تالين الشيخ جبل

part 10

يا صّباح الله شحلاتک
جنك البصره وأهلها ،
أنت ضحكاتي الصدک والدنيا كلها.

.....................................❤️
___________________________________________
باوع عليه متفاجأ
/شني شمالچ تبچين
جاوبته واني گوة احچي من البچي
/انت تضل تعصب عليه
ابتسم واتنهد وهمسلي
/مو بيدي مااتحمل اشوف غيري يعاينلچ
باوعتله
/شني شتحچي انت
ضحك وگال
/جعل محد غيرچ يحچي مثلنه
توني داارد اجه يوسف
/شدتسوون
گال جبل بسرعه
/لگيتها هنا تبچي من وجع رجلها
/هاا ايي رجلي حيل توجعني يلا اني راح اصعد انام تصبحون على خير
عفتهم وصعدت خفت يوسف فهمنه غلط بس الحمدلله لمن گعدت ثاني يوم كلشي طبيعي.......
مر أسبوع ورجلي طابت والحياة طبيعيه إلا أن اجه يوم چنت گاعده بالغرفه اقره قرآن شوي وسمعت صوت عياط جوة صدقت اخذت موبايلي ونزلت اركض لگيت جبل بوجهي جرني كل قوته بحيث ايدي رادت تنخلع فوتني للديوان لگيت ابويه محمد وابويه عمر وزيد وأبوه وعمامي وجدو توني دااسلم على ابويه حچه جدو
/احنه من انطيناچ الموبايل واثقين بيچ وخليناچ على راحتچ ماتوقعنه تكسرين ثقتنه وتجيبيلنه العار.
اباوعله وعيوني مفتوحه على وسعهن من الصدمه
/شنو جدو شسويت اني حتى تحچي هيچ
گام جبل أخذ موبايل زيد وباوعلي وعيونه تنگط شرار
/وهذا شتسميه
اخذت الموبايل وبديت اقره المحادثات..
إقرة ودموعي تنزل باوعت لجبل واهلي
/والله مو اني والله چذب
زيد/لتچذبين حبيبتي كلشي انكشف
باوعتله واحچي بعصبيه
/شنو هو الي انكشف انت شدتحچي
/گوليلهم احنه على علاقة من شهرين
ليش تنكرين
اباوعله عيونه بيهن نضرة خباثة
باوعت لأهلي واحچي وابچي
/والله چذاب والله ماسويت شي والله ماعندي شي وياه
اجه عباس ضربني راشدي فى وجهي فر وگعت بالگاع
باوعتله بقهر واني ابچي
/والله ماسويت ليش متصدگوني
شمرت الموبايل عليهم وعطت
/هذا الموبايل گدامكم والله مابيه شي والله
زيد/قابل اغبياء اهلچ اكيد تحذفيهن
اباوعله مصدومه معقوله هو هذا الي گضيت عمري وياه اضحك واشاقه ومايوم سوالي شي يقهرني يجي هسه بسهوله يتهمني؟!......
فجأة اجه عباس عليه كتلني كتل جسمي كله تكسر عافني واجه ايوب جرني من شعري يحچي ويغلط عليه ضربني لحد ما خشمي وحلگي جرن دم ،جرني من شعري قوي حسيته اتگطع بين ايده ورجع شمرني بالگاع كل قوته احس جمجمتي تكسرت
اريد احد يساعدني بس كلهم شكلهم يخوف اباوع لجبل اشوف حالته اتعس من الباقين.. اباوعلهم واني أشوف وحوش مو بشر كلسع واحد جاي كاتلني.......
مرت اسوء 3 ايام بحياتي واني ضاله عايشه بين أربع حيطان ، اجه اليوم الرابع واني عايشه بس على المي والضرب گاعده اقره قرآن وابچي اريد الله يخلصني منهم اندگ الباب وفاتو عباس وايوب وابويه محمد اباوعلهم وخايفه يضربوني نزلن دموعي وعطت من تقدم عليه عباس
