تالين الشيخ جبل

part 2

مشت السيارة واني افكر بحياتي الجديده
افكر بأهلي الجديدين وشلون حتكون تصرفاتهم ويايه شلون حتكون اطباعهم؟ سوالفهم؟ حياتهم؟ گضيت طريقي افكر بحياتي القديمه وحياتي الجديده.......
بعد تقريبا 6 ساعات طريق وصلنه لبيت مو بيت قصر من گد ما چبير تصميمه من ذني البيوت القديمه بس كلش مرتب فاتت السيارة للبستان وتفاجأت لمن شفت 4 زلم كبار بالعمر وشباب خير من الله واگفين بواجهة البيت
نزلنه من السيارة و صاحني أبويه
محمد/يلا بويه امشي ويايه
اني خفت من الشباب والزلم كلهم معگلين ولابسين دشاديش واسلحه كلش منضر مرعب وممتعوده على هيج شي سرعت مشيتي ومن خوفي لزمت ايد أبويه هو من شافني لزمت أيده اندار عليه وابتسم ابتسامه عريضه وشد على أيدي قوي يمكن ماتوقعني اسوي هالشي
من وصلنه يم الزلم والشباب الواگفين بالواجهيه
جدي گال
/سلمي على عمامچ
وأشر على الاربعه الواگفين
رحت على اول واحد ابتسم ابتسامه تشرح الگلب ابتسمت على ابتسامته حچه
كامل/هلا بيچ ببيتچ يبعد بيتي وحضني
رحت على الرجال الثاني
كمال/هلا بيچ بويه نورتي الديره
رحت على عمي الثالث
جاسم/هلا بيچ بين اهلچ وناسچ حبيبه
ووصلت لآخر رجال
صدام/هلا بيج يبعد عمچ
تالين/هلا بيك عمو
خلصت سلام وتوني اريد ارجع يم أبويه چان يگول جدي
/سلمي على اخوانچ
أشر على أربع شباب واگفين على صفحه انصدمت لمن گال اخوانچ يعني عندي 4 من غير عباس؟؟
رحت بأتجاههم وسلمت على الاول عمره بالتلاثين تقريبا واكو چم شيبه براسه ، جرني لحضنه وگال
ايوب/اشتاگيتلچ يروح اخوچ
ابتسمت على حچايته وگلت
تالين/ تشتاگلك العافيه
اتجهت للثاني جرني لحضنه و گال
لؤي/أنه لؤي
تالين/هلا بيك
لؤي/ مااتوقعت نلگاچ بعد هالسنين نورتينه ونورتي الديره برجعتچ
ماعرفت شردله عاد اختصرتها وگلت
تالين/منوره بأهلها
تقدمت على اخويه الرابع ووگفت متفاجأه شو هذا نسخه طبق الاصل عن لؤي شافني متبسمره گال بضحكه
عدي/شمالچ خيتي أنه توأم لؤي لا تستغربين
ضحكت على طريقة كلامه ورحت بوسته وگال
عدي/نورتينه يخيتي
ابتسمت واتجهت لأخويه الخامس والي ملامحه تبين هو شگد فرحان مدري ليش طگيتلي صفنه عليه باوع عليه وگال
يوسف/ ماتجين شمالني اعض؟
ضحكت بس مااتحركت من مكاني شو فجأة انثولت
چان يگول
يوسف/يابويه شمالها البت صاطرها الحمزة
ضحكت على حچيه والحمدلله الله قدرني ورحت حضنته

