مرت الايام وابويه وجدو رجعو يحچون ويايه ورجعت حياتي القديمه گبل الخطوبه ورجعت علاقتي بجبل وگضت شهرين على خير ومرتاحين الى أن اجه اليوم المشئوم و چنه گاعدين بالصاله ودنتعشه فجأة لؤي غص و گام يگح گمزت بسرعه جبتله مي وشربته بأيدي
تالين/شبيك حبيبي على كيفك...
ميگدر يردلي ضل ساكت و وجهه احتقن وضل يگح وگحته قويه بحيث گام يطلع دم من حلگه واتخربط شالوه عدي وعباس وطلعو بيه للمستشفى وامي اخذت أبويه و طلعو وراهم...
ضليت گاعده وگلبي نار على لؤي اريد اعرف شصارله هسه لان هو صارله اسبوع يگح وگحته قويه كلش واكثر من مره خشمه يطگ دم وكلما نريد نوديه يعترض ويگول
/مابيه شي....
گاعده وانتظر خبر من عباس لو عدي واجت شهد تسألني بقلق
/ها ماردو عليچ
هزيت راسي بيأس
/لا دگيت أكثر من مره بس ميردون.
/هفففف وين صارو ضل بالنه غير يشيلون الموبايل ويطمنون العالم الي گاعده تنتظرهم
صفنت وگلت بخوف
/ولچ خاف صار بيه شي
گالت بسرعه تنفي كلامي
/انطمي لتفاولين على الولد
هزيت راسي بقلق
/والله مدري گلبي نار عليه
/لا أن شاء الله ماكو شي لؤي سبع
/كون مابيه شي يارب ويرجعلنه سالم
/اللهم اميين يارب العالمين
گالتها وراحت واني گلت اروح لجبل بلكت يدگ على أحد بيهم ويردوله لان ميردولي.....
رحت للصاله مموجود ، سألت منى
/اگلچ عمري وين جبل شو مختفي
/اعتقد صعد فوگ
/ماشي حب تسلميلي
/الله يسلمچ
عفتها و صعدت فوگ لغرفته ودگيت الباب ووگفت انتضر جوابه شوي وگال
/تفضل
فتحت الباب وفتت ورجعت سديت الباب ورحت يمه لگيته ديلبس بالبدي مبين چان يسبح ، وخرت الافكار الي مو وكتها وگتله وعيوني تحچي الخوف الي بگلبي
تالين/دگ عليهم بلكت يردون عليك لان مديردون عليه وگلبي يلعب اخاف صايرله شي
جبل/ماشي حبيبي تدللين....
گالها وشال موبايله يتصل على عباس
جبل/ها يمعود وين صرتو ضل بالنه
عباس/سووله تحاليل وهسه ننتضرها تطلع
/خوش من تطلع بشرنه
/ان شاء الله يخوي يلا مع السلامه ابويه يصيح عليّ
/الله وياك ابو الاكبر و لاتنسه تطمنه واذا صار شي لا سامح الله اتصل بأي وكت أنه موجود
أنت تقرأ
تالين الشيخ جبل
Genel Kurguسندخل لعشيرة الشيخ ضاري ونرى ماذا يوجد من خبايا واسرار وسنعيش معهم اسوء الأحداث واجملها ..... قصه عراقيه من وحي الخيال تشمل #حب #مشاكل #حزن #ضحك #فرح "تالين الشيخ جبل" لـــ *رحمه الكبيسي*
