تالين الشيخ جبل

part 13

شهگت بخوف
/عااا عزااا شبيييك
ابتسم وگال
/عرفتچ راح تجين
/احم لا بس ردت اشوف الشسمه
جاوبني بتساؤل
/الشسمه؟؟؟؟
/احم شو وخر اريد اروح انام
فجأة گال
/شروق
باوعتله بفضول
/ها شنو شبيها شروق
حچه بهمس وهو مركز عينه بعيني
/الي چنت اراسلها
ضجت كلش يعني هالوكت كله يراسل شروق
ردت اگوم رجع ثبتني جواه
/شتريد مني ها؟ شتريد روح على الضفدعه كمل سهرتك وياها
ضل مبتسم ماجاوبني كلش اتنرفزت
/شبيك وخر عني لتزعل منك شروقه
ادفع بيه ميقبل يهدني مثبتني جواه بأيديه ثنينهن اتقرب عليه أكثر
/افدي الغيران انه
/منو گال غيرانه والله يالله مصدگ نفسك
/چا خوش انه اروح اكمل سهرتي
راد يبتعد جريته من وجهه بسرعه وصرنه وجه بوجه بحيث انفاسه تطخ بوجهي.....
باوعتله والدمعه بعيني
/صدگ تحبها
صفن بوجهي وضل ساكت
/عليش ساكت يعني تحبها موو
احچي وياه ميردلي اخير شي زهگت ودفعته ردت اگوم صار فوگايه وصار يتقرب مني أكثر واكثر توترت كلش
گلت بخوف واني ابلع ريگي من التوتر
/ج..جبل و..خر عني شبيك
ماسمعني فجأة وبدون سابق انذار باسني ضليت ادفع بيه بس ليگول حايط اخير شي استسلمت حسيت أطرافي جمدت وگلبي دگاته صارن الف ايدي من وحدها راحت تتلمس وجهه غمضت عيوني وضليت بدون مااتحرك عبالك ديبوس بميت مر تقريبا خمس دقايق اختنگت اريد اجر النفس  ابتعد عني وحط گصته على گصتي وگال بنبرة اشبه للهمس
/احبچ بويه
ضليت ساكته واصلا مافتحت عيني من الخجل مااريد اواجهه
رجع همسلي
/شمالچ بويه افتحي عينچ
مافتحتهن ضليت سادتهن
/شمالچ نمتي
فتحت عيني شفته مبتسم گلت بغباء
/هاه؟
ضحك وگال
/احبچ واحب غبائچ
ابتسمت مثل الهبله بعدين ركزت
/عزااا هاييي شسويييت
ابتسم
/ماسويت شي
حچيت واني ادفع بيه
/شنو ماسويت عزا مو حرام
حط إصبعه على شفايفي وگال
/ششششش
گمت ارجف واحچي بتوتر
/وخر الله عليك وخر
گام عني وگعدني گدامه
/شمالچ يرويحتي
اباوع للأثاث والبرده
/شمالچ انه هنا وين عينچ
باوعتله والدمعه بعيني من الخجل
/احم هذا ذوقك
ابتسم ورجع اتقرب مني
/احب خجلچ جعل محد غيرچ يخجل
تيهت روحي من الخجل اريد احچي اي شي يغير الموضوع
رجع گال
/شبيچ خايفه
گلت واني اتأتأ
/ها اني منو گال خايفه
/چا شمالچ
گمزت بسرعه اريد اطلع سمعته يگول
/نصبر شنسوي ماعدنه غير الصبر لحد ميروح هالخجل طلعت اركض للغرفه گعدت بفراشي وحضنت مخدتي بأيد والايد الثانيه لازمه شفتي ومبتسمه
/عزاا اني شسويت يربي اسفه امانه صارت غصب عني دنچبي تالين يا غصب عنچ وانتي لزگتي بيه عزااا يربيييي .......
نمت واني گلبي يدگ بسرعه من التوتر والخجل
گعدت الصبح مااريد انزل مستحيه احط عيني بعينه باوعت لنفسي بالمرايه صار قلم الكحل گدامي رسمت عيني وحطيت مسكاره وشوي حمره اني بالعاده مااحط بس اليوم مدري شجاني.......
نزلت جوة شفته گاعد يم جدو كالعاده صبحت عليهم ورحت للمطبخ شوي واجه يغني
جبل/يا ام العيون السود ماجوزن انه ياأم العيون السود ماجوزن انه خدچ الگيمر أنه اتريگ منه
ام جبل/شمالك يمه من صباحيات الله
/فرحان ييمه فرحان
/عسى دوم هالفرحه يروح امك
باوع عليه وگال
/امين امين
ابتسمت بداخلي على جبل الاصدار الجديد الي طلع فجأة حطينه الاكل وگعدنه ناكل حچه جدو موجه كلامه لجده وخاله ام جبل وامي
/حضرن نفسچن باچر جبل يستلم الشيخه
اباوع لجبل ولا تحرك عبالك متعود خاله وامي وجده وجههن ورّد من الفرحه وهلهلن وضلن يصلن على النبي
البيت كله انخبص عمو كمال ماخله أحد ماعزمه والعشيره كلها اجتمعت يمنه جدو ماخله شيخ من شيوخ البصره ماجابه اجه اليوم الثاني وگعدت من وكت لأن البيت مخبوص خبص النسوان والبنات كلهن يشتغلن بس الضفدعه گاعده......
