تحت حطام داعش انت منقذي

بارت 2

قلبت الذكريات فمالي لا اراك
قلبت الدفاتر فمالي لا اجدك
قلبت العقل فمالي ابكيك
قلبت القلب فمالي اراها ينزف عليك
🌼🌼🌼🌼🌼

********************

دقايق واجه قيس شاف اسرافيل دا يضربه هيجي لزم اسرافيل وسحبه من الرجال 

قيس .ولك ليش هيجي ضارب الرجال اذا يموت بيدك شتسوي تتعفن بل سجن شكم مره كايلك لا تضرب ولا تتعارك لاتبلينا

صاح اسرافيل. هذا النذل جان يباوع عل بنات والله لافكس عيونه العار يتهم البنات وتريدني اسكت عنه

راد يرجع للرجال دفعه قيس وصاح

- انجب وزيح منا اني استلمه ميت مره كايلك لاتتجاوز وتضرب راح تدخل راسك ببله وتدخلنا وياك هلكد ضارب هذا منتهي بيدك يلا اخذ ميس وناز ورجعهم وارجع وياهم راح اتحاسب وياك بل بيت

راد ايسو معصب. تمام رايح بس الله عليك لا تخلي هذا الحيوان يروح

ابتسم. لا شغلته يمي لا تدير بال روح

كومه قيس من الكاع ودك على ظهره بده ينفض ايسو ملابسه واجه علينا

صاح قيس من ورا. اسرافيل اخذو سيارتي ورجعو

ركبنا سيارة قيس وبده ايسو يسوق

كتله. هسه اله جنت تضربه هيجي لو صار بي شي شتسوي شجاوب ماما وبابا

ضحك كال. ههههه شتجاوبين كولي ضرب واحد حيوان وكتله واخذوا للمركز

باوعت علي. صدك تحجي قبل لا تطلع ماما يجيها جلطة تعرف ماما شكد تخاف علينا وخاصة بعد ما انمار وقيس صاروا بل جيش وتعرف شكد تخاف عليهم

باوعلي ورد باوع للطريق. واني هم راح اروح عل عسكرية لو طيران مثل انمار لو مثل قيس

فتحت عيوني. شنووووو عزه بعينك اذا عرفت ماما بهذا الحجي تدري شتسوي

هز راسه. ااي خل اخلص السادس اكوللها عود بهذاك الوكت نحلها

تنهدت. استغفر الله ااي انتو الاخوان رايدين تجلطوها جنا باثنين صرنا بثلاثة

رن موبايل ميس وردت وحجت ويا ابوها وسدت

وكالت.. اسرافيل بلازحمه عليك مر عله اختي اخذ المفتاح اهلي مو بل بيت

كاللها. لعد تعالي لبيتنا شنو تروحين ومحد بل بيت يصير شي لا سامح الله

كالت. لا اسرافيل زحمة عليكم اروح لبيتنا وهيه ساعة ويجون اهلي

رجعت راسي. تسكتين لا اهفج بواحد اتصلي عله هيثم وكوليله ناز تكولي تجين ويانا يلا اتصلي

رادت تحجي قاطعتها. ميس بلا حجي زايد من يمته متروحين وياي يلا اتصلي

قنعتها واتصلت باخوها وكالتله هو راسا وافق لان يعرفنا ويعرف اني وياها معدنا فرق حته مرات اني جنت انام يمهم وبعض المرات هي تنام فعادي