البيت المهجور

الفصل السادس

البيت المهجور
-------------------------------------
الفصل السادس
------------------------------------------------------------------------------------------------
صوت من الظلام: مين هناك؟
رانيا بخوف: مين اللي بيكلم؟
الصوت: انا صاحبة المكان ده ، انتو مين و عايزين ايه ؟
ياسين بخوف: طب و النبي نوري النور كده ابوس ايدك
فجأة تنير بعض الشموع المكان فتظهر سيدة ترتدي جلابية و سبح في رقبتها ، يبدو انها في الثلاثينات من عمرها
السيدة: نورت اهو ، تعالوا جنبي و قولوا انتو مين
يذهب الجميع و يجلسون حولها
رانيا: انا اسمي رانيا ، و ده الاستاذ ياسين ، ودول مالك و يوسف اخواتي
السيدة: تشرفنا
رانيا: هو انتي الست سكينة ؟
السيدة: لأ دي أمي الله يرحمها ، انا بنتها حليمة
رانيا بصوت منخفض: من سكينة ل حليمة يا قلبي لا تحزن
حليمة: بتقولي حاجة ؟
رانيا: لأ ، لأ
حليمة: طب عايزين ايه؟
رانيا: تعرفي واحد دجال اسمه سالم الغامري ؟
حليمة: داهية لا ترجعوا مطرح ما راح
ياسين: انا حفيده على فكرة 😐
حليمة: خلاص يا سيدي آسفين ، ها معرفتش عايزين ايه بردو ؟
رانيا: هو كان قال لو الجن عمل حاجة مع ابنه ييجي لوالدتك
حليمة: حصل ، بس محدش جالنا
رانيا: انا بقى اللي حصلي و جيالك
حليمة: اه ، انتي اللي تاتشي قالت عليكي
ياسين و رانيا باستغراب: تاتشي مين ؟
حليمة: تاتشي ، تاتشي تعالي
تظهر قطة بنية يبدو عليها بعض الجروح ، لكن لحظة !! هذه القطة هي التي تعاركت مع الجن ذلك اليوم !!
مالك: ثانية واحدة ، مش القطة دي اللي عاركت الخفاش يوم رنا ما صرخت ؟
القطة: ايوة انا ، كويس انك فاكرني
يوسف باستغراب: هي القطة اللي اتكلمت ؟!!!
حليمة: هههههههههههه ، هي القطط بتتكلم بردو
رانيا بخوف: اومال دي مين ؟
حليمة: دي تاتشي ، واحدة من الجن اللي كانوا عند سالم الغامري
ياسين: اللي كانوا عند جدي!! ، و ايه اللي جابها هنا ؟
تاتشي: اصلي عرفت اللي حصل لرانيا و اخواتها فقولت اكيد هتلف و تيجي هنا
رانيا: بجد !! طب عرفتي ازاي ؟
تاتشي: منا براقبكم من ساعة ما اخوكي رمى الطوبة و فك التعويذة
مالك: تعويذة ايه ؟!!
تاتشي: اللي سيدي سالم عملها عشان الجن ما يخرجش من البيت قبل ما يموت
مالك: و انا فكتها ازاي ؟
تاتشي: التعويذة بتتفك لو اي جسم صلب ، زي طوبة ، خشبة يدخلوا البيت
يوسف: و هو بسلامته حدف الطوبة
تاتشي: بالظبط
رانيا: المهم ، هو الجن ده عايز ايه مننا ؟
تاتشي: شهبور ؟!! ده عملتوا حاجة ما عملتوش حاجة بيحب يؤذي البشر
يوسف: الجن اللي مدوخنا اسمه شهبور ؟! ، هههههههههه
تاتشي: دي طبعاً مش اسماءنا الحقيقية ، بس سيدي سالم سمانا كده عشان تبقى اسامي سهلة ، اصل اسامينا الحقيقية معقدة جداً
رانيا: مش موضوعنا ، المهم .....
ياسين: ثانية واحدة يا رانيا ، تاتشي هو انتو قتلتوا جدي ليه ؟
تاتشي: مش احنا ده شهبور بس
ياسين: طب قتلو ليه ؟
تاتشي: دي حكاية طويلة هحكيهالكم
------------------------------------- فلاش باك ----------------------------------------------
قبل سنين طويلة في منزل سالم الدجال
سالم: جرا ايه ياشهبور ؟!! هو عشان عملتك دراعي اليمين تتطاول عليا ؟!
شهبور: اطاول ولا لأ براحتي ، انت ناسي اني اقوى منك
سالم: اقوى مني !! هه ، انت نسيت اني اللي مشغلك ، و انك ماتقدرش تعمل حاجة إلا بإذني
شهبور: لا منستش ، بس انا لو عايز أؤذيك هعملها
سالم: و الله ! طب وريني كده
شهبور: مش دلوقتي ، لكن بكرة تشوف
سالم: اما نشوف اخرتها
بعدها بفترة ليست قصيرة
تاتشي: شهبور ، انت لسه ناوي على اللي في دماغك؟
شهبور: طبعاً ، ده هزقني يا تاتشي
تاتشي: ده سيدك بردو ، عايز تقتله ؟
شهبور: بقولك ايه انا قتله يعني هقتله
ثم يختفي شهبور فجأة
على جانب آخر
سالم: اهو جه اهو ، يلا خدي محمود و امشي
شهبور: اهلا و سهلا
سالم بخوف: شهبور ، انت هتعمل ايه ؟!! انا سيدك
شهبور: سيدي على نفسك
ينقض شهبورعلى سالم و يغز مخالبه في كل جسده ، و قبل ان يلفظ سالم انفاسه الاخيرة ينطق بكلام يبدو كتعويذة
شهبور بصراخ: ايه !! لأ انت هتحبسني هنا ؟!!!! مش ممكن ، مش ممكن
---------------------------------------- باك --------------------------------------------------
تاتشي: و ادي اللي حصل
رانيا: طب و احنا هنعمل ايه دلوقتي ؟
تاتشي: محدش يقدر على شهبور الا سيدي سالم
مالك: بس هو مات
تاتشي: ممكن نحضر روحه تسكن في حد
يوسف: ازاي؟
حليمة: ده شغلي انا بقى
رانيا: طب هنحضرها في مين؟
حليمة: الأستاذ ياسين
ياسين: اشمعنى انا ؟؟!
حليمة: عشان حفيده ، يعني من دمه ، و لازم الروح تسكن في حد من دمها
رانيا: ياسين مش ضروري ........
ياسين: انا هعمل اي حاجة عشانك يا رانيا ، قصدي عشانكو ، شوفي شغلك يا حليمة
حليمة: اقعد مستربع على الارض ، و غمض عينيك و اوعى ، اوعى تفتحهم احسن جن يبلسك
ياسين: حاضر اهو
سجلس ياسين كما قالت له حليمة ثم تدور حايمة حوله و ترسم دائرة من مادة ما حوله و تتمتم بعبارات غير مفهومة ثم فجأة يتكلم ياسين لكن بصوت آخر !!
ياسين: مين اللي طلب روحي ؟
------------------------------------------------------------------------------------------------
تفاعل حلو بقى