البيت المهجور

الفصل الاول

البيت المهجور
--------------------------
الفصل الأول
------------------------------------------------------------------------------------------------
أهلاً بيكم ، أنا رانيا ، عمري 25 سنة ، موظفة في شركة أدوية ، يتيمة الأب و الأم ، عند 3 اخوات اصغر مني ، مالك 18 سنة في تالتة ثانوي ، رنا 15 سنة و في تالتة اعدادي ، و أخيراً يوسف 11 سنة و في خامسة ابتدائي ، ابويا و امي ماتوا في حادثة عربية ، كنا ساكنين في بيت عيلة بس عمي رفع علينا قضية و طردنا من البيت ، بتزوير المحامي و الشغل اللي كلنا عارفينه ده ، بعديها قعدت مدة في بيت زميلتي في الشغل و صاحبتي من أيام الجامعة ( ياسمين ) ، لحد ما لقينا شقة رخيصة و في مكان كويس ، يلا بقى خلينا ننتقل من الحكي إلى الأحداث :
رانيا و أخواتها و معهم السمسار في الشارع الذي به الشقة
يوسف : رجليا وجعتني من المشي هنوصل امتى بقى ؟
السمسار : خلاص قربنا اهو يا يوسف أفندي
مالك: دايماً فاضحنا كدهو
رانيا: بااااس
مالك: ثانية واحدة ايه البيت ده ؟
يتوقف الجميع أمام بيت قديم و يبدو أنه مهجور منذ سنوات طويلة جداً و عليه بعض الرسومات و الشخابيط و الكلام الغير مفهوم
رنا: ايه يعني بيت مهجور عادي ؟
يوسف: ده عامل شبه بيوت الرعب اللي في أفلام الكرتون 😃
مالك: ده عامل شبه البيوت اللي في أفلام الرعب !
رانيا: تصدقوا انا غلطانة ان انا سمعت كلامك يا مالك و وقفت ، يلا يا استاذ نكمل
مالك: استني !
يمسك مالك بحجر و يرميه داخل البيت القديم فيخرج من البيت تراب و غربان و خفافيش و فئران
رانيا: ايه اللي انت عملته ده ؟!
مالك: عادي يعني ايه هيطلع عفريت مثلاً ؟!
رانيا: الهي يطلع عفريت ياخدك و يريحني
مالك: ليه كده بس يا رورو
رانيا: يلا بينا يا استاذ و سيبك من الاهبل ده
مالك: اهبل؟ الله يسامحك كسفتيني قدام الراجل !!!
يكمل الجميع الطريق حتى يصلوا إلى العمارة التي بها الشقة
السمسار: يا عم عثمان
عثمان: ايوة يا بيه
السمسار: دي الآنسة رانيا و دول اخواتها اللي هيسكنوا في الشقة اللي في التالت هوصلهم و انزل اكلم معاك شوية
عثمان: ماشي يا بيه ، منورة العمارة يا ست رانيا
رانيا: ده نورك يا عم عثمان
يصعد الجميع الاسانسير و يصلون إلى الشقة ثم يفتح السمسار باب الشقة قائلاً:
الشقة اهي شوية تنضيف و هتبقى فل الفل و آدي المفتاح يا آنسة رانيا
رانيا: شكرا
السمسار: امشي انا بقى و اسيبكم توضبوا الشقة
رانيا: ماشي مع السلامة
يخرج السمسار و يقفل الباب وراءه
يوسف: بقى دي الشقة اللي رجلينا حفيت عشانها ؟
رانيا: ايوة هي و تعالى ساعدني و بطل غلبة
مالك: ايوة ساعدها انت و رنا
رانيا: على فين يا روح امك ؟
مالك : نازل العب في السيبر اللي تحت
رنا : يا ساتر لحقت تشوفلك سيبر
يوسف: طب شوفت المكتبة اللي تحت ، طبعاً لأ
رانيا: ما احناش خدامين اهلك ، تعالى و ساعدنا احسنلك
مالك: حاضر ، امري لله
يبدأ الجميع في تنظيف الشقة و بعد عدة ساعات ينتهون و تحضر لهم رانيا العشاء
رانيا: الاكل ا.....
رنا مقاطعة رانيا : ااااااااه خفاش!!
--------------------------------------------------------------------------