وع/وخر والله جسمي موتني وجع من وراكم والله ماسويت شي والله كله ضلم حسبي الله ونعم الوكيل بزيد الي اتهمني هالاتهام يارب شوفني بيه يوم اعيط بكل قوتي اتخبلت من وجع جسمي ومن زيد الحقير الي جايب محادثات مدري منين وخلاها گبال اهلي على أساس ويايه صوتي راح من العياط وعيوني احسها حتنفجر من گدما بچيت
اتقدملي أبويه...
/تزوجين وبدون هالحچي دام بينكم علاقه وتريديه هاي هي
احس روحي ساحت وگلبي صارت دگته توجعني عيوني غوشت وطحت
................
وعيت سمعت احد يمي يحچي بهمس بس مافهمت شحچه راسي يوجعني وعيوني تحرگني من البچي
فتحت عيني اكو ضوه خفيف ومبين الدنيا ليل باوعت حواليه شفته گاعد على الكرسي وصافن
گمت گوة گعدت گباله وابچي
/مااريده
جبل/ والحب والصور الي دازتها بحفلة مصطفى
حچيت بأنفعال
/مااحبه مااحبه منو گلك احبه كلشي چذب والصور اكيد طاگيها بدون ماادري لو مااخذيها من موبايل خواتي ببغداد
/ والمحادثات
باوعتله بقهر
/ليش ماتصدگوني والله ماعندي شي وياه مو انت بأيدك حظرته
فرك وجهه وزفر بقوة
رجعت گتله
/على الاقل انت صدگني مااريد اتزوجه
باوعلي مستغرب
/شني منهي التتزوج
/أبويه گال دام تريديه وبينكم علاقه راح اقبل بيه ويزوجني.
/يدوس على جثتي وياخذچ والعباس مااخليه يمس شعره منچ
ابتسمت وگلت بفرحه
/يعني مصدگني
تقرب عليه
/اي بويه مصدگچ
گمزت لحضنه
/الله يخليك لتخليه يزوجني لزيد
طوقني بأيده ويمسح على شعري بحنيه
/مااخليه والعباس مااخليه....
هده گلبي من سمعت كلامه اخذت راحتي وضليت حاضنته عطره بخشمي وروحي ارتاحت ، ضليت بحضنه لحد ماغفيت......
گعدت ثاني يوم نايمه بفراشي ومحد يمي گمت غسلت وجهي وصليت ورجعت گعدت جوعانه بس ممشتهيه شلون ماادري🙂💔
ووراها مرن يومين واني ماشفت جبل ابدا مدري وين طالع.....
چنت گاعده وچان اسمع صوت عباس وايوب يعيطون ويتوعدون بس مافهمت على منو
فاتت عليه منى تگول جبل گايللهم زيد مفبرك المحادثات
ضحكت مثل الخبله وحضنت منى
شوي وفاتو عليه اخواني وابويه
/اسف بويه ماخطر على بالنه يطلع هلگد نگس
عفته مارديتله تعبانه وراسي موتني وجع بس گتله
/اريد انام تعبانه
/ماشي بويه على راحتچ
طلعو واني گمت صليت ركعتين شكر لان خلصني من هالحيوان
نمت ساعه تقريبا واجت شهد عليه
/عاا ولچ والله لو تدرين شمسوي جبل
گعدت گدامها ونسيت وجع جسمي
/اييي احچي بسرعه شسوه
/اليوم طلع الفجر لبغداد رايح على صديقه يعرف بسوالف الموبايلات والبرمجه بس والله ولچ شفت صاك
ضربتها على فخذها خفيف
/ولچ دحچي عوفي صديقه
/اي
/ايييييييييي دحچي مو راح اكفشچ
/صديقه عارف المحادثات متفبركه واصلا الرقم مو مالتچ مااخذ المحادثات الاصليه ورايح على أهل زيد كاتل زيد كتله تبرد الگلب وناقليه مستشفى لان كاسر خشمه
گلت بدون وعي
/كفو بعد بيتي
ضيقت عينها وگالت
/شگلتي
/ماگلت شي دكملي عاد شعليچ بيه
/اي ياعيني ميخالف معليه بيچ ، المهم خابر جبل على اخوانچ واخواني ولحگوه لبغداد وهم زيدون ماخذ نصيبه من اخوانچ وكاسريله أيده وراجعين بيه على المستشفى مره لخ😂
