المصير المزعوم ( الفوضي)

عهود الدم

لا يوجد مقدمات لا يوجد اعذار لا يوجد سوي نيران تشب في كل من يقف أمامها ،احذر يا ابن ادم فإن لكل منا ميعاد لن يتأخر عنه
               *************
بعد ما خلصت العزومه الجميله عند علي الصمدي الي كشفت حاجات كتير اوي أكدت ليا اني هبدء اتعامل مع شخص مش طبيعي شخص مميز ومن الطراز الرفيع كمان وهيجي يوم ورقعه الشطرنج ديه هتتحط تاني بس المره ديه احنا هتكون جزء من القطع وبالي شوفته انهارده متمناش اني اكون في جيش معادي لعلي الصمدي ،فهمت كلام جدتي دلوقتي وهي بتقولي أن الي زاي غاده العدوي و علي الصمدي يا تخدهم أصدقاء يا علي الأقل تبعد سكتهم وميبقوش اعدائك
رجعنا كلنا البيت وجدي هيطق من معامله علي ليا واهتمامه الشديد بيا وخصوصا ان جدي لسه كبير العيله ،الكل طلع ينام وانا لسه معايا السيف وجميل لحد دلوقتي بينام في حضني
جميل : سيف سيف هو انا هروح لعمو علي شركته
انا: لو عايز اروح انا هوديك يا سيدي ولا يهمك
جميل : بجد ،طيب هو انت زعلان ليه
انا: انا مش زعلان خالص يا حبيبي
جميل : لا زعلان بص كدا في المرايه ،انت قولولي أن العيون الي مش شايف فيها لمعان تبقي لواحد وعلان وانت عينك مش بتلمع اوعي يكون عمو علي زعلك هروح اضربه انا محدش يزعل اخويا ابدا
انا: بتخاف عليا
جميل : اه
انا : طب يلا ننام
واخده في حضني ونمنا لحد الصبح وطبعا صحيت زاي كل يوم علي جميل باشا وهو بيدبب علي ضهري
انا: يا ابني قولتلك بطل الحركات ديه كدا عيب
جميل : لا مش عيب يلا عشان الفطار
قومت غسلت وشي واستحميت عشان اجهز لصلاه الجمعه وكنت لابس لبس كاجول لاني بعد الصلاه هروح لقصر العطار عشان عزومه الغداء
نزلت تحت وكان لسه فاضل ساعتين علي الصلاه والكل تحت وبيفطروا وانا نازل ومعايا السيف الي علي ادهوني وكنت ببص علي الموجودين لقيت سام قاعده
انا : صباح الخير
الكل صباح النور
جدي : انت هتفضل شبطان في سيف دا كدا كأنه لعبه
انا : لا انا نازل عشان لديه ليلي تخليه معاها لحد معاد الاجتماع السنوي عشان نسلمه لفرع عليتنا الي في الاردن
ليلي: بصراحه مش انا مش موافقه أن السيف يرجع ليهم لأنهم ضيعوا مره ولو رجع بشكل دا يبقي هيضيع تاني بسهوله والشيف دا قيم جدا لينا
عدنان: دا حقيقي ،ادب السيف لجدك وهو يعرف يتصرف معاهم
انا: وانتي رايك ايه يا تيتا
جدتي : انت لسه مخلصتش كلامك أساسا كمله وبعدها اقول رايي
انا: هو انا قولت هرجع ليهم السيف لكن مقولتش هرجع السيف ازاي
ليلي: مش فاهمه هتعمل ايه يعني
انا: خلينا نشوف مين هيقدر يقف علي رجله في الغرفه صفر وساعتها الي يستحقه ياخده
جدتي : عين العقل
جدي : كنت بتتكلم انت وعلي في ايه يا سيف صحيح
انا: عادي كنا بنكلم في حركه السوق فوائد الشطرنج في تخطيط العسكري ( بصيت ليه) وقعد يديني نصائح كتير بس مش مهمه بنسبالي
امي: بس انت مش لابس حلبيه الي بتصلب بيها الجمعه ليه ولأبي كاجول
انا: اصلي معزوم علي الغداء عند واحد صحبي واول ما اصلي هروح ليهم علي طول
ابي : هتتاخر هناك
انا: مظنش هحاول ارجع بدري
سام: بس هديه علي قيمه اظن انك لازم ترد عليه بهديه بنفس قيمتها
انا: بصراحه قعدت كتير افكر في الموضوع دا وايه الهديه المناسبه بس الي في دماغي فكره مجنونه
امي: بلاس جنان مع الناس ديه ممكن الهديه تكون ساعه غاليه أو تحفه قديمه او لوحه
ليلي: أو سيف يعني نصنع سيف بمواصفات خاصه ليه
