Din dhalne laga tha aur raat hone lagi thi
Gusse se meri aankhein aur naak laal hone lagi thi
Do ghante se wahan khade hokar uska intezaar kar rahi thi
Uske chaand se chehre ki jagah baar-baar ghadi ka deedar kar rahi thi
Usne yeh toh kaha tha ki "6 bje tak tumhare pass pahuch jaaunga"
Par yeh nahi bataya tha ki 8 bje tak intezaar bhi karaaunga
Do ghante mein 10 baar phone kar chuki hoon, har baar ek hi jaawab aata hai
Na jaane yeh 5 minute har baar aadha ghanta kaise ho jaata hai
Aane do janab ko, aaj ache se khabar loongi
Mauka mila nhh toh zor se kaan bhi marod doongi
Aaj nhh toh pyaar bhari baatein hongi, naa aankhein chaar hongi
Sirf gussa hoga, daant hogi aur zor ki fatkaar hogi
Bhut intezaar ke baad aakhirkar janab ki jhalak dikhne lagi
Gussa saara ek taraf ho gya aur meri aankhein chamakne lagi
Maine tay kar liya tha ki aaj itni aasani se nahi pighalne wali thi
Aaj toh yuddh hoga, janab ki ache se khabar li jaane wali thi
" Arey lagta hai 6 baj hi gye" maine aankhein badi karte huye kaha
"Bas is baar maaf kar do, aage se aisa nahi hoga" usne kaan pakadte huye kaha
Bas uski aawaz sunne ki der thi, aur saari naarazgi door ho gyi
Gussa bhool kar mai uske chehre ki masoomiyat mein mashroof ho gyi
Beparwah traffic jam ki wajah se humari date barbaad ho chuki thi
Mai usey aur daantna chahti thi par us se pehle hi uski aankhon mein kho chuki thi
Naa jaane kya jaadu tha uski muskurahat mein, hamesha man moh leti thi
Aur uski aankhon ki chamak mera saara gussa, saari tension sab sokh leti thi
"Jaanta hoon tum aaj ki date ke liye kitni excited thi, maine sab kharab kar diya nhh
Par promise aage se kabhi aisa nahi hoga, tumne mujhe maaf toh kar diya nhh"
Uske woh lafz maano mere kaanon se bhi pehle mere dil tak pahuch gye
Muskuraht apne aap mere hothon se chipak gyi aur haath uski taraf badhe gye
Uska haath thaamkar maine bas do baar dheere se apni aankhein jhapkayi
Maine toh kuch nahi kaha par meri yeh kambakht aankhein kuch na chupa payi
Yehi toh woh chhoti chhoti baatein hain jo hamare rishte ko majboot banati hain
Mujhe uska hamdard aur usey mera mehboob banati hain
~~~~~~~~~~~~~~~~~~~~~~~~~~~~~~~~~
I hope this was able to remind you about the first date, first sweet, cute fight that you had with the love of your life ❤
Vote, comment and share 😇
YOU ARE READING
KALAM Se DIL Tak
Poesíachhoti chhoti kahaniya kavitaon ke roop mein Any kind of similarity with any person or incident is a mere coincidence. Please support my efforts and vote for my story.