كملت سلام من اخوتي وانداريت على الفيلق مال شباب
وگلت
تالين/هلاو وسويت حركه بأيدي👋👋
شو ذوله گامو يضحكون ولا واحد ردلي السلام
چان واحد منهم يگول بضحكه
مازن/اويلي من بنات بغداد يگولون السلام عليكم مو هلاو
وقلد عليه شلون حچيتها
مدري ليش ماارتاحيتله ابتمستله مجامله وگلت
تالين/السلام عليكم
چان كلهم يردون وعليكم السلام،، صاح جدي
ضاري/يلا بويه امچ تنتضرچ
انداريت عليه وگلت اوك شو هذا گلب وجهه چان يگول
/ اسمها صار مو اوك
تالين/اوك اقصد صار باوع عليه وبعده گالب وجهه گال
ضاري/يلا امشينه نفوت
بالبدايه فتنه اني وابويه وجدي و شاب عمره 31 تقريباً والباقين فاتو للديوان صاير على صفحه....
اول مافتت للبيت صار بوجهي المطبخ وبيه اثنين نسوان متوسطات بالعمر سلمت عليهن
ام جبل / هلا يمه نورتينه أنه مرت الشيخ كامل ام جبل
تالين/هلا بيچ خاله تشرفنه كملت سلام من ام جبل والي استغربت من اسم ابنها جبل؟؟؟!!!!! غلست ورحت على المره الثانيه
ام جاسر/هلا بيچ خاله نورتينه بعد گلبي
تالين/نوركم يعمري
هذا الحچي الزلم فاتو جوة
جرتني ام جبل
/تعاي يمه امچ نايمه مالها حيل تگوم من گالو راح تجين تخربطت أحوالها ممصدگه انتي عايشه
رحت وراها وأم جاسر جتي ورانه
فتنه للصاله يسرح بيها الخيل من گد ما چبيره تطلع بگد بيتنه ببغداد
فتنه عليها وماشاء الله فريق نسوان وين مادحگ تطفرلي وحده تبوسني...
اشرتلي خاله ام جاسر على مره عجوز گاعده بصدر الصاله ويمها عوچيه و بحنچها دگه مالت عجايز گبل مبين عليها مسيطره من گعدتها وكلسع مرزله بنيه لو مره من الگاعدات گالت
حدري يده احبنچ ضليت صافنه هاي بيا لغه دتحچي همستلي خاله ام جاسر
/روحيلها تريد تبوسچ حبيبه
عاد اني فهمت ورحت عليها بوستها رحت على النسوان بوست نص وبقه نص كملت سلام وانتضرت امي تطلع حتى اشوفها رغم ماشايفتها من گبل بس اكو شي بداخلي يريد يشوفها فجأة تفوت مره عمرها بداية الاربعين دموعها تجري عرفتها امي گمت على حيلي مشيت بأتجاهها وهي هم گوة تمشي مبين مريضه وصلت يمها وحضنتني عصرت امعائي و ببچي گالت
ام ايوب/هلا بيچ ييمه هلا بيچ يقطعه من گلبي چن روحي ردتلي ييمه من شفت طولچ
تحچي وتبچي واني ابچي وياها كملت حچيها
/وينچ ييمه ماضگت العافيه من يوم مافاركتچ
ييمه گلبي صارله 16 سنه يلوب عليچ 16 سنه واني لا ليلي ليل ولا نهاري نهار افكر شأكلتي وششربتي ومنو الاخذچ مني يوميه ادعي بلكت ماخذيچ ناس تعرف الله وتخافه ميمر ليلي اذا ماادعيلچ...
هالحچي كله تحچي وتبچي والنسوان يبچن ليگول ميته مو راجعه كملت حچيها وصفنت بوجهي. گالت
/اوف ييمه ماخلوني حتى اشوفچ ماخلوني احظه بأول خطوة الچ ولا خلوني اسمع اول كلمه گلتيها ماخلوني اشوفچ تكبرين خذوچ مني الي ميخافون من الله
متت قهر من حچت هالكلام بچيت بصوت عالي وچان اسمع صوت من ورا يگول بضحكه
امير/شني شمالكم ادري لگينه البت دعشونه عاد
ضحكت عليه والكل ضحك على حچايته، العالم وين وهذا وين تفكيره يم بطنه
بعدين ركزت انو مو بس هو موجود الزلم كلهم موجودين
صاحت جده
ام كامل/شني ماسمعتن گومن هيرن العشه
شو بس هي عاطت النسوان والبنات كلهن تتطافرن
رجعت جده أشرت عليه وگالت
/گومي بدلي هديماتچ تعاي ولچ شهيده أخذي فرخة عمچ دليها غرفتكم
ضحكة واستغربت بنفس الوقت من گالت فرخة عمچ
جتي بأتجاهي بنيه شابه بگصتي