انا: ايه رايك يا جدي ايه انسب هديه لعلي عشان ارد له جميله دا
جدي : وديله صنيه بسبوسه هتلاقيه كتير من الفرحه
كلنا ضحكنا وبذات جدتي
جدتي : انت هتقولي دا غاده كانت هتخنق سندي عشان اكلت اخر حته من البسبوسه امبارح
عدنان: اليوم كان كوميدي اوي بصراحه
انا: يبقي خلاص انا عرفت هجيب ايه ليه
قمر : ايه صنيه بسبوسه
انا: لا ،ليلي عايز عُقاب من الجبل
ليلي بصدمه: انت بتهرج يا سيف عُقاب ايه الي نوديه دا ، دا اشرس انواع الصقور العربيه والسيطرة عليه مش سهله
انا: عارف عشان كدا اختارته هو بذات رغم أن شاهين اقوي منه بس العُقاب اعند وبصراحه مناسب اوي لشخصيه علي الصمدي
جدتي : انت دماغك مودياك لفين بظبط
انا: لسكه بعيده اوي ،المهم احنا في أول ديسمبر خلاص يعني فاضل شهر علي الاجتماع هيبقي تقليدي زاي كل سنه ولا هنجدد فيه
جدي : عايزنا نعمل ايه أن شاء الله نعلق بلالين ونوزع بنبوني دا اجتماع عسكري عشان نناقش شؤون العيله
جدتي : بس السنه ديه مختلف يا مهران متنساش اننا هنعمل عهود جديده مع قبائل تانيه
جدي : بس دا مش معناه اننا نغير شكل الاجتماع
جدتي : هو فعلا لازم يتغير وخصوصا أن في ضيف هينزل علينا الفتره الجايه وهيقعد معانا هنا
منتصر : ضيف مين دا
جدتي : ايميلي اخت جاك هيل زعيم قبيله الهيل الي هنعمل تحالف معاهم
محمد: وهي أخته هتيجي تقعد معانا ليه يعني
جدتي : عشان هتدرب علي أيدينا وتتعلم تقاليدنا وعاداتنا (ولقيتها بصت ليا ) وكمان عشان تكون هي العقده المتينه الي هتربط التحالف دا
انا: مس مرتاح لك يا فريال ونظرتك ديه بتقول أن في مصيبه ورا قعود البت ديه هنا
جدتي ببراءه: انت تعرف عني كدا  يا سيف
انا: وأبوه كدا كمان يا تيتا ،انا مالي انا كلها شهرين أو تلاته وهسيب البيت أساسا
الكل بص ليا بصدمه
انا: في ايه يا جدعان هو انتو كنتوا فكرني بهزر لما قولت اني هروح اقعد مع جدي صابر انا كنت ساكت عن الموضوع عشان أرتب كل حاجه مش اكتر واول ما اجازه نص السنه تبدء هروح لجدي يلا الحمدلله انا هروح اقعد في الجنينه شويه بعد اذنكم
وقومت مشيت وتقريبا كل الشباب جم ورايا علي برا وجميل كمان بس كان بيعيط
انا: بتعيط ليه يا زقرد
جميل : انت ليه عايز تمشي وتسبني مش قولت انك بتحبني ومش هستيبني
أنا: بص لو انت عايز تيجي معايا انا موافق شوف بابا وماما هيقولوا ايه
محمد: سيف بلاش هبل ،ليه تسيب البيت اصلا
انا:يووووووه في ايه يا محمد علي اساس انك مش شايف الي بيحصل وجدك بيعمل فيا ايه انا خلاص تعبت يا اخي ولو فضلت ثانيه كمان هنفجر حس شويه بالي جوايا انتو محدش فيكوا عاني زي من جدكوا ابدا يبقي محدش يجي يحاسبني
نور : بس مش الحل انك تسيب البيت يا سيف احنا كلنا محتاجينك مينفعش تسيبنا
انا: انتي محتجاني صح ومحمد محتاجني وقمر محتجاني وكريم محتاجني وابويا وامي وجدتي وابوكي كلكوا محتاجين سيف لكن جد فيكم سال نفسه ولو لمره انا محتاج ايه ،ما تردوا مفيش كلام صح عشان حدش فيكوا فكر ولو لمره أنه يعاملني علي اني انسان ليه مشاعر لازم تحترموها كلكوا شايفني قاتل وسفاح مش بيعمل حاجه غير أنه بيدمر نظره ديه انا بواجها كل يوم وبتقتل فيا كل لحظه اظن كفايه من حقي ارتاح شويه وانا مش هرتاح غير لما اسيب المكان دا
ليلي : نور معلش خدي محمد وادخلوا دلوقتي
نور اخدت محمد وجميل ومشوا وبصت ليا بعتاب
ليلي: انت قولت هتتماسك
