البيت المهجور

الفصل الثامن

البيت المهجور
---------------------------------
الفصل الثامن
------------------------------------------------------------------------------------------------
شهبور: هههه ، اهلا و سهلا ، جيتي بيرجليكي
تاتشي: انت فين ؟ اظهر و بلاش شغل الحرامية ده ، هي عارفة انك جن ، اظهر
شهبور: منا عارف ان اللعب بقى على المكشوف ، طيب هظهر
يظهر شهبور في احد اركان البيت بشكله الحقيقي المرعب ، فتقع رانيا من الخوف
رانيا بخوف: باسم الله الرحمن الرحيم !! ايه ده!!
شهبور: اللي هيموتك انتي و اخواتك
تاتشي: و انا موجودة !
شهبور: هتعملي ايه يعني !؟ منا عارف انك عرة و عمرك ما جيتي جنب بشر قبل كده
تاتشي: كده ، طيب
تظهر تاتشي أيضاً بشكلها الحقيقي و تبدأ بابراز مخالبها
تاتشي: ها ، نبدأ المعركة
تبدأ معركة بين تاتشي و شهبور تستمر نصف ساعة ، للاسف في النهاية يتغلب شهبور عليها ، فهو اقوى منها بمراحل
شهبور: انتي كده ضيعتي وقتي ، انا مش عايز البنت دي انا عايز اخوها ، هو فين ؟
تاتشي: مش هقولك
شهبور: انطقي لموتك
تاتشي: لأ
شهبور: رد.....
رانيا: في المستشفى ، اخويا في المستشفى
شهبور: عارفة لو كنتي بتكدبي ، هخلص عليكي
يخرج شهبور من البيت متوجهاً الى المستشفى
تاتشي: ايه اللي عملتيه ده ؟!!
رانيا: استني
تخرج رانيا هاتفها و تتصل بمالك
مالك: الو
رانيا: مالك ، خد بالك ، شهبور رايحلك المستشفى
مالك: ايه !! طب و عر.....
رانيا: مش وقته ، خد بالك من رنا و هالة لحد ماجيلك
مالك: بس ....
تغلق رانيا الخط و تتصل بيوسف
يوسف: ال...
رانيا: مفيش وقت ل الو ، تاخد سالم معاك و تروح المستشفى بسرعة
يوسف: ل...
رانيا: قلت مفيش وقت ، يلا بسرعة
يوسف: حاضر
تغلق رانيا الخط و تتوجه مع تاتشي إلى المستشفى ، و على الجانب الاخر يوسف و سالم أيضا متوجهان إلى المستشفى
------------------------------------------------------------------------------------------------
في المستشفى
رنا: يا خبر اسود
مالك: انا مش ناقص توتر يا رنا
هالة: انا كان مالي و مال ده بس
مالك: بس انتو الاتنين ، مش ناقصة
يبدأ الشباك يتحرك بفعل الهواء ، ( هو مش هوا طبعاً ده شهبور وصل )
رنا: الجن جه
تبدأ الادوات الطبية تتحرك بمفردها ، ثم فجأة تطير رنا في الهواء ، لكن من يمسكها؟
مالك: انا عارف انك الجن ، لو جدع بصحيح اظهرلي ، انا مش خايف منك
شهبور: لا و الله راجل
مالك: راجل غصب عنك ، سيب اختي ، انا قدامك اهو اعمل اللي انت عايزه ، بس ملكش دعوة ب رنا
شهبور: خايف عليها ؟!
مالك بقلق: سيبها ، سيبها
يترك شهبور رنا التي اخذتها هالة في حضنها
شهبور: سبتها اهو ، تعالى
مالك: حاضر
يمسك مالك بكرسي و يرميه على شهبور ، لكنه يتفاداه بسهولة
شهبور: هههههههه ، ده كل اللي عندك ، اوريك انا بقى اللي عندي
يمسك شهبور بمالك من رقبته ، فجأة يدخل يوسف و سالم
سالم: سيب الولد يا شهبور
شهبور: سيدي سالم !!! صوتك جه منين ؟ انا قتلتك من سنين
سالم: بص وراك
يلتفت شهبور وراءه ليجد جسد ياسين لكن بصوت سالم
شهبور: اه ، هما حضروا روحك في جسد حفيدك
سالم: بالظبط
شهبور: و انت جاي تاخد بتارك مني و تحميهم مش كده
سالم: انا هقتلك ، بس لو معايا كتب التعاويذ
شهبور: لو بقى
يتمتم سالم بعبارات فتحترق يد شهبور ، تاركة مالك
شهبور: ااااااه
يخرج شهبور مرة اخرى تاركا الجميع
رنا: الحمد لله عدت على خير
تساعد هالة مالك على الوقوف
هالة: انت جدع و شجاع على فكرة
مالك بخجل: شكراً
تدخل رانيا قائلة: ده وقته
مالك: كنتي فين ؟
رانيا: مش مهم ، حصل حاجة
سالم: لأ لحقتهم
تاتشي: الحمد لله
مالك: بس هو عرف مكاني منين ؟
رانيا: انا قلت له
مالك: ايه ؟!! انتي كنتي عايزاه يموتني ؟!!
رانيا: ابدا ، بس كان هيموت تاتشي و احنا محتاجينها ، عشان كده خليت يوسف يجيب سالم على هنا
يوسف: مش وقت عتاب دلوقتي ، هنعمل ايه ؟
رانيا: نروح البيت حالا
يتوجه الجميع إلى البيت
رانيا: كتب التعاويذ اهي
سالم: اخيرا
مالك: هتعمل ايه ؟
تبدأ اشياء في المنزل تتحرك بمفردها في رهبة من الجميع
------------------------------------------------------------------------------------------------