تحت حطام داعش انت منقذي

بارت 64

"‏مشكلتي الحقيقية ليست النسيان، مشكلتي كثرة الذكريات."

- غازي القصيبي

*********************************

صراخ وصوت عويل يجي يحاولون يجرون جون من حضني واني متمسكه بي

.. وخري بس اشوف شبي

... سوده عليه تخبلت البنية ولج نجلاء دكي بسرعه على عمر خل يجي

.. بنتي بس احجي وياي

جرو جون من ايدي واني لا حس ولانفس مدا اعرف شصايرلي فجأة انشاليت وركض بيه مهيمن للسيارة

وقت يمر وناس تصيح اني الزمن عندي توقف بل لحظة الوكت بيها بل لحظة الي انعادت عليه مأساتي

طببوني للمستشفى يحجون وياي ماارد يردوني اتحرك مااكدر استسلمت للنوم من ضربتني الدكتورة علاج

أصوات تحجي فوك راسي ميزتها بعضها اعرفهم وبعضها لا

.. صاير عدها صدمة

ابو جون. ليش ماتتحرك

.. حجي البنية صاير عدها صدمة قوية حالتها كلش متراجعة

نجلاء. هيه حامل أطفالها شلونهم

حجت بنية بصوتها الهادئ. لا تخافين حجيه الأطفال ماعليهم شي بس هيه السكر عدها مشكل ولو ما لاحكين عليها جانو الأطفال ثنينهم ميتين

نجلاء. يمه يا سكر بعدها صغيرة

دكتورة. حجيه البنيه عدها سكر وحالتها مستقرة حاليا بس لازم ترتاح ولا تتوتر

ابو جون. ان شاء الله مشكورين منكم

دكتورة. واجبنا مابيها غير العافية

حجت نجلاء. خفت من شفتها ماتتحرك

ابو جون. كلت اكيد مجلوطه

نجلاء. اتصلت بأهلها

ابو جون. اي اتصلت باخوها قيس وهو يصيح اريد افهمه ماكو شي بس هو اخذني بل صياح ماله

نجلاء. يااه شبي اي وشسويت

ابو جون. دكيت على اخوهم فياض مدري صديقهم تفاهمت ويا وكال ان شاء الله للظهر يمكم

نجلاء. هذا منو

ابو جون. صديق الولد ومثل عائلتهم بل عرس جان اهدئ واحد بيهم

نجلاء. عائلتهم غريبة ماتعرف الغريب من القريب

ابو جون. لا اقربائهم لو ببغداد لو بل بصرة اما الباقي يعرفوهم ومتربين سوه

نجلاء. ماعندي حيل لمشاكلهم

ابو جون. لا اتفاهمت ويا فياض كال هو يحلها

نجلاء. شلونه جون

ابو جون. نايم بل ردهه مايعرف مرته هنا

نجلاء. زين سويتو جان تخبل واجه هنا