انا: مش قادر يا ليلي بجد مش قادر وزهقت زهقت من نظرتهم ليا وسؤال ابويا المتكرر عن كنت فين وبتعمل ايه نظرته ليا بتقول أن سواله دا مش عشان يطمن علية دا عشان يطمن اني مقتلتش حد أو دمرت حد ،ازاي يا ليلي هستحمل كل دا
سام: لا الي عنده أهل مبسوط ولا اليتيم مبسوط ايه يا عم النكد دا فك شويه وانبسط
انا: ولله انتي رايقه اوي يا سام
سام: من ساعه ما ماكس كرو دخل بيتي وانا مبقتش مظبوطه فكره أنه يتجرء علي حاجه زاي كدا معناها أنه مستقل بقوتنا اوي
انا: متقلقيش ماكس كرو الرد هيوصل ليه قريب المهم رد هان كان ايه علي رسالتي
سام: قالي أنه مش هيجدد الروابط غير مع القبيله مش العشيره ومع قائد يستحق ،مش فاهمه هو يقصد ايه
انا: يقصد أنه مش هيحط ايده في ايد عشيره ال رودس لكن في ايد قبيله الاوراكل وفي ايد زعيم قبيله الاوراكل نفسه
سام: واحنا ازاي هنجمع الاوراكل تاني بكل الدم الي بنا دا
ليلي: امال انتي فاهمه احنا شغالين الي ايه بقالنا سنين وبنخطط لايه
سام: لحظه يعني انتو بتخططوا تلمو شمل القبيله تاني
انا: اه وعشان دا يحصل لازم المصلحه تظهر والبدايه كانت مع علي الصمدي تعاون الي حصل بينا احنا وعيلته وود وعيله العطار عشان ننقذ علي كان أول سلمه وانا هثبت جذوري في بيت العطارين اكتر انهارده لما ادخل بيتهم
ليلي: وانا بعد ما وصلت لأغلب اسرار الفينكس سافرت لعشيره الغازي الشيخ فهد منشف دماغه لكن الي حصل من سنتين هو مش ناسيه وكمان الي حصل الفتره الي فاتت أكدت ليه اننا مش خصم بتلعب معاه زالتحالف تسلم حل
سام: بس كدا ناقص كتير دول تلاته وبينا اربعه فاضل ثمن  عشائر
انا: سبعه بس لان عيله الهداجي معانا وفي صفنا أساسا ال ارورا انا قربت اوصل ليهم وكان ال تايجرن وال شاركني فاضل ودول إقناعهم سهل
ليلي: الكارثه في الاربع عشائر التانيه
انا: متقلقيش انا مرتب كل حاجه عشان تخليهم يوافقوا المهم جهازي الصقر وانتي يا سام هتدخلي معسكر تدريب الفا الي حصل من ماكس وانك مقدرتيش تستشعريه كارثه ولازم نعالجها
سام : تمام هروح المركز دلوقتي سلام
ومشيت سام
ليلي: بقولك ايه سامح دا لسه بيدور ورانا وكمان عرفت أنه اشتري كتب خاصه بطاقه وكتب حقيقيه مش مزيفه بتاعه اليومين دول وبدأ يوصل
انا: وصل لحد فين
ليلي: قدر يصحي نقط الطاقه في جسمه وينشطها
انا: هههههههه مش قولتلك سامح دا مميز ،مش حاجه عاديه أن شخص يفعل نقط الطاقه لوحده من غير تدريب وهو جاهل العالم الي عايز يدخله كمان
ليلي: يمكن ضربه حظ
انا: احنا هنستعبط يا ليلي من امتي كانت الطاقه بتتفعل بالحظ
ليلي : معاك حق بس نعمل ايه يا سيف انا خايفه لا يوصل لحاجه وساعتها هيبقي تهديد ولازم يموت
انا : لا طريقه سامح بتقول أنه عايز يوصل عشان يدخل وسطنا مش يكشفنا ،صحيح لسه معرفتيش الرساله الي هو بعتها كانت لمين
ليلي : لا الجدار الناري الي بيستخدموه صلب جدا ومهراتي أضعف من أنها تخترقهم انت محتاج عبقري
انا: متقلقيش العالم كله هيقف علي رجل انهارده بسبب الي هيحصل
روحت صليت الجمعه ورجعت البيت وتقريبا محدش بيتكلم معايا كأنهم مقاطعني بس انا مهتمتش لاني عارف اخر كل دا ايه واخدت مفاتيحي واتحركت ،كان قصر قاسم العطار في الصحراوي والمكان مكشوف وسهل اي حد يرصد الهدف الي جاي عليهم من بعيد ،فشلت ماشي لحد ما وقفني حرس علي الطريق
الحارس : اامر
انا: جاي اقابل قاسم باشا العطار في معاد مسبق
الحارس : مين حضرتك
انا: سيف الملكي
عزام : اتفضل وفتح الطريق وكان قاسم وسليم في استقبالي