تحت حطام داعش انت منقذي

بارت37

"إن سألتني كم مرة جئت في بالي،
سأقول مرة لأنك أتيت ولم تغادرني"

يوسف🌼

بليز تصويت ومتابعة ♥️
*********************
انمار٠٠٠٠

طبينا لمدينتي مدينة الربيعين مدينة الحضارات وانا اباوع على ربيعها الذابل و حضارتها المندثره على ايدهم التفت اباوع على طرقها خراب دمار ماعادت موصل العراق انقلبت الى اطلال الموصل وذكراها اعاينها مصدوم من المنظر وين صفه بيها الدهر ووين صفه باهلها

غضب الم حزن فاجعه نار صوت القاذفات والصواريخ دمار هاي جانت تعبر عن الموصل كلما نتقدم كلما احقد اكثر على هذول الانذال

وصلنا للمعسكر ولد خوالي وقاسم افترقو عنا لان عدهم دوره تدريب اني واسد مشينا على مواقعنا

اسد. لا تنقهر راح ننتصر وناخذ بثاركم ونستعيد الموصل ان شاء الله

انمار. اسد الموصل ماباقي شي بيها هاي مو مدينتنا الشبينا بيها والي كدامك بس اثرها

اسد. ترجع خويه ترجع ورا التحرير ترجع مثل قبل

انمار. اسد الموصل بنسبه الي ماتت من اليوم الي ماتو بي اهلي وهسه لمن شفت منظرها عرفت انو راح تظل الي ذكرى ماضية ماتتكرر

طبطب على ضهري وتقدم رحت لموقع الي كال علي الرائد ضربت تحية

الرائد رعد. ياهلا بل ضابط انمار البقية بحياتك بويه

انمار. شكرا سيدي حياتك الباقية

الرائد رعد. ادري بعدك بفاجعه اهلك بس انمار الوطن محتاجكم ومحتاج كل عراقي عنده غيره على تراب وطنه حته ندحر بي هذول الانجاس

انمار. لا سيدي الوطن اله حق عدنا واحنه لازم نوفي هذا الحق ولازم علينا هم ناخذ بثار اهلي واهل كل العراقيين وبثار كل ام مفجوعه على ابنها الشهيد

رعد. كفوو منكم أن شاء الله راح ناخذ بثار جميع العراقيين باذن الله

تنهد وكال. تدري ليش جبتك لهنا وغيرنا موقعك من الطيران

انمار. لا سيدي

رعد. انمار انته عندك خبره ميدانيه وتعرف الموصل وتضاريسها حق المعرفه واضف الى ذالك سبق وشاركت بحملات البرية علمود هذا الشي خليناك بهذا الموقع وخلينا وياك واحد من الضباط هم راح يساعدك

انمار. حاضر سيدي

رعد. تكدر تنصرف

ضرلت تحية وطلعت اجه يمي صديقي وسام مشينا وكعدنا يم الجنود

وسام . ليش طلبوك لهنا

انمار. هه سووني مسؤول عن هذا الموقع

وسام عقد حواجبه وكال. ليش نزلوك من الطيران

انمار. علمود عندي خبره بتضاريس بله شايفيني مدرسه جغرافيه واني مادري