حين تخذلك جميع الاشياء التي حولك .. لا تحاول أن تثق بها مجدداً، فقط حاول أن تثق بأنك تستطيع العيش بدونها
- وليم شكسبير🌼🌼
************************
ناز. فياض
اندار اليه
ناز. خل نفتر شويه
ابتسم وكال. ليش لا يلا
وراها اخذنا للمولات البنات راحو يشترون واني وعشق ضلينا ويا فياض
فياض. روحي ويا البنت اشتري شي
ناز. مجاي على بالي شي
فياض. دتعالي وياي نروح لذاك المحل
طبينا للمحل ساعات وعطور نسائية ورجالية كلش حلوة فتريت بل محل وفياض واكف يم الولد لكيت ساعة حلوة عجبتني رجالية اجه فياض يمي
فياض. حلوة لمنو
ناز. لقيس وهيثم بس اريد تصميم مشابه اله
فياض. تمام هسه اسأل
ساله وانطى انواع التصاميم عجبني ثنين واخذتهم غلفهم الي على شكل هداية
فياض. تردين عطر العطور هنا هادئة وريحتهم حلوه
هزيت راسي بلا تحاسبنا وطلعنا ومناك البنات اجو يمنا مشترين كومه راح هيثم يشتري النا موطه
مريم. زوزه اشترينالج ملابس كلش حلوة
ناز. تسلمون
مريم. شنو اشتريتي
ناز. هداية مال خطبة
باوعت رسل عليه
مريم. منو خطب
اشتغل عندي الشيطان وكلت. هاا ولج نسيت اكولج قيس وانمار راح يخطبون
فتحت رسل عيونها
كملت. ياخذون نور وندى
مريم. الف مبروك واخيييرا عرس وركص
رسل. خو انتي تخربين عل ركص دايحة
مريم. هاي ليش تره طكت حوصلتي واريد اشوف عرس
رسل. إن شاء الله تطك واخلص منج ومن صماغج
عافتنا وراحت يم فياض
مريم. هاي شبيها
ناز. ههههه فراق العشاق
مريم. شنو
ناز. ماكو شي حبي بس انتي ركصي بعرس أنمار زين وشجعي رسل وياج
مريم. ولا يهمج اشدلها وصله واخليها تصير فيفي عبده
كلت بكلبي. راح تسويج وصله وتمسح بيج كاع العرس ههههه
رحنا يمهم وعشق تكمز من العربانه مالها ورسل مبوزه وكاعده يمها
مريم. ولج وين رحتي سمعيني زين ماريد نفشل ناز بعرس اخوانها اريدج تنكلبين بعرس انمار وقيس فيفي عبده
أنت تقرأ
تحت حطام داعش انت منقذي
Chick-Litنحن الاباءُ خلف حطام الجريمة نحن العطاءُ مع ظلمٍ وظليمةَ نحن وطنٌ للنفوس الكريمةَ نحن شمسٌ للعيون الذارفةَ نحن أرض الربيعين مهما طال قسوة الشتاء على أرواحنا نزهر من جديد على ضفاف النصر محقق... فمن تظنون نفسكَم أيتها الجموع القاتلة غداً سنتحرر وغداً...
