تالين الشيخ جبل

part 15

_____________تالين الشيخ جبل____________

لـــ رحمه الكبيسي
.♡
.♡
.♡
.♡
.♡
عفت الاكل وگمت صعدت فوگ اركض فتت للغرفه ودموعي تجري حسيت الدنيا افترت بيه گعدت على السرير اتنهدت بتعب وطلعت شهگه من صمصوم گلبي للحظه ردت اگوم وانتحر بس استغفرت ربي وفكرت راح اخسر الدنيا والآخرة 🙂💔.........
نمت واني افكر ليش جبل ماحچه شي بموضوع الخطوبه.....
گعدت الصبح لگيت سلوى موجوده وجبل طالع سياحه ويه اصدقائه أستغربت هذا شبيه هسه وكت سياحه!!
گعدت يم شهد بغرفة بيبي واحچيلها وابچي وهي تبچي ويايه لان تعرف وحچيتلها كلشي على علاقتي بجبل فجأة فات علينه سيف ابن سلوى عمره 3 سنين شايل موبايلي اخذته منه شفته منگع مي
شهگت وعطت بيه
/هايي لييش
شفته گام يبچي انقهرت عليه توني دااراضيه فاتت سلوى تعيط
سلوى/انتييي شلون تعيطين على ابني
رفعت الموبايل بوجهه
/شوفي شسوه لموبايلي
شو هاي جرت الموبايل مني وشمرته على الحايط
/وهذا الموبايل راح حتى تتعلمين متعلين حسچ على ولدي.
اتعصبت وردت اكفشها بس فكرت بالمنطق هي ضخمه واني طير مهلس حافظت على كرامتي لتحطني وتبصطني عفتها ومشيت....
سمعت صوت ابويه بالصاله رحت عليه وانتچيت على الحايط
محمد/أن شاء الله لا لا ماكو احراج يلا مع السلامه....
اندار عليه وگال
/عگب باچر يجون حتى يشوفچ الولد
الدمعه بعيني گلت بصوت مخنوگ
/تمام...........
.
.
.
.
.
العصريه واگفه گبال المرايه ودمعتي بعيني
اباوع لشكلي چن كبرت عشر سنين بهاليومين گبل ماانزل حتى اقابل حسن الي حيصير خطيبي.
وصيت شهد تجيب موبايل خاله للمره الثالثه حتى اتصل على جبل بلكي يرد عليه هالمره وينقذني البارحه اتصلت مرتين وماارد
دگيت عليه وانتظر الرد گلبي نار فجأة اجاني صوته
/الو ها يمه
نزلن دموعي بسرعه وحچيت
/جبل الله عليك تعال بسرعه أبويه انطاني لحسن.
سمعته يعيط بس سديت الخط بوجهه من شهد گالتلي
/سدي ولچ امچ جتي...
مسحت دموعي ونزلت جوة مرتبكه
فتت للديوان اني وامي لگيت ابويه وجدو وعباس گاعدين والولد گاعد على صفحه ومبين مستحي
گلت بصوت خافت
/السلام عليكم
/وعليكم السلام .
گعدت بعيد عنه اشوفه يمسح جبينه بتوتر
گعدت شوي وگمت طلعت من الديوان بعد مااگدر اتحمل اگعد يمه أكثر.....
صعدت غيرت ملابسي وجتي يمي شهد...
شهد بهاليومين ابد ماعافتني يمته ما بچيت تبچي ويايه حاولت بكل الطرق تخليني اضحك أو حتى ابتسم...
/دگومي خل ننزل نتعشه
/روحي انتي اني مااشتهي
مااهتمت لكلامي وگومتني من فراشي وسحلتني حتى أنزل وياها.
نزلنه جوة وتعشينه ورقى اخذت عني كل الشغل لأن تدري بيه كئيبه و مارايده الحسن واصلا كلهم دارين بيه مجبوره على هالخطوبه بس محد مهتم لرأيي........
.
.
.
.
جبل/فار دمي لمن سمعت جايين يخطبون رويحتي بس ادري ومتأكد ابوها مينطيها لان يحبها ومستحيل يجبرها وجدي يدري بيه هاوي تالين يعني ماكو فرصه تنخطب لحسن...
