البيت المهجور

الفصل الثاني

البيت المهجور
------------------------
الفصل الثاني
------------------------------------------------------------------------------------------------
رانيا: الاكل ا.........
رنا مقاطعة رانيا: اااااااااه خفاش!!
تنظر رانيا خلفها قتجد خفاشا كبيرا و قبيحا يقف على الستارة ، لكن لحظة!!! ، انه يركز نظره على مالك ، ثم فجأة يهجم عليه و يوقعه من على الكرسي
مالك: اااااه الحقيني يا رانيا !!!
تمسك رانيا بمقشة كانت قريبة و تبدأ بضرب الخفاش
مالك: ده بيخربشني !! رانيا انتي بتضربيني انا و هو بيعض و يخربش فيا !!
رانيا: اهدى ، اهدى
و أخيرا تتمكن رانيا من ضرب الخفاش فيهرب من النافذة و يترك مالك بجرح في ذراعه و بعض الخربشة في وجهه
يوسف: مشي اخيرا
رانيا: مالك انت كويس؟
مالك: كويس! ايه مش شايفة دراعي ؟! دم ده ولا شربات فراولة ؟!
رانيا: خلاص، خلاص ، رنا روحي هاتي عدة الإسعاف من الحمام
رنا: حاضر
رانيا: قوم كده اقعد
ينهض مالك و يجلس على الكرسي
رنا: عدة الإسعاف أهي
رانيا: هاتيها
تأخذ رانيا عدة الاسعاف و تبدأ في معالجة مالك
يوسف: اشمعنى الخفاش سابنا كلنا و ركز على مالك بالذات؟
رنا: يكونش ده خفاش من اللي خرجوا من البيت المهجور ؟
رانيا: ممكن ، ليه لأ
رنا: ثانية واحدة ، ده معناه ان الخفاش عرف ان مالك هو اللي رمى الطوبة ؟ ازاي؟
يوسف: من ريحته 😅 اصل مالك بقاله اسبوع ماستحماش😂😂
مالك: اسكت ، اسكت يا غلباوي
رانيا: خلاص يا عم ، خلينا نخرج شوية من المود اللي الخفاش دخلنا فيه ده
تنتهي رانيا من معالجة مالك
رانيا: خلاص يا سيدي أهو ، يلا ناكل بقى
يتناول الجميع الطعام ثم يذهب مالك و يوسف لغرفتهما ، و تذهب رانيا الى غرفتها أيضا ، بينما تبقى رنا في الخارج تشاهد التلفاز
--------------------------------------------------------------
تستلقي رانيا على سريرها فإذا بياسمين تتصل عليها
رانيا: الو
ياسمين: الو يا قلبي ، ها الشقة عاملة ايه ؟
رانيا: حلوة
ياسمين: ها عملتي ايه النهاردة بقى؟
رانيا: اسكتي مش حصل حتة فصل قبل العشا😅
ياسمين: ايه ؟خير ؟ احكيلي
رانيا: بصي يا ستي .............
بما ان رانيا هتحكي لياسمين حكاية الخفاش خلينا نروح لعم عثمان البواب
------------------------------------------------------------------------------------------------
فاطمة زوجة عثمان: السمسار قالك ايه يا عثمان ؟
عثمان: اسكتي ربنا يستر ع السكان الجداد
فاطمة: ليه خير ؟
عثمان: اخو الست رانيا حدف طوبة في البيت المهجور
فاطمة: المهجور!! مش ده اللي ابوك قالك ان كان ساكن فيه الدجال اللي الجن قتلوا؟!
عثمان: ايوة هو
فاطمة: يا لهوي !! و هيحصلهم ايه ؟
عثمان: الله اعلم ، ربنا يجيب العواقب سليمة
فاطمة: يا رب يا خويا ، بس اسمع ، انت الصبح تخبط عليهم بحجة لو كانوا عايزين حاجة و تسألهم لو حصلهم حاجة كده ولا كده اه
عثمان: ماشي يا ستي ، الصباح رباح
------------------------------------------------------------------------------------------------
نرجع بقى لرانيا و ياسمين
ياسمين: اما حتة فصل 😅 بس مع ان يوسف صغير سأل سؤال وجيه ، صحيح اشمعنى الخفاش اختار مالك بالذات ؟
رانيا: يا ستي هتاخدي على كلام عيل
ياسمين: ما علينا ، هتروحي الشغل بكرة؟
رانيا: طبعاً ، ليه ؟
ياسمين: اصل انا مش عايزة اروح ، عايزة اطنش يوم كده
رانيا: ايوة ، عشان استاذ ياسين يهبب عيشتك
ياسمين: اه صحيح ، نسيت ، مدير غلس
رانيا: غلس !! هو عشان جد في شغله يبقى غلس؟
ياسمين: ايه مالك اتضايقتي ليه ؟
رانيا: اضايق! ليه يعني هو من بقيت عيلتي ؟
ياسمين: امممم ، لأ بس ..... هو فيه جو ولا حاجة؟
رانيا: جو ايه ؟
ياسمين: انتي و المدير ؟🤭
رانيا: اسكتي ، فاضية صحيح
ياسمين: ماشي ، مع السلامة بقى
رانيا: باي
تغلق رانيا الخط
رانيا: رنا مش هتيجي تنامي؟
رنا : لأ هشوف الفيلم ده اصله حلو اوي
رانيا: ماشي انا هنام ، ابقي بصي على مالك و يوسف قبل كل شوية كده اوكي
رنا: اوكي
ينام الجميع بينما تظل رنا مستيقظة ، ثم الساعة الثالثة فجرا
رنا : الحقيني يا رانيااااااا
---------------------------------------------------------------------------------
رايكم اكمل ولا لأ ؟