المصير المزعوم ( الفوضي)

الصفحه الاخيره

بارون : صحيح يا سارون هو كدا المفروض مين فينا الي يكتب حكايه بطلنا انا ولا انت

منسارون : الرايه متسلمتش ليه ،فكره أنه امتلك قوه رودس متدهوش الحق أنه يقول علي نفسه زعيم وانا اسطر حكايته

بارون : بس اعترف أنه كان شجاع جدا في تنفيذ العهد دا انت عارف انا اقصد ايه طبعا

سارون : عارف دا طلع اولعوبان كبير وقدر يخدع جده ويمشيه في طريق هو الي راسمه وتأتي فاكر أنه هو الي مقرر ،تعرف المميز في بطلنا هو ايه

بارون : ايه

سارون: أنه من الابطال القليلين الي اتذكروا في في سجلاتي قبل ما يبقوا قاده اثروا علي القاده وهما لسه اتباع

بارون : معني كدا اننا هنشوف جاكو وكان من تاني

سارون: لا هنشوف لوسيفر ذات نفسه (بصوت عالي) استعد يا بارون لقد بدأت مراسم الاحتفال ههههههههههه

             *****************

رجع جدي من عند نوح وهو دماغه مشغوله بالكلام الي سمعه وأنه لازم يقابل فيكتور لا وكمان يحط ايديهم في ايد بعض حتي لو كان مجرد سلام مش اتفاق ازاي هيعمل كدا بعد كل الي حصل دا ،دخل اوضته وكانت جدتي قاعده بتقرء في المصحف لان اذان الفجر قرب اول ما دخل وقعد جنبها قفلت المصحف وبصت ليه

جدتي : مالك يا مهران في ايه

 جدي : هم كبير اوي يا فريال مش عارف هشيله ازاي

جدتي بحب : ومن امتي كنت بتشيل همومك لوحدك ومن امتي أساسا كان اسمها همومك طول عمرها همومنا شاركني الهم دا واحنا هنلاقي ليه حل

جدي: في اجتماع اسود لازم اروح احضره قريب

جدتي: طب وايه المشكله هي أول مره تحضر اجتماعات زاي ديه

جدي : الاجتماع في تل ابيب وفيكتور كرو هيبقي هناك وانا مطلوب مني اسلم عليه وابتسم في وشه واتعامل عادي

جدتي بابتسامه: طب وفين المشكله في كل دا

جدي بصدمه: انتي بتقولي ايه يا فريال عايزاني احط ايدي في ايد الي خطفك وعذبك احط ايدي في ايد عدوي

جدتي : اه وتبتسم في وشه كمان وضحك من قلبك ،افتكر يا مهران أن فيكتور خسر مقره الاساسي علي ايدنا وخليناه يجري ويسخبي زاي الفئران في إنفاقه ،القلم ليه معلم علي وشهم ومش هيتنسي انا راضيه زمتك مين لازم يبقي متغاظ ومفروس انت ولا هو

جدي : حتي لو كدا اني اكون موجود معاه في مكان واحد من غير ما اقدر أطبق في زماره رقبته صعب دا مستحيل كمان مش صعب

جدتي :طب وبعد ما تطبق في زماره رقابته هيحصل ايه هيجي ماكس يقعد مكانه واحنا مش هنقدر علي ماكس ولا حتي فاهمين دماغه محدش هيقدر علي ماكس غير سيف عشان كدا لازم يفضل عايش لحد ما سيف هو الي يمسك الزعامه