البيت المهجور

الفصل الثالث

البيت المهجور
-------------------------------
الفصل الثالث
------------------------------------------------------------------------------------------------
رنا: الحقيني يا رانيااااا
يخرج الجميع من غرفهم مفزوعين فإذا هم يرون رنا جالسة تضم رجليها إلى رأسها و أمامها ذلك الخفاش ، ثم يدير رأسه ناحية مالك مرة أخرى و قبل ان يتحرك الخفاش فجأة تدخل قطة من الشباك و تهجم على الخفاش فتبعده عن رنا التي ارتمت بسرعة في حضن رانيا ، و تدور معركة استمرت مدة ربع ساعة بين القطة و الخفاش حتى خرجا معاً من الشباك وسط ذهول من الجميع
يوسف: هو انا بحلم ولا اللي حصل قدامي ده بجد ؟!!
رنا: مهو لو كنت بتحلم مش معقولة كلنا بنحلم معاك!
رانيا بخوف و عدم استيعاب: هو ، هو ايه اللي حصل ده انا مش قادرة استوعب ؟؟ ، رنا هو حصل ايه بعد ما نمت؟
رنا: بعد ما نمتي بساعة كده مالك و يوسف ناموا و انا فضلت لحد ما خلصت الفيلم لقيت نفسي بنعس و كسلت اروح الاوضة قفلت التليفزيون و طفيت النور و نمت انا كمان بس الظاهر نسيت اقفل الشباك ، كنت نايمة على الكنبة و فجأة حسيت بحركة و نفس جنب مني صحيت لقيت الخفاش بيبصلي ، من الخضة وقعت ع الارض لقيته قدامي بالمنظر اللي لقتوني عليه صرخت و حصل اللي شوفتوه
يوسف: هو الخفاش ده عايز ايه بالظبط؟
رانيا: باااس ، انا دماغي مش هتقدر تستوعب ولا تفكر في اكتر من كده النهاردة ، ننام دلوقتي و بعد ما ارجع من الشغل يحلها ربنا ، بس نقفل الشباك الاول
مالك: صح ، كفايانا كده ، هروح اقفل الشباك
يوسف: بلاش انت احسن الخفاش يدخل تاني ، هروح انا
يغلق يوسف الشباك و يعود الجميع إلى غرفهم و ينام الجميع بما فيهم رنا التي اصرت ان تنام في حضن رانيا من خوفها ، ثم تنقضي الليلة و يرن منبه رانيا عند الساعة السابعة فتنهض و تتناول الافطار و تلبس ثيابها و تستعد للذهاب للعمل
رانيا: مالك
مالك: اممممم ، في ايه عايز انام ؟
رانيا: لما اخواتك يصحو سخنلهم اللبن عشان يفطروا ماشي
مالك: طيب طيب ، لما يصحو
رانيا: ماشي ، مع السلامة
مالك: مع السلامة
تخرج رانيا من الشقة و تنزل للذهاب للعمل لكن يستوقفها البواب
عثمان: ست رانيا
رانيا: نعم يا عم عثمان ، خير ؟
عثمان: حضرتك بترجعي من الشغل امتى ؟
رانيا: الساعة 2 كده ليه ؟
عثمان: اصلي عايز اكلم معاكي في حاجة مهمة اوي
رانيا: حاجة مهمة اوي ؟ حاجة ايه ؟
عثمان: لما ترجعي هقول لحضرتك
رانيا: ماشي
تذهب رانيا إلى عملها و في المكتب:
----------------------------------------------------------------------
ياسمين: اهلا رورو
رانيا: هه ؟ اهلا ياسمين
ياسمين: ايه يا رانيا مالك ؟ في حاجة ؟
رانيا: لأ ، ليه ؟
ياسمين: اومال مالك سرحانة في ايه ؟
رانيا: مفيش اصل حصل امبارح حبة حاجات ملعبكة و دماغي مش فايقة
ياسمين: حصل ايه ؟
رانيا: مش وقته دلوقتي ، بعد ما اروح هكلمك
ياسمين: ماشي ، خايفة اقولك ان عندك حبة شغل كتار في حسابات الادوية اللي وصلت امبارح
رانيا: لأ عادي ، اهي حاجة اخرج فيها من اللي انا فيه
فجأة يدخل ياسين مدير الشركة
ياسين: مالك يا آنسة رانيا ؟
رانيا: مفيش حضرتك ، مالي يعني ؟
ياسين: اصلي سمعت كلامك انتي و ياسمين ، خير في حاجة مع حد من اخواتك ؟
رانيا: لأ مفيش ، شوية تعب بس ، اصل حضرتك عارف اني نقلت شقة جديدة و تعبت في تنضيفها بس
ياسين: عموماً لو تعبانة ممكن تاخدي اجازة النهاردة
رانيا: لأ مش للدرجة دي
ياسين: طيب سلامتك يا آنسة رانيا
يخرج ياسين عائداً إلى مكتبه
ياسمين: مش بقول فيه جو
رانيا: جو مين ؟ اتلمي كده
ياسمين: يا بنتي انا صاحبتك ، قوليلي اساعدك عشان تتجوزيه
رانيا: اجوز مين ؟ الاستاذ ياسين ؟ لأ ده انتي عقلك خرف خالص
ياسمين: خرف ؟ اومال هو سأل عليكي ليه ؟ و كان بيصنت علينا ليه ؟ و قالك سلامتك ليه ؟ يا سلام على كلمة سلامتك طالعة عسل ، يا ريت الاقي حد يقولي سلامتك😉
رانيا: عادي ، زي اي موظفة ، و كمان بطلي بقى و شوفي شغلك
ياسمين بصوت منخفض : بردو فيه جو
------------------------------------------------------------------------------------------------
تنتهي رانيا من عملها و تعود فإذا بعثمان يحضر كرسياً و يطلب منها الجلوس معه عند سلم العمارة
عثمان: يا ست رانيا ، محصلش مع حضرتك حاجة امبارح ؟
رانيا: حاجة زي ايه ؟
عثمان: يعني حاجة دخلت من الشباك مثلاً ، عصفور ، فار ؟
رانيا: بص انا هحكيلك
و تحكي له قصة الخفاش
عثمان: يبقى اللي كنت خايف منه حصل
رانيا: اللي كنت خايف منه ؟ و انت عرفت منين ؟
عثمان: اصل السمسار قالي ان سي مالك حدف طوبة في البيت المهجور
رانيا: طب ايه علاقة ده بالخفاش؟
عثمان: اصل ممكن الخفاش ده يكون جن
رانيا: جن ؟؟!
عثمان: بصراحة يا ست رانيا البيت المهجور ده كان بتاع واحد دجال من زمان اوي و بيقولوا ان الجن قتل الدجال ده و الجن سكن البيت بعديها ، و مش بعيد الخفاش ده يكون واحد منهم و عايز يؤذي سي مالك
رانيا: ايه اللي انت بتقوله ده !!!؟
---------------------------------------------------------------------------------