Haath mera kaanp raha tha, dhadkan badh rahi thi
Pehli baar usko pyaar bhara khat jo likh rahi thi
"Pyaara sameer" likhoon ya "mera sameer" baar baar dil yeh pooch raha tha
Ghar walo se khat chupaungi kaise dimaag toh bas yehi soch raha tha
Apne dil ke jazbaaton ko kaagaz par utaarna behadh mushkil hai
Abhi toh sirf ek line likhi hai, bhut door abhi manzil hai
Jab jab mera yeh kalam kaagaz se takrata hai
Uska chaand sa chehra mere saamne aa jaata hai
Shuruaat kaise kru, pehle uska haal poochu ya apna sunau
Ya fir us se kitna pyaar karti hoon pehle yeh batau
Mera khat padhkar woh kya kahega, kaise muskurayega yehi sawaal man mein hai
Uske baare mein sochti rahoongi ya khat bhi poora karoongi, dil toh isi uljhan mein hai
Bhut soch samajhkar magar bade pyaar se maine aadha toh likh hi diya
Mohabbat m aage kaise badhte hain yeh bhi maine seekh hi liya
Haal- chaal poochna toh ho gya ab is se aage kaise badhoon
Kehna toh mai bhut kuch chahti hoon par aakhir kaise kahoon
"""Jaanti hoon ke mere dil ki baatein jaankar tum kaise muskura rahe hoge
Duniya bhar k saare prem geet man hi man gungunaa rahe hoge
Par muskurane k chakkar mein iss khat ka jawab likhna mat bhoolna
Jo bhi tumhare man mein hai sab likh dena, zyada mat sochna
Hum dubaara kab milenge uski taarikh bhi toh tay karni hai
Ab aur intezaar nahi hota, tumse dher saari baatein jo karni hai
Ab is khat ke aakhir mein bas tumse ek vaada karna chahti hoon
Jitna ishq kabhi kisi ne kisi se na kiya ho mai us se bhi zyada karna chahti hoon""""
In saari meethi-meethi baaton ke saath aakhirkar maine khat ko poora kar hi diya
Phir ek baar usey pyaar bhari nazron se dekha aur lifafe mein rakh diya
Phir us lifafe ko maine dheere se apne dil se laga liya
Pata nahi kaise par is lifafe ne bhi uske choone ka ehsaas kara diya
Ab bas yeh khat us khaas tak pahuchaana baaki hai
Woh khaas jo mere jeevan bhar ka saathi hai
~~~~~~~~~~~~~~~~~~~~~~~~~~~~~~~~
I know people these days don't write letters but you can take it as your first chat or first call with the love of your life💖
Vote, comment and share
YOU ARE READING
KALAM Se DIL Tak
Poetrychhoti chhoti kahaniya kavitaon ke roop mein Any kind of similarity with any person or incident is a mere coincidence. Please support my efforts and vote for my story.
