تحت حطام داعش انت منقذي

البارت 59

"‏أستطيع رؤية الشمس لكن حتى وإن لم أراها فأنا أعلم أنّها موجودة وأعلم أنّها هناك ، هذا هو معنى العيش."

- دوستويفسكي
*********************************

تقدم اسرافيل على قاسم وحضنه

اسرافيل. شكد جلب ليش مكتلنا كدرت توكف

قاسم. شلونك ايسو طولان ولك وصاير رجال

اسرافيل. مو كبل جنت جاهل

وخرو ضحك قاسم وكال. لا كبل جنت بعدك مراهق بس هسه كبران

اسرافيل. مشتاك لمصخاتك بل حجي

انمار. اسرافيل خل انطب للبيت موكفنا هنا

سمعنا صوت قيس جاي من البيت

ناز. شعجب قيس متواجد

اسرافيل. قبل شهور نقل شغله هنا

انمار. دطبو يابه شنو موكفينا هنا ماتشوف قاسم تعبان

اسرافيل. هاا طبو طبو وخري انتي لزمتيني للحجي

ناز. حمار

اسرافيل. شكلتي

ناز. وخر

طبينا للبيت تكابلنا ويا نور وقيس الي جان مدنك يمسح حذائه

رفع راسه علينا صفن لحظات وكام على قاسم حضنه. وكفت عزيز اخوك

قاسم. اي وكفت بعون الله ودعواتكم الي

ضلو حاضنين بعض بدون مايحجون الكلامات توكف بهذا الموقف حاله قاسم من رحنا جان اغلب الظن انو اذا كدر يتحرك مراح يكدر يمشي وباخر المكالمات ترسخ عدهم هاي الفكرة

ابتعد وطلع مسدسه يرمي بل جو طلعت رسل مفزوعة على الصوت خطية انهبطت من شافتنا

ناز. رسل شلونج يولو

رسل. هاي يمته جيتو ليش ماعدنا خبر

رحت حضنتها. هسه جينا ردنا نسويها مفاجأة

رسل. انصدمت صدمة عمري من شفتكم وشفت قاسم

رجعت كالت. قاسم حمدالله على السلامة

قاسم. الله يسلمج مرت اخوي وين فصاعينكم

رسل. ههههه نايمين من يكومون شوفهم

قاسم. يحتاجلي اتعرف عليكم من جديد من نمت كل واحد ببيته ومن كمت كل واحد بيكم صار عنده درزن جهال خاصه زوجج مسطر الجهال كدامه وانتي وهو ثنينكم موظفين

انمار. انجب شعليك من جهالي

قاسم. شعليه عين الله عليهم بس اخوي الغالي اذا تضلون على هاي الحال حته راتب الجيش مايكفيك ترجع تطلع تشتغل علمود تشبع كرشهم وعلى رأسهم هاي رسل هاذي وحدها تاكل اكل اربع نفرات واذا ضلت جوعانه تاكلك