شهد/تعاي حبيبتي ويايه فوگ
ابتسمت وتوني اريد امشي دگت امي على موبايلي مارديت عليها تعبانه ومو مال ارد بهالهوسه
رفعت راسي شفت جدي يباوعلي گال
/ليش شايله نقال من هسه
تالين/أبويه اشترالياه بعيد ميلادي
/بنواتنه مايشيلن موبايل
/بس اني ممسويه شي غلط
گمزت وحده من النسوان گالت
سعاد/ وشني اليضمن بنات بغداد الله اليستر منهن
باوعت عليها گلت
تالين/مو كل اصابعچ سوة ورجعت نضري على جدي ومديتله الموبايل تريد تفتشه أخذه ماعندي شي اخاف منه وماعندي شي بيه بس گرايبي ببغداد وهو الوسيله الي اگدر اتواصل ويه اهلي بيها
شفت أبويه ابتسم
گال
/هاي هي يبعد ابوچ محد إله حق ياخذه منچ ابتمست ودحگت على عمه سعاد الي وجهها احمر چان تگول
/أخذه منها بويه باچر تخزينه وتجيبلنه العار
گال جدو
/ دام ابوها قابل هاي هي
عرضت ابتسامتي ورحت يم شهد واخذتني فوگ
فتنه لغرفه چبيره بيها سريرين ام النفر
شهد گعدت على واحد وگالت
/اني بنت عمچ كامل واحنه واهلچ عايشين سويه
/اهاا زين شو ولا وحده گالت اني اختچ
/ماعندچ خوات بس انتي بنيه على خمس ولد
/اهاا اوك زين وانتي يعني اقصد عمو كامل
/احنه ٤ولد و 4 بنات (جبل 31 و فهد30  وايهاب 26 ومالك واختي منى توأم 24 و اختي الچبيرة سلوى 34 متزوجه و رقى 17 واني 16
/ماشاءالله ابوچ ميتفاهم
/هههههههههههه يي
/زين واخواني شگد أعمارهم
/عباس 30 وايوب 28 وعدي ولؤي 27 ويوسف 26
/عاا لعد ليش ماسوو انوب
/والله يخيتي امي گالت امچ بيوسف شافت الويل وابوچ حلف عليها متخلف وورا چم سنه امچ قنعت ابوچ حتى تجيب بنيه ويه الولد ووافق وصرتي انتي وانلاصت الوضعية وماقبلو يسوون وراچ
/فديتني
ضحكت وگالت
/انجبي انچبي
/زين اگلچ
/گولي
/شو عباس عمره صغير بس راسه بيه شيب
/يگولون وراثه
اهااا
/يي هسه يلا بدلي حتى ننزل نتعشه اني راح انزل
اساعدهم وانتي كملي والحگيني
/اوك
/ديربالچ تگوليها گبال بيبي لو جدي متخلصين من لسانهم
ضحكت وگلت
/لتخافين اخذتلي رزاله
/ هههههههههههه خوش بعد لتگوليها
ضحكت وگلت
/اوك
طمتني وطلعت
تعجبت شلون ذبت ميانه ويايه وبنفس الوكت كلش حبيتها سوالفها تخبل
بدلت ونزلت فتت للصاله لگيتهم كلهم متجمعين على المشمع رحت دحست نفسي يم شهد ومنى بس ماگدرت اكل احس الكل يباوعلي توترت
كملنه اكل وگمت دااساعدهم دفرتني شهد
/گعدي البنوات خير من الله
/اخ خاصرتي يي راح اگعد
ضحكت وگالت
/عفيه بالشطوره
صاحتني امي ورحت گعدت يمها
گالت
/شلونچ يمه شخبارچ شلونها حياتچ هناك أن شاء الله عاملوچ زين
/اصلا ماحسيت بنفسي مو بنتهم دللوني أكثر من بناتهم اصلا
/الحمدلله يمه
التفتت امي تحچي ويه النسوان واني ضليت صافنه بالفراغ
شوي وألمح الشاب الي فات ويانه شنو من شاب يطگ بالگاع🙂🙂😂 هو نفسه جبل طويل بطول الباب وشعره لاهو عالي ولا اگرع كلش حلو طبيعي بس ممشط
جسمه شوي بارزه بيه العضلات ملامحه ملامح حاده كاي شاب بصراوي اسمر
بعدين وعيت على نفسي لمن شفته باوعلي وابتسم...
كملو البنات تنضيف واجو گعدو يمي وگضوها يسألوني عن حياتي ببغداد وشلون العيشه هناك
خلصت الليله وصعدنه دنام كلمن بغرفته
خابرت على امي وگوة لزمت نفسي حتى ماابچي واقهرها
سديت المكالمه وحطيت راسي على المخده وهم نمت واني افكر شلون راح اعيش هنا...........

لتنسون التصويت ❤️❤️

واسفه اذا اكو اي خطأ إملائي ❤️