وأبو زيد متوعد لأخوانچ بس جبل شوفه المحادثات وسكته......
حچتلي سوالف بس مو مهم اذكرها عن الگعده السواها ابويه......
مر يوم واني ماشفت جبل اجه الليل رحت لغرفته وگفت گدام الباب متردده ادگه لو لا اخير شي دگيته وفتت شفته گاعد على السرير گام بأتجاهي وگال
/هلا بيچ بويه
/احم شكرا كلششششششش على الي سويته
/ماسويت شي بنيتي
شو بس سمعت كلمة بنيتي طگني الجفاف ردت اوگع من طولي دحگت عليه بتوتر تقدم عليه واني رجعت ليوره ضل يتقدم واني ارجع لحد ما ضهري طخ بالحايط صفن بوجهي وگال
/اخ لو تشوفين شصار بيه لمن اجه وحط المحادثات گبالنه ضليت 3 ايام واني لا ليلي ولا نهاري نهار
اباوعله توترت من قربه گتله
/احم شو بالله اريد انام نعست
اريد اوخره تقرب مني اكثر
/شمالچ ترجفين
/لا منو گال
باوع بأيدي ورفعها
/عاينيها چن سعفه
گتله بتوتر /لا هاي شسمه مدري وخر تصبح على خير
شو هذا تقرب مني اكثر بحيث اسمع انفاسه
/شمالچ خايفه مني 
بلعت ريگي
/لا ماخايفه منو گال
وجهي صار حار نار من الخجل اريد ابتعد عنه اخير شي حسيت الوضع صار خطر دفعته وطلعت اركض من الغرفه وبس اسمع ضحكته........
مر اسبوع واني مرتاحه والگاع ماشايلتني من الفرحه وأما اخواني وابويه رجعت احچي وياهم طبيعي......
مر الاسبوع واني مرتاحه من زيد بس للاسف هالراحه مادامت.......
چنت گاعده بالمطبخ واسوي زلاطه للعشه وخاله وامي والبنات يمي فجأة حسيت نغزه قويه بگلبي وصدري ضاق عليه اتعوذت من الشيطان وكملت دااثرم بالخيار وصارت نغزة بعد اقوى من الاولى شگيت ايدي بدون ماادري عطت من وجع ايدي واجه عباس يركض عقمها وشدلياها رحت گعدت بالصاله ايدي توجعني وصدري حيل ضاق عليه باوعتلي جده
/شمالچ متكدره
حچيت والدمعه بعيني
/مدري صدري ضاق عليه
/اسم الله يمه حدري هين يمي اغره غرآن عليچ بلچن ترتاح رويحتچ
گمت يمها وبدت تقره قرآن دموعي تنزل ويه كلمه تگولها الولد وابويه صافنين يردون يعرفون شكو بس مااگدر احچي احس حجارة على گلبي.....
خلصت جده قرآن وگمت صعدت الغرفه اجيب موبايلي حتى ادگ على اهلي ببغداد احس بيهم شي ادگ على امي وانتضرها تجاوب بس ماردتلي دگيت على خواتي محد ترد خابرت على اخواني وابويه هم نفس الشي محد يرد زاد الخوف بگلبي نزلت جوة فتت للصاله ودموعي تنزل باوعولي متفاجأين گامت امي عليه تريد تفهم شبيه گلت ببچي
/حاسه اكو شي متأكده اهلي بيهم شي
ام عباس/اهدي يمه شمالچ مفاوله على عالم
/والله گلبي يوجعني متأكده اكو شي
جبل/خابريهم بويه وطمني گلبچ
/ميردون خابرت عليهم كلهم محد يردلي......
شفت ابويه طلع موبايله وخابر على عمي ببغداد جاوبه وسأل عن اهلي شفته سكت ونزل رأسه نهى المكالمه واني متلهفه اسمع اريد اعرف اهلي شبيهم
رفع راسه وگال
/....................

لتنسون التصويت ❤️❤️

واسفه اذا اكو اي خطأ إملائي ❤️