تالين الشيخ جبل

part 7

صفنت بوجهه والارتباك مبين عليه گلت
/خل اروح خاف أحد يشوفنه
گال بنفس نبرة الهدوء
/خليچ يمي
/احم لا وخر شلون اضل
گوة فلتت ايدي منه درت وجهي ومشيت بسرعه گال
/ماكو شي بيني وبينها مجرد جابتلي مي وشكرتها
انداريت عليه وگلت
/اصلا مااريد اعرف شبينك وبين السحليه.
مشيت واني مبتسمه من عرفت ماكو شي بينهم،سمعته يضحك گبل سرعت مشيتي ودگات گلبي تجيب التايه....
وصلت البيت وفتت بفراشي ونمت واني الگاع ماشايلتني من الفرحه.
گعدنه ثاني يوم وامي گالت
/روحي يمه گعدي الولد
تالين بحماس
/يي ماما تدللين
طلعت برا الجو يجنن شفتهم كلهم نايمين بس جدو وعمامي وابويه گاعدين صبحت عليهم ورحت للشباب اگعدهم
صحت بصوت
تالين/ديلا عيني گعدوووووو
فز ايوب
/شمالچ انصرعتي
ضحكت وصحت بصوت اعلى
/يلااااااااااااااا محمد مازن لؤي عدي گعدو صار الضهرررر
گام ايهاب شمر المخده عليه بس ماطاحت بيه
طلعتله لساني
/ننننننن ماجتي بيه
فجأة جتني مخده من عباس صطرتني
عباس بضحكه
/ننننننن جتي بيچ
ضحكت من قلدني
ورحت على يوسف الي عبالك مغمى عليه ماتحرك صحت بصوت عالي
/ييوووسسسسففففف
فز مرعوب عاط
/الللله اكبرررررر
فطست ضحك من گال هيچ
گال
يوسف/منهي دازچ علينه من صباحيات الله
/إمي
گال فهد بضحكه
/الناس تگعد على صباح الخير حبيبي واني اگعد على شكولچ
ضحكت وگلت
/اوي عيني احمد ربك حصلت فرصه تشوف وجهي الجمييل
گمز الكنغر گال
مازن/والله يخيي احلى صباح
يوسف شمر المخده عليه
/انطم ولك حيوان
/يي يي شمالك ماگلت شي
/ماعوزك تگول شي
اباوعله واگول لنفسي شگد مكروه وجه الصطل.....
سمعت صوت امي تصيحني
/ولچ وين رحتي تعالي افرشي السفره ويه البنات
/يي يمه جيت
باوعت عليهم اتأكد اذا گاعدين ورحت للمطبخ اساعدهم
فرشنه الاكل وانجمعنه كلنه وكلسع ابوگ عيني لجبل وفرح خاف اكو شي غلط، هي تباوعله بس هو ممعبرها
ابتسمت بداخلي وكملت اكل.....
شلنه المشمع ونضفنه والولد گعدو يلعبون ورق والي لازم موبايله والي رجع نام......
گلت للبنات
/خلي نروح نفتر شعدنه گاعدين
رقى/يي والله ياريت
منى/يلا امشن
زينب/خاف أحد يشوفنه
شهد/والله محد فاگر طلعتنه غيرچ
ضحكت عليها وگلت
/عوفكم منها يلا امشو.......
مشينه باتجاه البستان اني وبنات عمو كامل 4 وبنات عمو كمال 2 وبنات عمو صدام 4وبنات عمو جاسم 3 وبنات عمه سعاد 2..
مشينه و وصلنه للبحيره الي گعدت يمها البارحه وابتسمت من تذكرت الكلام الي دار بيني وبين جبل....
گعدنه كلنه على شكل دائره وبدينه نسولف
گالت رقى
/شكو ماكو
مرام بنت عمو كمال/محمد ابن جاسم الخبل خطبني
منى بضحكه
/ليش ماوافقتي متوالمين انتي وياه
تالين/يي والله 😂
ضحكت وگالت
/انچبو عاد
گلت
/چان دزيتيه على هلمگروده تكسبين بيها اجر
وأشرت على شهد
گالت ميسم بنت عمو صدام/يي حرامات چان دازته عليها
گالت مرام
/لا خطيه الولد ماعايزه خبال
متنه ضحك عليها وعلى شهد من گالت
/مو صوچكم صوچي گاعده هنا بس شسوي اتحملكم....
ضحكنه وسولفنه ليما اجه ايهاب يصيحنه نساعد النسوان بصب الغده
گمنه ساعدناهن وفرشنه المشمع وكملنه اكل وگمنه نضفنه وگعدنه نسمع سوالف اهل گبل من جدو وجده......
صار الليل وورا ماتعشينه رحت گلت لأمي
/ماماتي حروح افتر شوي ضايجه
/ماشي يمه بس لتبتعدين
/اوك ......
رحت افتر وگعدت يم نفس البحيره.
نزعت حجابي وفليت شعري وتمددت على الحشيش اباوع للنجوم
بچيت لمن تذكرت من چنه نصعد للسطح اني وخواتي واخواني بالشته ببغداد وتذكرت صديقاتي بالمدرسه... تذكرت شلون چنت ماافترگ عن اهلي لحظه وحده وطگيت بچي حد ما وجعني راسي..
شوي وحسيته اجه يمي.
اباوعله ودموعي تجري
/ليش ما خليتوني يم اهلي
/احنه اهلچ
/بس هم الي تعودت عليهم اهلي مو انتو
تقرب عليه گال
/لتبچين يروحي..
نسيت اهلي ونسيت دموعي ونسيت اني وين لمن گالها
گلت بفهاوه
/هاه؟!
ابتسم وگال
/سلامتچ ماكو شي
اباوعله يباوع لشعري
/هذا طبيعي
/يي فديتني
ضحك واني استوعبت گمزت على الشال اغطي شعري
رجعت يمه گلت
/احم ليش ماتزوجت بعدك
/انتضرها
باوعت عليه وضيقت عيوني وگلت بتساؤل
/فرح
/اوف لو بس تعوفين فرح
/لعد منو
تقرب وگال بأبتسامة مكر
/شتگولين منو
فهيت بوجهه وگلت بدون وعي
/شدعوة هلگد حلو
ابتسم وگال
/تشوفيني حلو؟
گلت بتأكيد
/تخبل اصلا
ضحك وتقرب مني أكثر وگال
/احبچ واحب فهاوتچ بويه..........

لتنسون التصويت ❤️❤️

واسفه اذا اكو اي خطأ إملائي ❤️