បន្ទាប់ពីការសន្ទនាគ្នាជាយូរតែនៅតែមិនទាន់ដាច់ស្រេចថាវានឹងទៅជាយ៉ាងណា Jungkook ក៏បានខលហៅតែកុងឡានទាំងពីររបស់ខ្លួនអោយម្នាក់មកយក Tae ទៅផ្ទះវិញ ឯម្នាក់ទៀតជូននាយទៅក្រុមហ៊ុនព្រោះអ្នកទាំងពីរសុទ្ធតែព្រមព្រៀងនឹងគ្នាថាថ្ងៃនេះគ្មានអារម្មណ៍ទៅបង្ហាត់រៀនការងារអីនោះទេ ចាំស្អែកចាំទៅរៀនវិញហេីយណាមួយ Tae ក៏ខ្ចិលនៅជួបមុនមនុស្សដែលគិតតែពីចិត្តឯងបែបនេះ បេីនាយនៅតែមិនចេះគិត មិនដឹងរឿងណាខុសត្រូវទេក៏មានតែបណ្តោយទៅតាមហ្នឹងសិនចុះ ថ្ងៃនេះគេនិយាយច្រើនហេីយហត់ហេីយ មិនចង់និយាយពន្យល់ពីអ្វីផ្សេងទៀតទេ ។
កម្លោះ CEO សង្ហារមកដល់ក្រុមហ៊ុនវិញដោយទឹកមុខក្រៀមក្រំក្នុងចិត្តច្របូកច្របល់គិតអ្វីមិនចេញ បេីសិនជាមានមនុស្សតែម្នាក់ដែលយល់ពីអារម្មណ៍នាយពេលនេះច្បាស់ មិនដឹងថាវាល្អប៉ុណ្ណានោះទេ ។
« អាវ៎ ត្រឡប់មកវិញហេីយហេ៎លោកអគ្គនាយក?? » អ្នកនាងលេខាក្រោកឈរគោរពសួស្ដីកាលដែលបានឃេីញ Jungkook ត្រឡប់មកវិញដេីរកាត់តុធ្វេីការរបស់នាងដេីម្បីសម្តៅទៅបន្ទប់ផ្ទាល់ខ្លួនរបស់គាត់ ។
« Malina ជួយឆុងទឹកតែក្រូចឆ្មាយកអោយខ្ញុំមួយកែវផង » អ្នកកម្លោះតបវិញដោយការដាក់បញ្ជាររួចដេីរចូលទៅខាងក្នុងបាត់ ឯអ្នកដែលបានឮហេីយក៏មិនបង្អង់យូរប្រញាប់ទៅឆុងអោយនាយភ្លាម ទាំងក្នុងចិត្តឆ្ងល់នឹងអការៈរបស់នាយដែរ ព្រោះបេីមេីលទៅតាមទឹកមុខគឺឃើញមិនស្រស់បស់ហេីយឥឡូវក៏មករកទឹកតែក្រូចឆ្មាផឹកទៀត មិនស្រួលខ្លួនទេដឹង?
Malina រូតរះឆុងដោយយកចិត្តទុកដាក់ បន្ថែមស្ក.សចុងស្លាបព្រាដេីម្បីបន្ថែមរស់ជាតិជូអែមដឹតរួចរៀបដាក់លេីកូនចានដេីម្បីយកទៅអោយអ្នកខាងក្នុង ។ បន្ទាប់ពីបានចូលទៅខាងក្នុង office របស់ Jungkook ហេីយ នាងតូចក៏ដេីរដោយដំណើរលឿនៗទៅដាក់កែវនៅលេីតុ រួចដាក់បង្កុយក្បែររាងក្រាស់ដែលកំពុងតែឈ្លីថ្ងាសទាំងបិទភ្នែក ។
YOU ARE READING
OBSESSION ~ ឈ្លក់វង្វេង
RomanceKhmer's fanfics #Taekook ⬆️Top Jk ⬇️Btm Tae « ព្រោះខ្ញុំនឹងធ្វើអោយលោកស្រលាញ់ឈ្លក់វង្វេងនឹងខ្ញុំទ្វេដង ស្រលាញ់បែបអារម្មណ៍ស្រលាញ់ដែលលោកមិនធ្លាប់មានឫប្រគល់ជូនអ្នកណាពីមុនមក » Kim Taehyung ស្រដីទាំងទឹកមុខញញឹមស្រស់សម្លឹ...
