تحت حطام داعش انت منقذي

بارت20

ياأمي يام الوفه ياريح من الجنة
مصنوعه من حب ووفه جمعتنه بل حب كلنا
ياأمي يماي عيون امي

أنمار 🌼🌼

******************
نرجع إلى البصرة ...

وصلنا للمستشفى رحنا كبل للردهه النايم بيها انمار فزيت من صوت البجي خفت لل صاير شي علي  ركضت جان كاعد بردهة يبجي ويحجي كل الردهة تبجي ويا فقد على امه وابو بس ضل بساعة ينعي والعالم كلها تبجي

يمه وليدي يا ابني
حسيتهم جمره على كلبي ياأمي
ردت تطفي بريحتج ياأمي
دفا ايامي ضاع بعدج ياأمي
فرحة رجعتي ضيعته بفراگج ياأمي
ما تسالين على ضناج ياأمي
بعدج شسوة بي دهري؟
كسر ضهري بفراك احبابي ياأمي
وصيتج ماتنوحين بموتي ياأمي
معرفت انه الي انوح على شوفة كبرج ياأمي
بعدج تعرفين شلون دفنوني ياأمي
دفنوني جوا تراب فركاج ياأمي
الله يكويك يابني .. بعدج منو يكلي ياأمي
حجيج وياي اشتاكلة ياأمي
منو يرحم بحالي ويدليني لكبرج ياأمي
صورتج ما تفارك عيوني ياأمي
ما تكوليلي شيصبرني لشوفة ترابج ياأمي
ودعتج الله يايمه وداع مامنه رده ياأمي
ياأم الوفه يايمه ياأم الطيب يايمه

نسمعه شلون ينعي بروح رايحة كلبي انمرد علي من يوم ماسمع بل خبر وكع فرد وكعه كلبه متلوع عليهم

فجأة اسرافيل كعد بل باب يبجي ويون كلهم نزلوا روسهم كل الي يعرفون عمتي يبجون عليها جان حسها حلو ماتضوج الواحد واشكد جدي اذاها بس رغم هل شي ماسمعت يوم زعلت منه ولا بزعت جانت تتوسله وتبجي رغم هو ماخلاها تشوف امها من ماتت بس ماحقدت علي بل عكس زادت اصرار حتى تسامحه

ربت ولد الكل تحمد باخلاقهم وشهامتهم وبناتها ينضرب بيهم المثل بلاخلاق والسمعة الطيبة اما ابو انمار طول ماضليت يمهم جان يكعدنا ويكومنا باطيب الكلام كل كلمة جان يكول البيت بيتكم وهله بيكم فراكها صعب حتى لو مجانت عايشة هنا بس خلوا ذكراهم بداخلنا وخلفوا اثر جبير باستشهادهم

شفت انمار صار احمر وخشمه طك دم عرفت ضغطه فول صحت الدكتور هو ولا يمه بعده كاعد وصافن

تقربت بسرعه رفعت راسه علما اجه الدكتور وفحصه طلع ضغطه عالي انطا علاج وكال. هسه ينزل بس انتبهو اله لا تصيبه ذبحة صدرية

اسد. انمار

مجاوبني كلت. ماشي

كمت من يمه رحت على اسرافيل جان كاعد على نفس حالته ويبجي ااخ يفراق الحبايب شيسوي بل الإنسان الله يساعد كلبهم

اسد. كول يالله بويه ارحم بحالك مابيه توكع مثل اخوك واحير بيكم الثلاثة كوم يابه كوم اترحملهم وصلي الهم ركعتين ربك ماينسه عبده ويجبر بخاطركم

كومته هي جانت كومه وهي وكعه لزمته راسا بس من عرفت فقد صحت بصوت عالي. دكتورر جيبووو دكتورر فقد الولد