البيت المهجور

الفصل الرابع

البيت المهجور
---------------------------------------
الفصل الرابع
------------------------------------------------------------------------------------------------
رانيا: ايه اللي انت بتقوله ده!!!!!
عثمان: و مش بعيد القطة اللي حضرتك بتقولي انها اتعاركت معاه تبقى جن بردو
رانيا: انت جبت الكلام ده منين؟!
عثمان: اصل والدي الله يرحمه كان بواب العمارة دي قبل ما تتهد و تتبني تاني ، و كان دايما يحكيلي انه كان في شارع العمارة واحد دجال اسمه سالم الغامري و كانت الناس بتتشائم من الشارع بسببه و في يوم من الايام الناس سمعت كركبة في بيته و فتحوا الباب عشان يلاقوه مقتول!!
رانيا: ايه ؟! طب و انا هعمل ايه دلوقتي؟
عثمان: و الله منا عارف ، اقولك شغلي قرآن في البيت
رانيا: طب و احنا هنفضل مشغلينوا على طول ؟ لأ احسن نشوف شقة تانية
عثمان: يعني هو الجن هيخفى عليه لو روحتوا شقة تانية
رانيا: طب شكراً يا عم عثمان ، انا طالعة بقى
------------------------------------------------------------------------------------------------
تعصد رانيا إلى الشقة و هناك تدخل إلى غرفتها و تبدأ بالتفكير فيما قاله البواب ثم يقطع يوسف تفكيرها
يوسف: مالك يا رورو ؟
رانيا: هه ، مفيش
يوسف: اصلك دخلتي من سكات و مكلمتيش حد على غير عادتك
رانيا: لأ هو فيه موضوع في الشغل بس بفكر فيه
يوسف: طب ماشي انا رايح آخد دش
رانيا: اوكي
و قبل ان تعود رانيا إلى افكارها تتصل بها ياسمين
رانيا: الو
ياسمين: الو ، عايزة اعرف بقى بتفكري في ايه ؟
رانيا: لازم يعني ؟
ياسمين: ايوة لازم و إلا مش هتبقي صاحبتي ولا اعرفك
رانيا: طيب يا ستي
طيب بقى رانيا هتحكي لياسمين اللي حصل الفجر و كلام البواب على ما يخلصوا نروح حتة تانية
------------------------------------------------------------------------------------------------
في البيت المهجور من الداخل ، يبدو البيت مخيفاً جداً ، يوجد به آثار العنكبوت و كتب سحر و شعوذة مغطاة بالتراب ، نوافذه مكسرة و أثاثه قديم ، ربما من الخمسينيات ، لكن لحظة !!! ان الخفاش بالداخل!!
الخفاش مكلماً نفسه: جرالك ايه انت اللي كنت خاربها على البشر و راعبهم زمان مش قادر على حتة بنت و اخواتها !! لا لا ده انا كده بهين نفسي ، عايز الجن يقولوا عليك بعد ما سيدك مات مش قادر تعمل حاجة !! لا لا مش ممكن ، انا الاول كنت ناوي على اذية بس ، لكن دلوقتي لازم اخليهم يحصولوا سيدي سالم ، انا رايح على هناك و اي واحد اقابله هقتله على طول
------------------------------------------------------------------------------------------------
نرجع بقى لرانيا
رانيا: ها ايه رأيك في الكلام ده يا ياسمين؟
ياسمين بخوف: بصراحة بقى كلام البواب معقول جداً
رانيا: معقول جداً ؟!
ياسمين: ايوة ، اصل الجن مذكور في القرآن و موجود بجد و ممكن يتنكر في صورة اي حيوان ، هو لو كان قالك مسكون بأرواح و كده كنت هقولك لأ بس ده معقول
رانيا: طب اعمل ايه دلوقتي ؟
ياسمين: روحي لواحد شيخ
رانيا: مش عارفة ، طيب سلام بقى عشان مالك بيخبط على الباب
ياسمين: سلام
تقفل رانيا الخط قائلة: ادخل يا مالك
مالك: هو الكلام اللي انا سمعته ده صحيح؟
رانيا: كلام ايه ؟
مالك: اللي قولتيه لياسمين دلوقتي
رانيا: انت كنت بتصنت عليا ؟
مالك: بصراحة اه ، عشان لقيتك داخلة ساكتة على غير عادتك
رانيا: ايوة صحيح يا مالك
مالك: يعني أنا السبب في ده كله
رانيا: لأ ، لا سبب ولا حاجة هو انت كنت تعرف
مالك: بس...
رانيا: لا بس ولا حاجة اللي حصل حصل و مش هنقدر نغيره المهم هنعمل ايه دلوقتي؟
مالك: احنا .....
يصرخ يوسف و هو خارج من الحمام مقاطعاً مالك: الحقوني الخفاش !!!!
يخرج الجميع فيرون الخفاش واقفاً على شباك الحمام
رانيا: انا عرفت انك جن ابعد ، سلام قولا من رب رحيم
يتسلل مالك و يفتح التلفاز على قناة قرآن فيخرج الخفاش
يوسف: الحمد لله خرج، بس ايه حكاية الجن دي ؟
رانيا: مش وقته ، بصوا خلوا التليفزيون على القرآن و اقفلوا كل الشبابيك لحد بكرة
------------------------------------------------------------------------------------------------
ينقضي باقي اليوم عاديا جدا حتى تذهب رانيا في اليوم التالي إلى العمل و تفتح باب مكتب المدير فتجد رجلا يقول له : يلا يا حفيد الدجال اللي قتله الجن !
يصطدم الرجل برانيا و يخرج
ياسين: انا آسف يا آنسة رانيا
رانيا: عادي ، بس ايه اللي الراجل قاله ده ؟
ياسين: ده سر في حياتي يا آنسة رانيا ، انا فعلاً ليا جد دجال
رانيا: ايه ؟
ياسين: و ده واحد كان عايز يشاركني في شغل و لما رفضت هددني بانه ينشر الحكاية دي
رانيا: انت حضرتك اسمك ايه بالكامل ؟
ياسين: ليه ؟
رانيا: قول بس
ياسين: ياسين محمود سالم الغامري
رانيا: سالم الغمري ؟!!
ياسين: ايوة ، بتسأليني أسئلة غريبة ليه ؟
رانيا:بص انا هحكي لحضرتك
و حكتله الحكاية اللي بقى امة لا اله الا الله في الرواية عارفاها
ياسين: يعني البيت ده بيت جدي ؟!
رانيا: الظاهر كده
ياسين: طب تعالي معايا البيت عشان نسأل بابا على الحكاية دي
------------------------------------------------------------------------------------------------