البيت المهجور

الفصل التاسع

البيت المهجور
--------------------------
الفصل التاسع
------------------------------------------------------------------------------------------------
تتحرك اشياء في المنزل بمفردها وسط رهبة من الجميع
رانيا بخوف: انت بتعمل ايه ؟!
يقرأ سالم في كتب التعاويذ و لا يبالي برانيا
رانيا بصراخ: بتعمل ايه ؟!!!
تاتشي: سيبيه يشوف شغله و اقعدي ساكتة
رانيا: بس ......
تاتشي: اسكتي
رانيا: حاضر
يسود جو من الصمت بينما سالم يستمر في القراءة و الاشياء تتحرك بمفردها، ثم فجأة تتحول بعض الأشياء إلى أشياء أخرى !! ، يتحول الكرسي إلى صندوق ، و تتحول المقشة إلى عصا غريبة ، و تتحول الطاولة إلى كرسي يشبه العرش !!!
مالك بخوف: هو في ايه ؟!! الحاجات دي اتحولت ازاي؟!!
تاتشي: سالم اللي حولها ، عشان تساعده لما ييجي شهبور
يوسف: ازاي ؟ صندوق و عصاية و عرش يساعدوه ازاي ؟!!
ينتهي سالم من القراءة قائلاً: انا عارف شغلي
رانيا: طب هنعمل ايه دلوقتي؟
سالم: حضري حاجة تاكلوها ، شهبور مش جاي الا الفجر
مالك بشك: و انت عرفت منين انه جاي الفجر ؟
سالم: بلاش نبرة الشك دي اولا ، ثانياً عشان مش هييجي على الاقل الا لما الحرق اللي في ايده يتعالج ، و مش هيتعالج على الاقل الا الفجر
مالك: ماشي
تذهب رانيا لتحضر الطعام للجميع و أثناء ذلك يتصل محمود على هالة
هالة: الو
محمود: الو ايه يا بنتي ، انتي فين انتي و ياسين الوقت ده كله ، انا عمال ارن عليه مبيردش ، قلقتوني
هالة: متقلقش يا بابا ، احنا دلوقتي في بيت رانيا
سالم: بتكلم مين ؟ دي بتقول بابا
مالك: اه ، بتكلم ابنك
سالم: ابني!! انا عايز اكلمه
مالك: تكلم مين؟!!
سالم: ارجوكم خلوها تديهوني اكلمه ، عايز اسمع صوته مرة اخيرة
مالك: هالة رأيك ايه؟
هالة: ماشي ، ثانية واحدة ، بابا هديك تكلم حد بس بلاش يجيلك سكتة من المفاجأة ماشي
محمود: حد مين و سكتة ايه ؟؟
هالة: اتفضل اهو يا جدي ، ايوة امسكه كده
سالم: ازيك يا ابني ، واحشني
محمود: بابا!!!! ده صوت ابويا!!!!
سالم: ايوة انا ، حضروا روحي في جسم ياسين
محمود ببرود: اه ، و لقيت هالة بتكلمني قلت تسلم على ابنك اللي يتمته من سنين
سالم: انا عارف اني غلطان ، بس بايدي اعمل ايه دلوقتي ، بلاش عتاب يا ابني
محمود: بلاش عتاب ؟!! انت عارف انه لو كان واحدة غير امي كان زماني ضعت !! انت عرف ان زمايلي كانوا بيعروني و يقولوا يا ابن الدجال!!
سالم ببكاء: ارجوك يا ابني كفاية ، انا لو اقدر اعوضك بحاجة قولي
هالة: هاته كده يا جدي
سالم: خدي يا بنتي
هالة: بابا ، انت جاي تحاسب جدي بعد السنين دي كلها!! ، و كمان هو مات و ندمان و لو كان عايش اكيد كان عوضك ، انت مش كنت بتقولنا انه لو عايش كنت هتاخده بالحضن !! ايه اللي حصل دلوقتي؟!!
محمود: بتكلميني كده ليه يا هالة ؟!! انا ابوكي
هالة: زي ما بتكلم جدي ، مهو ابوك
محمود: خلاص اديهوني
هالة بزهق: حاضر ، خد يا جدي ، زهقتوني
سالم: ا.....
محمود: ما تقولش حاجة يا بابا ، اللي فات مات
سالم: يعني انت مسامحني؟
محمود: ايوة
سالم: الحمد لله ، انا كده اما خلص شغلي هنا ارجع قبري و انا مرتاح ، بس عايزك انت و ولادك تزوروني عشان اتونس بيكم
محمود: حاضر يا بابا
يقفل محمود الخط
رانيا: الاكل اهو
يتناول الجميع الطعام ثم يذهبون لغرفهم بينما يبقى سالم و تاتشي في الصالة، لم يستطع احد النوم بسبب خوفهم و انتظارهم لما سيحدث عند مجيء شهبور ، و عند الفجر يأتي شهبور
شهبور: اهلا و سهلا يا سيدي القديم
يخرج الجميع من غرفهم
سالم: خليكوا مكانكم
رانيا: بس .....
سالم: اسكتي
يظل الجميع واقفين مكانهم ، و عندما يبدأ شعبور بالانقضاض على سالم تمنعه تاتشي
تاتشي: سيدي ، حاوطهم بتعويذة عشان تحميهم
تتعارك تاتشي مع شهبور قليلا و يحيط سالم الباقين بتعويذة
سالم: تاتشي سيبيه
تتركه تاتشي و تبدأ معركة وجها لوجه بين سالم و شهبور ، يستعملان فيها السحر و قدرات الجن و في وسط المعركة
سالم: تاتشي ، ادخلي جسم حفيدي عشان اتخفى من شهبور و احاوطه بتعويذة
تاتشي: حاضر
تخرج روح سالم من ياسين ، و في نفس اللحظة تلبسه تاتشي ، تتسحب روح سالم تحت شهبور و تكتب ( صندوق ، عصا ، نار )
------------------------------------------------------------------------------------------------