My Fond Parijat In past...,Where Are You Now? [Our Missing Fate]

[15].လွမ်းဆွတ်​တမ်းတခြင်း

အခန်း[၁၅] လွမ်းဆွတ်​တမ်းတခြင်း

"ကျွန်​​တော်​​တောင်းပန်​ပါတယ်​ ဖွား"

စိတ်ထိခိုက်သွားပုံရသည့်ဖွားက သူ့အားတုံ့ပြန်​စကားမဆို​သေး။
ချည်​ပုဝါစ​လေးကိုသာဆုပ်​ကိုင်​၍ တရှုံ့ရှုံ့ငိုရှိုက်​​နေရှာသည်​။
သူ၏ခွင့်​တောင်းစကားက အလွန်အမင်းဝမ်းနည်း​နာကျင်​​စရာကောင်းသည်။
​မြေးအဖွားနှစ်​​ယောက်​တည်းသာရှိသည့်ဘဝ​ပေမို့
ဤအိမ်​အို​လေးမှာ ဖွားတစ်​​ယောက်​တည်းချန်​ရစ်​ခဲ့မည့်
သူ့အ​တွေးမှာ လွန်​စွာမှရက်​စက်​လွန်းရာကျ​နေသည်​။
သို့​သော်​ သူအနည်းငယ်မျှပင်လက်​မ​လျှော့ချင်​​သေး။
ဖွား၏တားမြစ်​စကားကို နားနှင့်ဆက်​ဆက်​ကြားပြီး​သော်​လည်း သူ၏ဆုံးဖြတ်​ချက်​သည်​ကား
ပကတိခိုင်​မာ​နေဆဲပင်​ဖြစ်​၏။

"​လူက​လေး၊
ဖွားမှာ​လေ...ဘယ်​နား​ပြေးကြည့်ကြည့်
လူက​လေးတစ်​​ယောက်​ပဲရှိတာ သိတယ်​မဟုတ်​လား။
ဒီလို​ပြောတာက ဖွားက လူက​လေးကို
ချူပ်​ကိုင်​ချင်​လို့မဟုတ်​ရပါဘူး။
ဖွားက...ဖွားက လူက​လေးအတွက်​
ဝန်​ထုပ်​ဝန်​ပိုးကြီးတစ်​ခုလည်းမဖြစ်​လိုဘူးကွယ်​"

ညိုစိမ့်စိမ့်ပါးပြင်​​လေးထက်​ အတုံးအရုန်းကျဆင်းလာ​သော
ဖွားမျက်​ရည်​များကို မျက်​ဝါးထင်​ထင်​မြင်​​ရ​သောအခါ
သူ့စိတ်​မှာလည်း သိသိသာသာပင်​တုန်​လှုပ်​လာ၏။
သို့သော် သူ၏ဆုံးဖြတ်​ချက်​ကိုလည်း လက်​မ​လျှော့ချင်​။
ဖွားမျက်​ရည်​များကိုလည်း ထပ်​မံ၍မြင်​နိုင်​စွမ်းမရှိ။
အလွန်​ပင်​စိတ်​မွန်းကြပ်​၍ ​ရွေးချယ်​ရခက်​​သည့်အ​ခြေအ​နေသို့ သူ​ရောက်​ရှိ​နေ၏။

"ဖွားတားမြစ်​ချင်​တဲ့ရည်​ရွယ်​ချက်​က
ဖွား...လူက​လေးကိုမထိခိုက်​​စေချင်​လို့ပါကွယ်​...။
အရှင့်သားအ​ပေါ်မှာထားတဲ့ လူက​လေးရဲ့​မေတ္တာအတိမ်​အနက်​ကို ဖွားမြင်​ပါတယ်​။
အရှင့်သားက ဖွားတို့ရဲ့အရှင်​သခင်​၊​ကျေးဇူးရှင်​ပါပဲ။
ဖွားစိတ်​မ​ကောင်းဖြစ်​ရ​ပေမဲ့
လူက​လေးရဲ့ဆုံးဖြတ်​ချက်​ကိုလည်း ​လေးစားပါတယ်​"

"ဖွား​တောင်းဆိုချင်​တာ တစ်​ခုပါပဲ။
လူက​လေးမှာ အ​ကြောင်းကိစ္စရယ်​လို့ရှိလာခဲ့ရင်​
အ​လောတကြီးမဆုံးဖြတ်​ခင်​မှာ လူက​လေးကိုယ်​တိုင်​နဲ့
ဖွးအတွက်​ထည့်​တွေး​ပေးပါလို့...။
လူက​လေးမှာ ဖွားရှိ​သေးတယ်​ဆိုတဲ့အသိနဲ့
အရာရာကိုဆင်​ခြင်​ပါကွယ်​"