رحت لصديقي واتفقنه نطلع سياحه لأربيل وصدگ رحنه لأربيل واستقرينه بفندق...
مر يوم على وجودي بأربيل وانه امي تتصل بس مااردلها لان اغلب الوقت اكون گاعد ويه الشباب الى أن اجه ثاني يوم و اتصلت امي من چنت اصلي ، خلصت صلاة ورديتلها بس چانت مو امي چانت تالين .
اتخبلت من سمعت الي گالته شلون عمي ينطيها وجدي يوافق ويدري انه احبها حضرت ملابسي وعفت الولد وطلعت بدون تفكير للبصره......
تالين/گاعده بغرفتي ويمي شهد تواسيني الساعه تقريبا ب2 بالليل . فجأة انفتح الباب بطريقه قويه كلش نزينه اني وشهد من الخوف. فات وأشر لشهد تطلع برا...
طلعت شهد واني وگفت متبسمره بمكاني...
اتقدم عليه وعيونه تجدح نار اريد احچي مااگدر انخلست من الخوف
بنبره مليانه غضب وغيره گال وهو يأكد على كل كلمه يگولها
/والعباس ماياخذچ والله والي اسمه الله مااخليه يمس شعره منچ
هزيتله راسي وگلت
/بس ابويه باچر يردلهم الموافقه
/معليچ باچر احلها مااريد اگلب الدنيا على راسهم بهالليل.
باوعتله وحضنته بادلني الحضن بس حسيته عصرني عصر
گوه گلت
/جبل يمعود اختنگت
همس بأذني
/مااتحمل احد غيري يعاينلچ بغير نضره
رفعت راسي وحطيت عيني بعينه
وگلت
/اليوم اجه وشافني وشفته بس مبين خجول گوة سلم عليه وطويل تقريبا بطولك بس ابيضاني وشعره اشگر.
باوعلي وجرني من اذني
/چان مااخذه رقمه
/اخ والله بالغلط
/شني بالغلط وانتي عرفتي حتى عدد رموشه
/عاد والله عيونه تجنن
باوعلي وعيونه صارت حمر وفجأة دفعني على الحايط و گال
/اگص لسانچ اذا بعد عدتيها
/عاا شبيك دااشاقه وياك حبيبي
عيونه ذبلت وابتسم وگال بنبرة هادئة
/عيديها
/هاه شنو
/عيديها
/دااشاقه وياك
/الكلمه الوراها
نزلت راسي مستحيه
وگلت بصوت مرتبك شبه مسموع
/حبيبي
/ يعيونه وروحه لحبيبچ
ابتسمت وگلت
/يلا اطلع أتأخر الوكت خطيه شهد ضلت برا
/هشششش هسه تلگيها نامت يم رقى ومنى
گلت بتساؤل واني أأشر على الباب
/اييييي
/وجعي شني ماترديني اضل يمچ
/عاا شتضل يمي اطلع يلا اطلع لحد يجي
/ماشي ماشي ماضل شي واسوي الي ببالي
باوعتله بفضول
/شتسوي
/مااسوي شي يلا تصبحين على خير حبيبتي
طلع واني احس گلبي وروحي فراشات من گال حبيبتي..........
گعدت الصبح خايفه وافكر شلون جبل حيغير رأي ابويه.
نزلت جوة وگعدت اتريگ وياهم شوي ونزل جبل خاله شهگت من شافته
/هلا يروح امك ايمته جيت
/الفجر يمه دخلت للبيت
/الحمدلله على سلامتك يروحي
/الله يسلمچ يمه
سلم على البقيه وگعد يتريگ..
كملنه ريوگ وجبل أشر لجدو وراحو للغرفه يحچون...
ضليت منتضرتهم يطلعون حتى يبرد گلبي واخلص من الحسن والخطوبه
شوي واجه جدو ووراه جبل طابگ حواجبه
گلت بيني وبين نفسي
/اخ يجدو لو الزمك الا انتف هالشعرتين الي براسك.....
ضليت اتحرگن اريد اعرف شصار ، صارت العصريه وبابا رفع موبايله يبلغ أهل حسن بالموافقة ، باوعت لجبل بنضرات عتب لان ماسوة شي باوعلي وأشرلي انتضري...
