تالين الشيخ جبل

part 1

گاعدين العصريه اني وخواتي التوأم اروة ومروة حاطين حب و چاي وچباسه ونساتل ومندمجين نحچي على فلان وعلان ويمنه امي واخواني ال3 حيدر وأمير وماجد كل واحد منهم متلفلف ببطانيه ويمه گلاص چاي چان الجو بارد بداية شهر 1  بوكتها اني مثل كل شته اگضي بهدوم خفيفه لان طبيعتي مو بسرعه ابرد
گاعدين نسولف فجأة اندگت الباب طلع حيدر اخويه الصغير عمره 13 يشوف منو بالباب ورا كم دقيقه فات حيدر وگال لأبويه

حيدر/ زلم بالباب يريدوك

طلع أبويه وراح وراه ماجد اخويه الچبير عمره 28 سنه ورا تقريبا نص ساعه فجأة فات عليه أبويه يگول

/ تعالي بابا للاستقبال

تفاجأت شلون افوت الاستقبال وبيه زلم ؟؟؟

/بابا شلون افوت وبيه زلم؟

گال

/حطي شي على راسچ وتعاي

ومن نبرة صوته مبين مقهور
حطيت الشال على راسي ورحت ورا أبويه
فتت للأستقبال وشفت رجال چبير يطلع عمره بال60 گاعد بكل هيبه و وقار وبصفه رجال يطلع عمره 50 سنه تقريبا وعلى صفحه اكو شاب مبين نهاية العشرين عمره....
چنت مدنگه راسي مستحيه شلون هيچ افوت على زلم غربه؟؟
فجأة حچه الرجال الچبير وگال

/ حدري بويه سلمي على ابوچ اني اتصنمت بمكاني
انداريت على أبويه متفاجأه گلي روحي بنيتي سلمي على ابوچ اني ضليت واگفه شلون اسلم عليه باوعلي الرجال وگال حدري بويه افهمچ
رحت گعدت يمه واني الرجفه سرت بكل جسمي بعد ماسمعت الي گاله........
محمد/ اني محمد ضاري ابوچ گبل 16 سنه وورا ماجابتچ امچ بالمستشفى بكم ساعه وصلنه خبر انو تم اختطاف طفله من الخدج أشر على الشاب الي گاعد على صفحه وگال رحنه اني واخوچ عباس نتأكد انو الطفله الي خطفوها مو انتي وصلنه الخدج وشفنه الدكاتره والممرضات مخبوصين عاينت (باوعت) على مكانچ فارغ
رحت افتريت المستشفى وفتشناها شبر شبر اني واخوچ مالگينالچ أثر فص ملح وذاب
دزيت على عمامچ وولدهم گلبنه المستشفى گلب ومالگينه الخاطف ماخلينه كاميرات ماخلينه مركز شرطه ماخبرناه و مرت الايام والشهور وحالتنه تسوء يوم بعد يوم ، امچ يوميه ناقليها مستشفى ضغطها يعلگ.
الشرطه ايست تلگه الخاطف وسدو القضيه ومرت السنين واحنه يوميه يجينه خبر انتي بمحافظة
اجانه خبر انتي بالنجف رحنه گلبنه النجف ومالگيناچ
ورا كم شهر اجانه خبر انتي بالسليمانيه وهم رحنه گلبنه السليمانية ومالگيناچ وگضينه السنين يوميه يجينه خبر انتي بمحافظة ونروح ندور ومانلاگيچ
إلا أن گبل اسبوع وصلنه خبر انو اكو رجال من بغداد بصلاة العيد لاگي بنيه يم باب الجامع وماخذها..
اتعنينه اني و جبل ابن عمچ واخوانچ لبغداد ندور على الرجال الي گالو عليه
واليوم لگينه هالرجال ( وأشر على أبويه ) وسألناه وحچيناله كلشي وتأكدنه انو انتي بنتنه....
تالين/ بهاللحظه مادري شسوي دموعي تجري والرجفه بگلبي گبل جسمي ضليت صافنه اريد استوعب الي گاله
معقوله؟؟؟ اهلي الي عشت يمهم احلى لحظات عمري و الي دللوني دلال حتى أكثر من خواتي الكبار واخواني هسه اطلع مو بنتهم!!!
محمد/ يابويه هسه و ورا ماشرحتلچ السالفة اريدنچ تهيرين (تحضرين) نفسچ حتى نرد لديرتنه بالبصرة امچ گلبها نار عليچ
اني بهاللحظه شلون الي چنت نايمه ووعيت من گال امشي ويانه للبصره وگفت على حيلي وگلت بصوت عالي
/مااعوووف أهليييي شلوون تريدني اعووووفههههمممم
ابويه عاط عليه وگال
عمر/تالييين صوتتتچچچ
انداريت على أبويه متفاجأه و وعيوني تجري
تالين/ بابا!!!! سمعته شنو گال شلون تخليه ياخذني منك
عمر/مو بيدي باباتي هم اهلچ و اجو ياخذوچ ما اگدر امنعهم
توي اريد ارد چان يحچي الرجال الچبير (ضاري)
/احنه رايحين وباچر أن شاء الله نجي من وكت نلگاچ حاظره حتى نلحگ نصل ديرتنه
گالها وگام وگامو وياه ابويه (محمد) واخويه (عباس)
ورا ماطلعو صعدت لغرفتي واني دموعي تجري والرجفه بكل جسمي فتت الغرفه وقفلت الباب گعدت على سريري تذكرت كل الي حچاه أبويه الجديد

