حلم سنين

عشانك♥️

روحت نغم ورغد وأول ما الباب اتفتح الاتنين اتصدموا!!!
رغد.... ايه ده يا بابا ومين ده وايه التجمع ده كلو..
نغم مصدومه مش قادره تتكلم وعيونها اتملت بالدموع... وبصوت مخنوق.. مين ده يا بابا.. اوعى يكون الي في بالي الله يخليك لاء.. وبزعيق بعد ما شافت نظرات شادي المستفزه... ي باباا قولي مين داااا
ابوها رد ببرود... انا جربت معاكي بالزوق مش نافع... وبصراحه كده مفيش حل قدامي غير ده.. و اه ده المأذون وهكتب كتابك دلوقتي على ابن عمك.. عشان مستحيل أو حتى مجرد تفكير انك تتجوزي ادهم
نغم صرخت فيه... يعني ايه يا شيخ حرام عليك دي حياتي انا ولا حياتك... انا مبحبوش... راحت وقفت قدامو. مبحبكش يا أخي فااهم مبحبكش... انا بحب ادهم وبس ومش هتجوز غيرو اوصلهالك ازاي بقولك بكررهك
ضحك شادي بتريقه... وانا مقولتلكيش حبيني... كفايه حبي انا هيكفينا احنا الاتنين.. ويلا عشان المأذون اتأخر بصراحه و وراه مصالح تانيه
رفعت ايديها وبكل غل وكره ليه ضربته بالقلم.. وجريت.. جريت عشان تهرب عشان عرفت انها لو قعدت شويه كمان هيجوزوها غصب عنها... طلع يجري وراها وهو بيستحلف انو مش هيسيبها... جريت بكل طاقه فيها.. بس هي للأسف ضعيفه ف الجسم ف مش هتقدر تجري قصاده وبكل سهوله لحقها وشدها من شعرها
شادي... قسما بالله ي نغم لو ما مشيتي معايا دلوقتي و وافقتي ع الجوازه دي لقتلهولك قرب منها وهمس وانتي عارفه اني مبهددش ف تختاري اي بقاا.. تتجوزيني واسيبو يعيش ولا اسيبك تمشي بس ساعتها هخليكي تعيطي بدل الدموع دم على حبيب القلب
عيطت نغم بقهر وحرقه قلب... حسبي الله ونعم الوكيل فيك انت معندكش دم انا بكرهك
شادي.. اكرهي براحتك بقى والله ده الي عندي
نغم بصتله وبعدها حست انها مش شايفه حاجه قدامها و وقعت ف الارض
**********************
ف الاوضه عند نغم اول ما فاقت لقت اختها جنبها وبتعيط وماسكه ايديها...
رغد... عشان خاطري والنبي ي نغم متزعليش نفسك انا مش عارفه بس كلو واقف ضدكو ليه لحد دلوقتي مش عارفه السبب... بس والله حاسه بيكي يا حبيبتي
قبل ما ترد عليها دخل شادي عليهم الاوضه وغمزلها... ها يا عروسه جاهزه.... بصتلو وعنيها مليانه دموع ومرديتش عليه
شادي.... طب سيبينا لوحدنا يا نغم شويه
نغم خرجت وهي بتبصلو بأستحقار وهو راح وجاب كرسي وقعد جنبها
شادي.... تقريبا ف مصلحتك جدا انك توافقي ع الجوازه دي... انا عن نفسي شايف كدا... وشايف أن مصلحتك برضو في كدا.... ده لو خايفه عليه يعني
خدت نفس طويل وبصتله....
نغم.. هتقبلها على نفسك تتجوز واحده مبتطيقكش.. وعيطت وقالالو حرام عليك بجد ليه كدا... انت مشوفتش مني حاجه وحشه
شادي بغل.... لا شوفت شوفت عدم احساسك بيا.. وعدم تقدير للي بعملهولك دايما.. ضيعت عمري عليكي وعلى حبك إلى مفيش منو نافعه ده وعمري ما هسامحك يا نغم عمري ودلوقتي هتدفعي التمن وبعيد عنك اوي انك تعيشي مرتاحه ومبسوطه مع الي بتحبيه
نغم بدموع.. انت مستحيل تكون سليم والله انت انسان مريض مفيش حد بيحب حد ويعمل فيه كده يا أخي بكرهك
شادي بابتسامه انتصار... ها قولتي اي و والله يا نغم انتي عارفه اني مش بهدد على الفاضي
نغم... طب اضمن منين انك متأذيهوش ومتعملش فيه حاجه
شادي... معنديش ضمانات يا حببتي هو ده الي عندك سمعان كلامك قدامو اني مجيش جنبو واسيبو ف حالو
نغم... خلاص بس تديني فرصه بلاش النهارده والنبي وكده كده انا موجوده يعني هروح فين
سحبها شادي من شعرها... بت إلى اقول عليه يتسمع فاهمه... قولت دلوقتي يبقى دلوقت سبها ومشي وهو بيقولها انها قدامها خمس دقايق مش اكتر
**********************
بعد حوالي ساعتين كانو خلصو كتب الكتاب وبقت نغم مراتو بس مفيش ذره مشاعر ف قلبها ليه وعيونها موقفتش دموع واختها جنبها من وقت للتاني بتحاول تتكلم معاها وتطلعها من الي هي في وابوها كان موافق جدا وفرحان بالجوازه دي وامها لاحول لها ولا قوه
******************