توة أبويه اتصل عليهم جدو گال
/گوللهم ماعدنه بنات للزواج
أبويه أنصدم
/شلون و ليش لحد البارحه انت موافق شغير رأيك
/مااريدن بنيتي تروح لواحد يستحي من مرة
/بس هذا مو سبب
جدو تعصب وگال
/تكسر كلامي يمحمد
/لا يبويه بس انه اريدن مصلحتها والولد مابيه عيب
/أنه الي عندي گلته ردلهم الرفض
اتنهد أبويه وهز رأسه واتصل عليهم وخبرهم بالرفض
اباوع لجبل مبتسم ردت اگمز احضنه من الفرحه بس نقذتني شهد
/عيونچ فضحتينه
باوعتلها وگلبي يريد يطلع من السعاده
همستلها
/گومي نصعد نرگص
/عزا انچبي ولچ
توني دگوم دخت كلش سندتني رقى
/عزا شبيچ
/مابيه شي بس تعبانه لان مماكله
باوعلي جبل بنضرات خوف هزيتله راسي اطمنه وصعدنه اني وشهد
اتمددت بفراشي ورجعت گمزت
شهد/شمالچ نززتيني
/اريد كباب
/شذكرچ بيه
/مشتهيه كباب اريد كباب هسه جيبولي كباب
/عااا دنطمي وانزلي گولي لاخوانچ أنه شكو
گمزت بسرعه نزلت جوة وصحت
/عوووووودددديييييي وينك
عدي/شمالچ انرعصتي خربتيلي اسمي
باوعتله بنضرات برائه
/اني مو اختك
/للأسف ايي
/عاا شبيك
/احچي شتريدين
ابتسمت وگلت بترجي
/حباب اريد كباااااااب
/شتسوين بيه
/والله ضايجه وگلت العب بيه چوبي
/الله يطيح حضچ على هاللسان ماشي تدللين ثواني وهو يمچ
ضحكت وگمزت لحضنه
/عااا شكراااااااااا
/العفو يلا اتسرسحي
/تمون اهم شي تجيبلي كباب
ضحك وراح باوعت لرقى شفتها ضايجه
/شبيه الحلو ضايج
حچت بصوت ناصي لان کاعدين بالصاله
/شعندچ تگمزين من حضن لحضن مو توچ دختي
باوعتلها بنضرات شك
/ترا اخويه
/انچبي وإذا اخوچ
گلت بمكر
/ممممممممممممممممممممممم والله انتي مو خاليه
/انچبي ولچ شتقصدين
/لا ماكو شي سلامتچ
درت وجهي شفت جبل يأشرلي على الموبايل ، فتحت موبايلي لگيته دازلي رساله
💌/والعباس اذا لزگتي بأحد هيچ مره ثانيه اذبحچ
💌/ياا غير اخواني قابل شنو
💌/انطمي
💌/ ترا مو لدرجة تغار من اخواني😒
💌/ول بويه انه اغار عليچ من روحي
💌/ اي بس مو من اخواني
💌/ والله انتي مو مال أحد يغازلچ
ردت اردله بس طار عقلي من شفت عدي جاي وشايل بأيده چيس
گمزت وعطت
/عاااااا شبسرعه
/ها ارجع؟
/عااا لااا جعل محد غيرك يجي بسرعه
ضحك وگال
/هاي بس وكت المصالح
اخذت منه الچيس وحضنته
/تسلم يروح اختك
/تدللين حبيبتي
وخرت عنه وشفت جبل دازلي رساله
💌/انه شگلت
/شگلت🌚
💌/والعباس راح اگوملچ
💌/متگدر🌚
رفع رأسه يتوعدلي باوعتله شو هذا گام
واجه بأتجاهي متت رعب خفت ينتفني ، صرت اغمزله حتى يرجع واسوي حركات مالها معنى بس المهم ردته يرجع بس لا حياة لمن تنادي ، وصل يمي واني طفرت يم امي
/شو يمه افتحيلي الغطه
/جيبي يمه
انطيتها العلبه وانتضرتها تفتحها.
جبل رجع لمكانه واني ردت اسوي خباثه بجبل اخذت العلبه من امي وانداريت لعدي وانطيته بوسه بالهوه وطلعت بسرعه گبل ليحطني ويكتلني..........

لتنسون التصويت ❤️❤️
واسفه اذا اكو اي خطأ إملائي ❤️

(عباس اشتره الموبايل لتالين)