الكاتبه(عزا متت تگول أبويه الجديد😂😂😂)

بچيت من كل گلبي لحد ما انگطع نفسي اسمع الباب يندگ بقوة واخواني وخواتي وامي يصيحولي حتى افتح الباب بس ماگدر اتحرك ومااريد افتح الباب واشوفهم شلون راح افارگهم
ورا شوي وصلني صوت أبويه من ورا الباب يگول
عمر/بنيتي افتحي الباب خلي اشوفچ
سمعت كلامه وما انطاني گلبي ماافتح گمت فتحت الباب وعيوني حمر ومنفخه من البچي
باوعلي وكال
/بنيتي ادري بيچ مقهورة بس هالشي مو بيدي ولو يرجع بيه الزمن مااخذچ من الجامع بس بوكتها چنتي تبچين بصوت و اخذتچ ورجعت للبيت شافتني امچ شايلچ گالت
ليلى/ عمر منو هاي البنيه
عمر/ لگيتها بباب الجامع واستخطيتها شفتها تبچي.
امچ اخذتچ و انطتچ اكل وحبتچ اكثر حتى من جهالنه
بوكتها سجلتچ بأسمي وخليتچ من ضمن جهالي الله شاهد مافكرت بيوم انتي مو بنتي ولا فرقت بينچ وبين بناتي حسبتچ منهن ودللتچ اكثر منهن
بس مافكرت يجي يوم واهلچ يلگوچ صدگي ميهون عليه انطيچ الهم واني تعبت بتربيتچ ودخلتچ احسن المدارس
وصرتي قطعه من گلبي بس حكم القوي إذا مانطيتچ الهم ياخذوچ مني بالقوة وهمه شيوخ وعشاير يكتلوني ويكتلون ولدي اذا مانطيتچ الهم
تالين/ حسيت بلوكه وگعت على راسي شلون راح افارگ اهلي شلون راح اعوف اعز ناس على گلبي شلون؟؟؟؟
عمر/ها بنيتي يلا گومي حظري هدومچ وانزلي اتعشي
باچر من وكت تطلعون..
گالها وگام طلع من الغرفه شفته مسح دموعه بسرعه
تالين/گلبي انقسم نصين من شفت أبويه يمسح بدموعه احس روحي تريد تطلع لان راح افترگ عن اهلي
نزلت جوة شفت خواتي عيونهم حمر وامي حالتها اتعس منهن عيونها حمره دم وتبچي اباوع على اخواني گاعدين على صفحه ومبين مقهورين أما أبويه اخ يابويه عيونه دم وأيده ترجف
عمر/تعاي بابا تعشي
تالين/ مااشتهي گوة طلعت الكلمه من عندي صوتي مخنوگ من البچي
ليلى/يمه روحي انتي وخواتچ حظري هدومچ حتى تلحگين گالتها وگامت تشهگ بالبچي مااتحملت رحت يمها حضنتها واجو خواتي وطگينه بچي
چانت اتعس ليله تمر عليه افكر شلون راح اعيش بدون اهلي شلون راح اگدر اعيش يم ناس مااعرفهم واول مرة اشوفهم راسي گام يوجعني من التفكير نمت ودموعي على خدي....
گعدت الصبح على صوت امي
ليلى/ گومي يمه ماضل وكت
تالين/ يي يمه گعدت
گمت غسلت وصليت الفجر وبدلت هدومي ونزلت جوة
لگيت اهلي كلهم گاعدين حتى حيدر الفطير الي يضل للعصر نايم
عمر/تعالي بويه تريگي
رحت گعدت بينهم وگوة اكلت چم لگمه لخاطر أبويه وامي
كملنه ريوگ واندگت الباب واجو ياخذوني
بوست خواتي وامي وحضنتهن كل قوتي واشهگ
طلعني ابويه للطارمه وشفتهم نفسهم الي اجو البارحه
محمد/يلا بنيتي امشينه نروح
انداريت على اخواني ودموعي تچوي خدي
حضنتهم كل قوتي وخرت عنهم وباوعت لأبويه الي واگف ودموعه تنزل ويمسحها بچف أيده ركضت حضنته وابچي بصوت عالي
جرني ماجد عن أبويه وأبويه لازم ايدي كل قوته هذا كله واهلي واگفين برا ينتضروني اخذني أبويه للسيارة وگال عمر/ديربالچ على نفسچ اريد تالين نفسها الي ربيتها على أيدي احسن تربيه لتخليهم يگولون عليه ماعرفت اربي
ماشي بنيتي
هزيتله راسي وابتسمت
صعدت للسياره ولوحت بأيدي لأبويه واخواني تلاثتهم وهمه هم لوحولي
ضليت اباوعلهم من ورا إلا أن اختفو عن نضري...........

لتنسون التصويت ❤️❤️

واسفه اذا اكو اي خطأ إملائي ❤️