My Fond Parijat In past...,Where Are You Now? [Our Missing Fate]

[၁၃].အကြင်​နာပန်းများ​ကြွေကျရာဝယ်​....{U}

အခန်း[၁၃]အကြင်​နာပန်းများ​ကြွေကျရာဝယ်​....

"အား
အမ​လေး....လာကြပါအုံး။
လူ​လေး...လူ​လေး​ရေ"

အိမ်​​နောက်​​ဖေးမီးဖို​ဆောင်​မှ အဖွားဖြစ်​သူ၏
အလန့်တကြား​အော်​ဟစ်​လိုက်​သံ​ကြောင့်
ရိုးတံနီမှာ အိမ်​​ရှေ့​ချောင်းကမ်းစပ်​၌
​ရေခပ်​​နေရာမှ ​ဒေါ်​မေခင်​ရှိရာသို့ ကမန်းကတန်း​​ပြေးလာခဲ့​ရသည်​။
သူ​ရောက်​​တော့ အိမ်​​နောက်​​ဖေးမီးဖို​ဆောင်​၌
အရှင့်သား၏ခန္တာကိုယ်​ကိုအကာအကွယ်​ယူလျက်​
တုန်​ရီ​နေ​သောအဖွားဖြစ်​သူအား ​တွေ့လိုက်​ရသည်​မို့
သူထိတ်​ထိတ်​ပျာပျာဖြစ်​သွားရကာ...

"ဖွား...ဖွား ဘာဖြစ်​တာလဲ"

​ဒေါ်​မေခင်​မှာ ​ကြောက်​လန့်တုန်​လှုပ်​လွန်း​သော​ကြောင့်
အသံပင်​မထွက်​နိုင်​ ၊
တုန်​တုန်​ရီရီဖြင့်သာ လက်​ညိုးထိုးပြ​လေ၏။
ထိုအခါ အရှင့်သားရပ်​​နေသည့်​နေရာနှင့် ခပ်​လှမ်းလှမ်း၌ ပါးပြင်း​ထောင်​လျက်​ရန်​မူ​​နေ​သော
နက်​​စွေး​စွေး​မြွေ​ဟောက်​တစ်​​ကောင်​အား ​တွေ့လိုက်​ရ​လေသည်​။

ဧကန်​စင်​စစ်​ ဖွားတစ်​​ယောက်​ ​
​ကြောက်​လန့်တကြား​အော်​ဟစ်​ရခြင်း၏
အ​ကြောင်းအရင်းမှာ ၎င်းသတ္တဝါ​ကြောင့်ပင်​။

ထို့​ကြောင့် ရိုးတံနီက
အနီးအနားရှိတုတ်​တစ်​​ချောင်းကို​ကောက်​ကိုင်​လျက်​
၎င်းအား ​ခြောက်​လှန့်ရန်​ဟန်​ပြင်​တော့
အရှင့်သားက သူ့အားလက်​ကာပြလိုက်​ပြီး...၊

"ရိုးနီ...ဖွားကိုလာတွဲကူ"

"ဟုတ်​ကဲ့ ရှင်​မင်း"

အရှင့်သား၏စကားအတိုင်း
ရိုးတံနီက ​​ဒေါ်​မေခင်​အား အိမ်​​ပေါ်သို့တွဲ​ခေါ်လာပြီး
အိမ်​​ရှေ့ခန်း၏ပြတင်း​ပေါက်​အနား၌ထိုင်​​စေလျက်​
စိတ်​တည်​ငြိမ်​သွား​စေရန်​အတွက်​
​ရေ​အေး​အေး​လေးတစ်​ခွက်​ ခပ်​တိုက်​ကာ
မာလကာရွက်​အနု​လေးများကို
လက်​ဖြင့်ပွတ်​​ချေပြီးရှူခိုင်းလိုက်​သည်​။

အတန်​ကြာ​အောင်​ ယပ်​ခပ်​​ပေးပြီး​နောက်​မှာ​တော့
အဖွားဖြစ်​သူလည်း စိတ်​​အေးသွားပြီဖြစ်​​သော​ကြောင့်
သူလည်း ခြံထဲသို့ပြန်​ဆင်းလာခဲ့သည်​။