت بيتهم
طاحون: بيقولوا انهم مجرد حراس للارض وممنوع يفرطوا فيها والا هتحل عليهم اللعنه شويه تهجيص ما انت عارف يا ملك
الملك: بعد السنين ديه كلها يا طاحون في شغل معايا ولسه شايف أن اللعنات والسحر مجرد تخريف مع انك شوفت وعرفت كتير
طاحون: يا ملك الفراعنه دول ولاد ابلسه كانوا اذكيه اوي وعرفوا يعملوا رصد مظبوط لمقابرهم بالكمياء والفزياء والفلك وعلوم نحت والهندسه أما جو اللعنات دا مفيش منه
الملك: انت صح طب تعالي معايا يا طاحون
وخرج الملك وطاحون من تلك المغاره الي موقع دفن الآثار وكان المدخل هو حفره في الجبل
الملك: في حد من الرجاله تحت
طاحون: لا
الملك: طب اندهلي حد من الرجاله بس يكون تافه ملوش لزمه عندنا وهات باقي رجاله وراك بس خليهم يقفوا بعيد يتفرجوا
نفذ طاحون ما تمر به الملك واني برجل في العقد الرابع من عمره ولكن يبدو عليه الخبث
الملك: اختياراتك دائما صح يا طاحون، اسمع يا ابني ادخل المخزن وعبي من الي جواه وامشي ديه هديه مني ليك
الرجل: بجد يا باشا
الملك: انا ههزر معاك أخلص قبل ما ارجع في كلامي
فركضت الرجل بتجاه الحفره وهبط بها والجميع متعجب من كلمات الملك وفجاه سمع الجميع صراخ الرجل من داخل الحفره وهناك ضوء احمر ينعكس من الداخل قم تخرج نيران قويه من هذه الحفره وظلت قليلا حتي هدأت، كان الجميع مرتعدا وخائفا جدا من ما رأيت أعينهم حتي تحرك الملك وهبط في الحفره وخرج ومعه جثه الرجل متفحمه وهناك اجزاء كثيره جدا متأكله والعظام متباينه والقي بها أمامهم
الملك بصوت عالي: فهمت يا طاحون اللعنات موجودة مش مربوطه بسحر وجن بس لا في قوي اكبر من كدا بكتير وانا بملكها عشان كدا سموني ملك الجبل ،الي يفكر يخون أو يغدر أو أنه يدخل جبلي من غير استأذان ديه هتكون نهايته اظنكم فاهمين ،الشغل خلص انهارده كل واحد يروح علي بيته وحد يرمي الفحمه ديه لضباع
ذهب الجميع واقترب طاحون من الملك
طاحون: كان لازمته ايه كل دا يا ملك
الملك: لازم يا طاحون الكمية الي جوا الجبل دا مش قليله ديه كتيره وكتيره جدا كمان لازم الكل يخاف عشان يفكر الف مره قبل ما يطمع روح انت يا طاحون وبكره تشوف الناس صحاب الأرض وقولهم اني قادر احميهم من اللعنه الي خايفين منها روح
طاحون: تصبح علي خير يا كبير
أخرج الملك هاتف من جيبه وطلب رقم
الملك: ايوه يا عمي كل حاجه تمام والأراضي هتكون تحت ايدينا قريب زاي ما وعدتك
      **************
في منزل عدنان الملكي في سوريا