تحت حطام داعش انت منقذي

بارت 11

ليش تبچـي. ... الناس أجو سألوني
جاوبتهم .... هذا حظ آعيوني
گالــــوا آضحك ...
عوف دمعك ...
حيل آضحك ...
خل نسمعك ...
توني أجيت اضحك .. واجو بچوني ؟؟

دائما الدنيا عجيبة متنفهم وكل ما تريد تفهمها تنعطف لمكان يعجز العقل بي♥️♥️

*******************

نزلنا واباوع الشارع متروس سيارات ورياجيل

نزلت ايسو يمي كتله. ايسو شو ذولي لازمين سلاحهم وواكفين

رد عليه بصوت ناصي. عدهم فصل اعتقد ماكادرين يحلوها بلكعده

فكرت وقلبت الموضوع براسي-همم مافهمت

مسح على وجهه رجع كال. طبي لجوه لاتضحكيني بين هل العالم

خليت ايدي على حلكي خفت يشوفوني اضحك لمن اجت ليا يمنا رفعت راسي شفتهم صافنين علينا ردت احجي لايسو بس انمار اشرلنا نطب للبيت ايسو لزم ايدي وايد ليا خلانا كدامه دخلنا للبيت انداريت لايسو

كلت. شبيهم صفنو هيج

هز راسه. لا تهتمين

باوعت للحديقة. تتذكر هذا المكان

اسرافيل. شلون مااتذكره

صفنت شويه كتله . شو رجعوا لهذا البيت مجانوا منتقلين

اسرافيل. اخر مره من اجيت قبل سنتين كالوا راح نرجع لهذا البيت مادرينا بوكتها السالفة شنو بس لمن اجو اهلنا قبل شهر كالت يمه راجعين وسبب النقله جانوا يرممون هذا البيت لان رموا عل بيت وخلوا عبوة صوتية لمن جان اكو ثار بينا وبين واحد من العشاير

ناز. ها شعجب ماصاير شي ببهم

-لان بيت جدنا جانو معزومين وهذوله من عرفو البيت فارغ مفجري تحذير مارايدين ينصاب واحد بينا

تنهدت. اي شصار وراها

-صارت فصول وهوسه بس حلوها ورجعو لهنا

-مادري ماتذمر هل الشي

-انتي رحتي لبيت خالي احمد اخر مره جيتي علمود هيجي ماتتذكرين  هو انتي يامره جايه لهنا حته سلام متسلمين عليهم

كتفت ايدي اباوع للباب الديوان الخارجي. لان مااحبهم ومااحب هذا البيت بهذا المكان جم مره ماما توسلت بي وبجت هو مارفله جفن طردها وماخلاها تشوف جده

حجت ليا. شو اني ماتذكر

-جنتي طفله بوكتها ماتتذكرين

تنهد بقهر كال . اووف ليش تذكريني واني مطايقهم صدكيني اشوف دم سنوني ولا اشوف بعضهم بس شنسوي هاي عائله امنا بعد

سكت ورا شويه كال. خل اكولج هاي الشغلة اذا سوه بيها هيج هل المره هم مااضمن نفسي اضربه اخلي يتمدد بل كاع