البيت المهجور

الفصل السابع

البيت المهجور
------------------------
الفصل السابع
------------------------------------------------------------------------------------------------
ياسين: مين اللي طلب روحي ؟
رانيا: انت صوتك اتغير كده ليه يا ياسين ؟
ياسين: ياسين ؟! ياسين مين ؟ انا سالم الغامري
مالك: يعني روحك حضرت اهي
خلونا نمشيها بقى ان سالم اللي هيكلم عشان محدش يتلخبط
سالم: ايوة ، انتو مين بقى و عايزين مني ايه؟ ، و مين اللي انا في جسمه ده ؟
حليمة: دول شهبور مدوخهم و حالف ليؤذيهم او يقتلهم ، و اللي انت في جسمه ده يبقى حفيدك ياسين
سالم: اه ، بس كويس ان ليا حفيد شكله حلو كده ، المهم ، و شهبور عايز يؤذيهم ليه ؟
رانيا: انا هحكيلك
------------------------------------------------------------------------------------------------
على جانب آخر في المستشفى ، تبدأ رنا في الاستيقاظ و تفتح عينيها لتجد هالة بجوارها
رنا: انتي مين ؟ و انا فين ؟
هالة: متقلقيش ، انا هالة صاحبة اختك رانيا ، و انتي في المستشفى
رنا باستغراب: صاحبة اختي ؟! بس اختي مالهاش اصحاب غير ياسمين ، و انا في المستشفى ليه ؟
هالة: الحقيقة انا لسه مش صاحبتها ، انا اخت ياسين مدير الشركة اللي بتشتغل فيها ، و انتي في المستشفى عشان متعورة و كان مغمى عليكي
رنا: مغمى عليا!! من ايه ؟
هالة: اهو ده اللي عايزين نعرفو
رنا: طب رانيا و مالك و يوسف فين ؟ مجوش قعدوا معايا ليه ؟
هالة: عشان وراهم مشوار مهم اوي ، ف انا قعدت معاكي عشان كده
رنا: مشوار ايه ؟
هالة: لأ ، دي حكاية طويلة اوي ، و انتي محتاجة ترتاحي دلوقتي ، بعدين احكيهالك
رنا: اوكي ، بس انا جعانة
هالة: بس كده ، تعالى يا آنسة هاتيلنا اكل ، اصل انا كمان ميتة من الجوع
رنا: هههههههه
------------------------------------------------------------------------------------------------
نعود إلى بيت حليمة
سالم: بقى كده ، و انتو دلوقتي عايزيني اصرفلكم شهبور و ابعده عنكم
مالك: ايوة
سالم: اللي حضر عفريت يصرفه ، مليش دعوة
رانيا: يعني ايه ؟
سالم: يعني اخوكي اللي غضب شهبور ، يبعده ولا يقتله هو بقى
رانيا بعصبية صارخة في وجه سالم: يعني ايه ؟!! يعني انت عايزه يقتلنا كده عادي ، و مش بعيد انه يقتل حفيدك عشان بيساعدنا ، يعني ايه ملكش دعوة !!
سالم: اهدي كده ، اخوكي اللي فك التعويذة مش انا
تاتشي: بس انت السبب الرئيسي في ده كله ، انت اللي كرهت شهبور في البشر بمعاملتك له ، ده اللي مخليه بيستنى اي فرصة عشان يؤذيهم ، انت فاكر اول ما جالك كان ازاي و انت خليته ازاي
سالم: تاتشي !! انتي هنا
تاتشي: ايوة ، و ان انت مساعدتش رانيا انا هساعدها ، و لو هموت فيها
سالم: معاكي حق يا تاتشي ، شهبور ده ذنبه في رقبتي انا
يوسف: ثانية واحدة ، انتو كده خدتونا لبعيد ، ازاي خلاه يكره البشر ؟
سالم: هقولكم
--------------------------------------- فلاش باك --------------------------------------------
من سنين طويلة في اول يوم لشهبور في بيت الدجال
شهبور: ايه ؟! انت عايزني أؤذي البشر ليه ؟ ده انا بحبكم و بحب عالمكم اوي
سالم: انا سيدك و اللي أقوله لك تنفذه و بس
شهبور: لأ مش هنفذه ، مش هأذي حد من غير ما يؤذيني
سالم بغضب: يعني ايه ؟! انت بتعارضني !!
