Yeh coffee mug hamesha uski yaad dilaata hai
Aankh se fir ek aansu sa chalak jaata hai
Kho jaati hoon fir un sunhari yaadon mein
Uska pyara sa chehra utar aata hai meri aankhon mein
Dil ki un galiyon mein uska hath pakadkar chalne lagti hoon
Uski baahon mein gir sakoon isliye jaankar fisalne lagti hoon
Yun hi yaadon mein chalte chalte hum us coffee shop tak pahuch jaate hain
Jahan coffee peete peete hum ghanto baatein kiya karte hain
Hum aise hi roz milte aur kal fir milne ka vaada karte
Chhodkar jaana humein katai pasand na tha isliye alvida kabhi na kehte
Us din bhi sooraj wahin se nikla tha aur mai bhi waise hi chehak rahi thi
Us se milne ka sochkar man hi man muskura rahi thi
Aur fir hamesha ki tarah aa pahucha woh mera haath thaamne
Humne dher saari baatein bhi ki baithkar aamne saamne
Har roz ki tarah din dhalne laga tha
Aur door jaane ka waqt ho chala tha
Par yeh socha na tha ki yeh doori zindagi bhar ki hai
Mujhe yeh saza mili na jaane kis kasoor ki hai
Mujhe ghar chhodkar woh bas muda hi tha
Usne mera haath abhi bas chhoda hi tha
Ki achanak ek bhut zor ki aawaz aayi
Maine mudkar dekha toh mai sehem gyi
Woh khoon se lathpath zameen par pada tha
Kisi ki beparwaah raftaar ka shikaar ho chuka tha
Main zor se chillayi uski tarah daudi bhi thi
Par tab tak uski saansein tham chuki thi
Ek din k liye bhi alvida na kehne wala umar bhar k liye saath chhod gya
Apni dher saari saari meethi meethi bas yaadein chhod gaya
Fir kabhi mai us coffee shop mein nahi gyi
Fir kabhi mai khil khilakar nahi muskurayi
Uski saari baatein saari yaadein aaj bhi zinda hai
Mai jaanti hoon woh mere nakhro pe aaj bhi fida hai
Jab kabhi man karta hai toh yun hi aankhein band kar leti hoon
Aur firse coffee peete peete us se ghanto baatein kiya karti hoon
Yeh coffee mug uske haath pakadne k ehsaas dilata hai
Aankh se fir ek aansu sa chalak jaata hai
Dil par haath rakhkar uska naam leti hoon, wo mere saamne aa jaata hai
Aur haath thaamkar yaadon mein tehelne ka silsila fir shuru ho jaata hai
YOU ARE READING
KALAM Se DIL Tak
Poetrychhoti chhoti kahaniya kavitaon ke roop mein Any kind of similarity with any person or incident is a mere coincidence. Please support my efforts and vote for my story.
