សភាពស្ងប់ស្ងាត់កំពុងតែកេីតមានឡេីងនៅក្នុងបន្ទប់របស់លោកអគ្គនាយក ។ យេីងឃេីញមានមនុស្សបួននាក់កំពុងអង្គុយទល់មុខគ្នាជាគូរដោយម្ខាងមានលោកអគ្គនាយកនិងភរិយា រីឯម្ខាងទៀតមានបុគ្គលិកស្រីពីររូបដែលស្ថិតនៅក្នុងសភាពរញ៉េរញ៉ៃមេីលមិនយល់ សក់ក្បាលកន្ទ្រីងកន្ទ្រេីង មុខមាត់ក្រហមមានស្នាមវាយតប់យ៉ាងដំណំ ។
« អ្នកណាជាអ្នកបង្កហេតុ? » លោក CEO វ័យក្មេងរូបស្រស់បន្លឺឡេីងស្កាត់ចូលទៅសភាពស្ងប់ស្ងាត់នោះ បណ្តាលអោយនារីទាំងពីររូបសន្សឹមៗងេីបមុខទៅមេីលអ្នកអង្គុយទល់មុខខ្លួនដោយការភ័យខ្លាច មិនត្រឹមតែខ្លាចលោកអគ្គនាយកម្នាក់ប៉ុណ្ណោះទេ ថែមទាំងខ្លាចអ្នកដែលអង្គុយក្បែរនោះទៀត ដែលពេលនេះគេកំពុងសម្លឹងមកពួកនាងដោយក្រសែភ្នែករៀបស្មើ ដាក់ជេីងកងអន្ទាក់ខ្លា ដៃអោបទ្រូង ទោះមិនមាត់មិន.ក តែត្រឹមក្រសែភ្នែកមុតស្រួចនោះក៏មានអំណាចអោយពួកនាងកោតខ្លាចបានដែរ ។
« គឺអ្នកនាង Malina ចាស៎ » Sunny ជាអ្នកឆ្លើយតបមុន មិនថាក្នុងខ្លួនកំពុងតែភិតភ័យកម្រិតណា ក៏នាងត្រូវតែខំប្រឈមមុខនឹងវា នាងនឹងនិយាយអ្វីដែលជាការពិតដោយមិនខ្វល់នោះទេថាអ្នកម្ខាងទៀតនឹងឆ្លេីយដោះសារបែបម៉េច ។
« មិនពិត! នាងជាអ្នកមកវាយខ្ញុំមុន! លោកអគ្គនាយក អ្នកប្រុស Tae.. ជឿខ្ញុំណា៎ ល-លោកអគ្គនាយកក៏ដឹងថាខ្ញុំត្រូវបាននាងចោទប្រកាន់ វាមិនចម្លែកនោះទេដែលនាងមកវាយដំគម្រាមខ្ញុំអោយសារភាពទាំងដែលវាមិនមែនជាការពិត » Malina ស្រាប់តែតបតទៅវិញទាំងសម្រក់ទឹកភ្នែក រីឯអ្នកទាំងបីដែលបានស្តាប់ឮហេីយក៏មានការគិតចេញមកខុសៗគ្នា ។ Sunny នាងចំហរមាត់ពិតជាហួសចិត្តខ្លាំងណាស់ដែលនាងនៅមានមុខមកនិយាយកុហកហេីយក៏បុិនសម្តែងដល់ថ្នាក់នេះ ។ Jungkook ឯណោះវិញក៏លេីកចិញ្ចើមឡេីង នាយមិនដឹងថាគួរតែមានអារម្មណ៍បែបម៉េចឡេីយ ទឹកភ្នែករបស់នាងដែលធ្លាប់តែអង្រួនអោយនាយមានចិត្តអាណិតក៏ផ្លាស់ប្រែទៅជាធម្មតា តែអារម្មណ៍ដែលថាអាណិតនោះក៏មិនទាន់បាត់ចេញ 100% ដែរ ។ តែពេលនេះនាយត្រូវយកការអាណិតនោះទុកមួយឡែកហេីយព្យាយាមស្តាប់សម្តីរបស់នាងវិញ.. Sunny ចោទប្រកាន់នាងឫ? នាយនៅមិនទាន់ច្បាស់ថាអ្នកណាជាមេគំនិតក្នុងរឿងមួយនេះឡេីយ តែអ្វីដែលអាចអោយនាយប្រាកដក្នុងចិត្តបាននោះគឺ Malina ក៏ពាក់ព័ន្ធនៅក្នុងរឿងនេះ ។ មុននឹងនាយហៅអ្នកទាំងបីចូលមកសួរនាំ គឺនាយបានឆែកមេីលកាំមេរ៉ាសុវត្ថិភាពគ្រប់ជ្រុងជ្រោយរួចអស់មកហេីយ តាំងពីពេលដែលពួកគេដេីរចូលមអគារក្រុមហ៊ុន ទៅកន្លែងណាខ្លះ បន្ទប់ណាខ្លះនាយឃេីញទាំងអស់ហេីយក៏ឃើញថាពួកគេទាំងបីណាត់គ្នានិយាយនៅឯគៀនជញ្ជាំងមួយដែលជាផ្នែកទំនេររបស់អគារដែលមានសភាពស្ងប់ស្ងាត់ ។ ពួកគេប្រហែលជាមិនបានដឹងមុននោះទេថាក្នុងអគារមួយនេះបានបង្កប់កាំមេរ៉ាសុវត្ថិភាពគ្រប់ទីកន្លែងទេីបសូម្បីតែកន្លែងដែលពួកគេគិតថាគ្មានអ្នកចាប់បានក៏នៅតែមានកាំមេរ៉ាសុវត្ថិភាពដដែល ។ Jungkook ដឹង.. នាយដឹងថា Malina កំពុងតែកុហក ដែលចំណុចនេះហេីយធ្វេីអោយ Jungkook ខកចិត្តទៅលេីនាង មនុស្សពីរនាក់មកសារភាពថានាងជាអ្នកផ្តួចផ្តើមមេគំនិត តែ Malina កំពុងតែប្រកែកតវ៉ាថានាងមិនបានដឹងពីរឿងនេះទៅវិញ ។
YOU ARE READING
OBSESSION ~ ឈ្លក់វង្វេង
RomanceKhmer's fanfics #Taekook ⬆️Top Jk ⬇️Btm Tae « ព្រោះខ្ញុំនឹងធ្វើអោយលោកស្រលាញ់ឈ្លក់វង្វេងនឹងខ្ញុំទ្វេដង ស្រលាញ់បែបអារម្មណ៍ស្រលាញ់ដែលលោកមិនធ្លាប់មានឫប្រគល់ជូនអ្នកណាពីមុនមក » Kim Taehyung ស្រដីទាំងទឹកមុខញញឹមស្រស់សម្លឹ...
