Aaj bhut waqt baad thoda sa waqt mila
Meri zindagi k aasman mein fir se chaand khila
Duniya wale aksar jis chaand mein dhero daag dekha karte hain
Hum ishq karne wale usi chaand ko dekhkar mohabbat seekha karte hain
Upar aakash mein timtimaate taaron ko dekhkar man mein ek khayaal aata hai
Bhut mushkil se mile khaali waqt mein bhi usi ko sochti hoon, yeh ishq bhi kya kamaal hota hai
Kabhi chaand ko dekhti hoon, kabhi uski tasveer ko
Kabhi khud ko khoobsurat samajhti hoon, kabhi apni takdeer ko
Pehle uski aankhon ki tareef karu ya uske baalon ki
Aawaz apni tez hoti saanson ki sunu ya uski baaton ki
Uski muskurahat ko dekhkar mujhe utna hi sukoon milta hai
Jitna aasman mein khile chaand ko dekhkar kisi chakor ko milta hai
Aaj apne is khaali waqt mein mai sirf uski khoobsurati ko nihaarna chahti hoon
Uski aankhon ki chamak se lekar uske gaalon ki laali tak sab ki tareef karna chahti hoon
Chakor ka chaand us khule aasman mein chaaya rehta hai
Aur mera chaand mera haath thaamkar mujh mein hi khoya rehta hai
Uski aankhon ke samandar ki gehrayi mein mai kuch is tarah doob jaati hoon
Meri muskurahat kaise uske dil ke taar chhed deti hai, mai khoob jaanti hoon
Chhat par saath baithkar hum chaand taaron ko dekhte hain
Ek doosre ki baahon mein soye huye hum sapne hazaaron dekhte hain
Apne narm haathon ki ungliyon ko fir woh meri ungliyon se uljha leta hai
In ungliyon ko uljhate uljhate meri zindagi ki sab uljhano ko yun hi suljha deta hai
Chaand ki chaandni jab uske chehra par padti hai
Toh uski woh kaali kaali aankhein aur bhi chamakne lagti hain
Aksar andhere se logon ko dar lagta hai
Par mujhe toh chaand ka saaya hi apna ghar lagta hai
Mera ghar sansaar sab us ki baahon mein hai
Meri saari manzilein us ki hi raahon mein hai
Ab toh bas rab se yahi dua hai meri
Uska chehra dekhkar hi har subah ho meri
Humari baatein kabhi khatm na ho, yeh haath kabhi naa chhoote
Chaand aur chakor ki tarah humara bhi saath kabhi naa chhoote
~~~~~~~~~~~~~~~~~~~~~~~~~~~~~~~~~
Just a poem to appreciate the beauty of the love of your life and the warmth that he/she never fails to give ✨❤
Vote, comment and share
YOU ARE READING
KALAM Se DIL Tak
Poetrychhoti chhoti kahaniya kavitaon ke roop mein Any kind of similarity with any person or incident is a mere coincidence. Please support my efforts and vote for my story.