واگفه منتظره شهد تجي حتى نصعد نجيب الصواني من المخزن وچان ينزل على الدرج لابس اللبس العربي والسبحه بأيده نزل والعطر سابقه اجت خاله ام جبل تهلهل وتبخر بيه ضليت صافنه بوجهه شدعوة هلگد حلو شهد تحچي وياي حتى نصعد واني مطنشتها و صافنه عليه عاد من شافني ضاربه دالغه گدامه غمزلي وابتسم وراح.....
گلبي احس يريد يطلع من الفرحه اخير شي گرصتني شهد
/ولچ شبيچ فضحتي نفسچ اثگلي
/اخ شبيچ وين فضحت نفسي
/چا مني هاي الصارلها ساعه متبسمره گبال اخوي
/اوي شبيچ امشي تأخرنه
/اي عيني امشي امشي
صعدنه جبنه الصواني وصبينه اكل الزلم وحد والنسوان وحد
كملو اكل واني وشهد ومنى وزينب بنت عمه سعاد وگفنه نغسل مواعين انكسر ضهرنه هلگد ماغسلنه مواعين وصواني اخير شي وگفنه اني ومنى گبال 6 جداري من ذني الكبار بحيث ينام بيها زلمه ، لزمنه اول جدر فتنه بيه اني وياها وگعدنه نجلف بالربع ساعه
تونه بدينه بالجدر الثاني واجو يوسف وغيث وايهاب
يوسف وهو يكف ردانه
/جيبن جيبن مابيچن فايده
غيث/اي والله يخوي صارلهن ساعه بهالجدر
ايهاب/اتعلمن الشغل الزييين اتعلمن.
عاد صدگ والله كل واحد گعد بجدر ويغسل بيه شكلهم يموت ضحك
يوسف وهو يغني بأحساس
/يا طبطب
ردله ايهاب
/و دلع
غيث/يا يقولي أنا اتغيرت عليه
يوسف/انا ازعل
ايهاب/اولع
ورجعو تلاثتهم گالو بصوت واحد
/ماهو كل همو ازاي ارضيه
اني ومنى جريناها ضحكه مال رقاصات بصوت عالي منحس الا عباس فوگانا ضربنه على راسنه خفيف
/ووجع شمالچن صاطرچن الحمزه متگولن زلم هنا
منى/اسفه والله
اباوعلها شو هاي صفنت بعباس والاخ هم ماقصر عفتهم وفتت جوة گعدت بالصاله يم شهد گعدنه شوي حچينه ولاحظت عمه سعاد مختفيه
/شنو لعد وينها سعادو
شهد/هسه تلاگيها دتحظر سحر لأحد جديد
/عا يمه انچبي الله يبعدنه
/امين خيه امين بس هم صدگ ترا هاي سعاد مو هينه 
/يع الله يستر منها يلا اني اگوم اسبح احسنلي من سيرة سعاد
/اي والله گومي اسبحي فرحي الصابونه
ضحكت وگلت
/عا انچبي ولچ أحد يسمع ويصدگ
/عساس اني چاذبه
ضربتها على رأسها خفيف وضحكت
طلعت من الصاله ميته حر اريد اسبح......
توني دااصعد سمعت صوت ردت اطنش واصعد بس ميزته اي هذا صوت عمه سعاد تحچي ويه وحده من البنات جوة الدرج يم غرفة الخطار هاي الغرفه محد يجي يمها بس الخطار صايره شبه معزوله عن الصاله وبعيده عن الهوسه اخذني الفضول اريد اعرف ويه منو تحچي
رحت اتسحب على كيفي شفت فرح مغيره هدومها ولابسه ثوب لازگ على جسمها ومشگوگ من جهة الصدر  وحاطه على راسها منشفه
سعاد/سمعتيني زين ؟؟؟؟ تروحين تفوتين لحمامه وتعوفين الباب مفتوح من يجي اطلعيله.
اتقربت أكثر اريد افهم هاي ليش هيچ لابسه ولحمام منو حتروح رجعت عمه تكمل كلامها
وعيطي بأعلى صوتچ شعندك هنا عيب عليك تتحرش ببنت عمك ودام اكو شيوخ غربه اكيد راح يصدگوچ وهيچ راح ياخذچ جبل غصبا عنه لان راح ينحرج گدام الشيوخ وهم ابوچ سويتله عگد لسانه يعني ماراح يحچي شي بدون اذني
/بس ماما اخاف ميقبل
/لا غصبا عنه راح يقبل
/واذا ماقبل
/ام ياسر موجودة
تالين/انصدمت تسوي هذا كله وتفضح بنتها گبال العالم علمود شنو.
رجعت بسرعه ادور جبل وين طلعت اركض على عباس
/عباااس جبلل وينن
/تعب و صعد فوگ يرتاح ليش تسألين عنه
وگف عقلي من گال صعد فوگ عفت عباس يحچي ورحت اركض اريد الحگ على جبل ليروح بيها من ورا سعاد وبنتها فتت للصاله شفتها گاعده معناها فرح موجوده بالحمام مال جبل صعدت اركض اريد الدرج يخلص . شفت جبل توه يريد يفوت الغرفه ردت اعيط عليه فات وسد الباب ركضت بأسرع ماعندي حتى اوصل واخليه يطلع بس فشلت لمن سمعت عيطتها........

لتنسون التصويت ❤️❤️

واسفه اذا اكو اي خطأ إملائي ❤️