My Fond Parijat In past...,Where Are You Now? [Our Missing Fate]

[၁၁].အရှင့်သား၏​ ​မေတ္တာလက်​​ဆောင်​...{U}

အခန်း[၁၁] အရှင့်သား၏​မေတ္တာလက်​​ဆောင်​...

"လူက​လေး ပစ္စည်း​တွေအကုန်​စုံပြီလား"

"စုံပြီ ဖွား"

"လူက​လေးရယ်​ ပစ္စည်း​တွေကများလွန်းလိုက်​တာ။
သယ်​လို့​ရော နိုင်​ပါ့မလားကွယ်​။
ဖွားကြည့်ရတာ စိတ်​ကိုမချမ်းသာဘူး။
ဖွား​မြေးက လူ​ကောင်​​လေးက ညှက်​ကညှက်​နဲ့ကွယ်​"

"ရပါတယ်​ ဖွားရယ်​။
ကျွန်​​တော်​ အမြဲတမ်းသယ်​​နေကျပါပဲ"

"ဒီအတိုင်းဆိုရင်​​တော့ မဖြစ်​​ချေဘူး။
ဖွားပိုက်​ဆံစုပြီး နွားလှည်း​လေးတစ်​စီး​တော့
ဝယ်​​ပေးအုံးမှပါ"

"မလိုပါဘူး ဖွားရယ်​။
​ငွေကုန်​​ကြေးကျတွေ များပါဘိနဲ့..."

ထိုစဉ်​ ရှင်​မင်းမဟာက အိမ်​​အောက်​ထဲမှ
ပစ္စည်းထုပ်​ကြီးများအား အထမ်းရှိတုတ်​​ချောင်း၌ချိတ်​ပြီး
ပခုံး​ပေါ်ထမ်းတင်​၍ ထွက်​လာ​တော့သည်​။

"အို....ဘုရား​ရေ။
ဖြစ်​မှဖြစ်​ရ​လေ ရှင်​မင်းရယ်​။
ဘယ်​သူကများ အဲ့ဒါ​တွေသယ်​ခိုင်းသတုန်း။
ပခုံး​တွေ​တော့ ဒဏ်​ရာ​တွေဖြစ်​ကုန်​​တော့မှာပဲ"

ရိုးတံနီက စိုးရိမ်​တကြီး​ပြောတာ
ရှင်​မင်းမဟာ၏ပခုံး​ပေါ်မှအထမ်းကို
ချက်​ချင်းပင်​ ပြန်​ဆွဲဖြုတ်​​လေ​တော့သည်​။

"အရှင့်သားရယ်​ သည်​လိုအလုပ်​​တွေထိလိုက်​မလုပ်​​ပေးပါနဲ့။
အခုလို ခ​နော်နီခ​နော်​နဲ့အိမ်​​လေးမှာ
​အရှင့်သားကို အ​နေဆင်းရဲ၊အစားဆင်းရဲနဲ့
ချိူ့ချိူ့တဲ့တဲ့ထားရတာကိုက
ကျွန်​​တော်​မျိူးမတို့ တာဝန်​မ​ကျေလွန်းရာကျ​နေပါပြီ"

"မဟုတ်​တာပဲ ဖွားရာ။
ကျွန်​​တော်​ ဒီမှာ​နေရထိုင်​ရတာ အားလုံး
အဆင်​​ပြေတယ်​ဆိုတာထက်​ကိုပိုပါတယ်​။
ဂုဏ်​ပကာသန​တွေထက်​ ချစ်​ခြင်း​မေတ္တာ​တွေ၊
​စေတနာ​တွေကိုပဲ ကျွန်​​တော်​ကအလိုရှိတာပါ။
ကျွန်​​တော့်ကို ဒီကအိမ်​သားလိုသ​ဘောထားတယ်​ဆိုရင်​
အလုပ်​ဝိုင်းကူတာကို မတားပါနဲ့​နော်​...ဖွား"