شهبور: بعارضك عشان انا مش عايز اؤذي حد
سالم: لا و الله شهم يا ابن الجن ، انا هديك فرصة اخيرة ، يلا روح على البيت ده و نفذ اللي انا قلته
شهبور: لأ
سالم: كده ، طيب
يتمتم سالم بكلام فيرتفع شهبور الى اعلى البيت ثم ينزله بقوة مرة أخرى
سالم: ها ، اكمل ولا هتنفذ اللي اقوله ؟
شهبور: كمل
سالم: انت الجاني على نفسك
و بعد شهر من التعذيب المتواصل لشهبور
شهبور: انا كان ظني في عالم البشر غلط ، دول شياطين ، انا لازم اعذبهم زي ما سالم عذبني ، لازم اعرفهم اننا مش لعبة في ايديهم
سالم: ها ، هتعمل ايه ؟
شهبور: هنفذ كلامك ، هأذيهم لحد ما يعيطوا
سالم: اهو انت كده تعجبني
------------------------------------- باك -----------------------------------------------------
سالم: و ادي اللي عملته في شهبور
رانيا: يااه ، ده انت مش بشر ، بقى هو مش عايز يؤذي البشر و انت عايز
تاتشي: انتو لو تعرفوا شهبور قبل سيدي سالم متقولوش هو اللي عايز يؤذيكم ، هو كان طول عمره بيحب البشر و عالمهم ، و بيحب يتعرف على الحاجات اللي بتعملوها ، اه اللي حصل ، المهم ، هتعمل ايه يا سالم ؟
سالم: خلاص هساعدكم ، بس لازم ابقى انا و شهبور وش لوش ، و كمان محتاج كتب التعاويذ بتاعتي
رانيا: و الكتب دي فين ؟
سالم: في البيت القديم
مالك: ايه ؟!! اللي فيه شهبور ، و ده مين اللي هيجيبهم لك
رانيا: انا هروح
مالك: رانيا !!! انتي ، طب لو طلعلك شهبور هتعملي ايه ؟
تاتشي: انا هبقى معاها ، متخفش
سالم: و انا هستنى في مكان ما بيجيلكم ، هو فين بقى ؟
رانيا: في البيت ، يبقى كده انت و مالك و يوسف تروحوا على البيت ، و انا و تاتشي هنروح على البيت المهجور و بعدين نحصلكم
مالك: لأ يا ستي ، انا هروح اقعد مع رنا
رانيا: ماشي ، يلا بينا
------------------------------------------------------------------------------------------------
يتوجه سالم و يوسف إلى الشقة ، بينما رانيا و تاتشي إلى البيت المهجور ، و مالك الى المستشفى ( في المستشفى)
مالك: عاملة ايه دلوقتي يا رنا ؟
رنا: الحمد لله ، كويس انكم سبتوا هالة معايا ، دي دمها خفيف
ثم يبدأ مالك بالبكاء
هالة: مالك ؟ في ايه ؟
مالك: اصل انا السبب في ده كله ، و لو حد جراله حاجة هيبقى بسببي
هالة: ده انت حساس اوي ، على العموم ان شاء الله مش هيحصل حاجة
مالك: و انتي جدعة اوي ، و متشكر على قعدتك مع رنا، ممكن تروحي و انا هقعد معاها
هالة: ليه ؟ انا حبيتها اوي و عايزة افضل معاها
مالك: براحتك ، على فكرة ، انتي عندك كام سنة ؟
هالة: 18
مالك: يعني قدي
رنا: اه افتكرت ، ده الخفاش دخل البيت و هو اللي عمل فيا كده
مالك: خفاش !! قصدك الجن اللي عمل فيكي كده
رنا: ايوة هحكيلك
------------------------------------------------------------------------------------------------
في البيت المهجور تدخل رانيا مع تاتشي و تضعان الكتب في حقيبة رانيا ثم فجأة ، صوت شهبور ، لكن أين هو ؟!!
شهبور: هههه ، اهلا و سهلا ، جيتي برجليكي
------------------------------------------------------------------------------------------------
تفاعل حلو بقى