الافكار والهموم والوجع كله تجمع بگلبي والعبره شگت صدري ماتوقعت اخسرهم للمره الثالثه ، صفنت بوجهه وگلت بصوت يرجف
/ليش؟ شو مااجاني وجع مثل كل مره
حضن وجهي بأيده وگال
/ما النا نصيب بيهم ، الله يعوضنه حبيبي
درت وجهي وبچييييييييت ، طلعت شكو وجع وشكو هم بگلبي وذبيت حرگتي بالبچي ، گام جبل وطفه الضو واجه گعد يمي...
/كافي حبيبي ميهون عليه اشوف دميعاتچ
گلت من بين دموعي
/ مقهورة
/حتى انه يبويه بس مابيدي اسوي شي
دنگت راسي وگلت بقهر
/ الله كريم
/ونعم بالله
سكتت وسويتله مكان وخلاني بحظنه ونمنه سويه....
ثاني يوم الصبح رجعنه للبيت والكل مقهور لان هذا ثالث حمل اجهضه ، وهيچ مشت الأيام تشبه بعض وماكو أي تغيير.
___________منى____________
اجت تالين من المستشفى والكل انقهر على الطفلين الي اجهضتهم والي مبين عليه القهر والتعب هو جبل ، مرت الاسابيع عاديه وهادئة وبهالايام عقدنه انه وعباس عقد شيخ و عقد محكمه وصار يدخل ويفوت براحته لغرفتي وگدام اهلي ، وبيوم چنت واگفه بالمطبخ واغسل فاكهه حتى اوديها لأبويه ومندمجه اغني حسيت بأيد حضنت بطني...
منى /بسم الله شعندك هنا
عباس/ شني شعندك هنا چا غير اريدن احضن رويحتي
/يروح رويحتك
دار جسمي لجهته وصرنه وجه بوجه وگال بشك
/شني هاي من ايمته تتغزلين
/چا غير انه مااحچي
ضحك خفيف وگال
/كم يوم واعرس عليچ
/عااااا شنيي
/شبيچ ماتردين نعرس
/شسمه بس مو هيچ كلام
/اسكتي حبيبي
ابتسمت وتقدمت دااحضنه وابتعد عني
منى/ ها شكو ليش ابتعدت
/مو ماترديني
/شنو منو گال مااريدنك
/چا مني الي تنفر مني
/يمته نفرت منك شو تعال هين
ركضت لحضنه وهم ابتعد عني
/ععببااسس شبييييك
/جاي انفذ طلباتچ
تنرفزت كلش وگلت بعصبيه
/يا طلباتتت ممحدد طلبب منكك طلباات
أنت تقرأ
تالين الشيخ جبل
General Fictionسندخل لعشيرة الشيخ ضاري ونرى ماذا يوجد من خبايا واسرار وسنعيش معهم اسوء الأحداث واجملها ..... قصه عراقيه من وحي الخيال تشمل #حب #مشاكل #حزن #ضحك #فرح "تالين الشيخ جبل" لـــ *رحمه الكبيسي*
