حلم سنين

كنتي قوليلي انك ناويه ف يوم تسبيني🧡✨

كان قاعد ملاحظ توترها ومستني يسمع بأهتمام وفضول للي هتقولو...
نغم بتوتر..... مش رغد جايلها عريس
ادهم بشك وضيقه... هو ده الي انتي عايزه تقوليه!!.. طب بلاش هو ده الي عامل فيكي كده
نغم ب أبتسامه وحاولت تهدي نفسها.... بصراحه عشان مبقاش كدابه عليك.. السبب والي عامل فيا كدا انت.. عشان مبشوفكش... مبعرفش اطمن عليك براحتي وكنت واحشني حاسه اني لوحدي ي ادهم كل ما بحب اطمن بفتكرك أو بفكر فيك... اما السبب التاني أن نغم مش موافقه عليه وكانت مضايقه من فكره العريس ده بزات..
ادهم.... مسك ايديها طول ما انا عايش مسمعش كلمه لوحدي دي. ... و اشمعنا يعني ده بزات
نغم بضيقه وبان على ملامح وشها.... عشان يبقى اخو شادي
ادهم.... مضايقه ليه يا نغم... اوعى يكون لسه بيتعرضلك أو بيضايقك بحاجه قسما بالله ما ه
قاطعتو نغم وحطت ايديها على بقو.. خلاص ونبي.. والله ابدا مفيش اي حاجه انا بس مبحبوش ولا بحب سيرتو
حاول يصدقها مع ان قلبو بيقولو عكس كدا
.........................

ف فيلا نغم الكبيره....
شادي كان بيدور عليها بهستيريه وجنان...... ورحمه امي يا نغم ما هعديهالك... هخليكي تعيطي بدل الدموع دم.... كانت رغد واقفه على باب اوضتها وسامعه كلامه بوضوح وخافت جدا على نغم دخلت بسرعه كبيره عشان تكلمها لاكن تليفونها كان مغلق
رغد بقلق... استرها عليها يارب... حرام عليكي يا نغم طب كنتي عرفيني رايحه فين ....

********************
كانت بتراقبو وهو بياكل وبتضحك.... ها ما قولتليش بقى ايه رأيك.. كانت بتقولها وهي واثقه اوي من ردو
بصلها ادهم بضحك... رأيي معروف يعني
نغم بثقه.... عيب عليك يابني قولتلك معاك ست بيت شاطره...
ادهم.... ما انا لو قولتلك رأيي الحقيقي هتعيطي. و انتي بتتلككلي اصلا.... ايه يا نغم كل الشطه دي انا مالي انتي بتحبيها تأكليهالي انا ليه ياحببتي
نغم بصتلو بصدمه
قالت بزعل... يعني انت قصدك اني اكلي وحش وميتاكلش يعني ولا ايه
ادهم بضحك وقام باسها من دماغها... لا يا حبيبي بهزر والله ما قولت كدا
نغم اتكسفت وضحكت... بتبص لقت موبايلها جنبها اتنهدت وفتحتو و زي ما اتوقع لقت رسايل من نغم انها حاولت تكلمها كتير
نغم بصتلو
بصلها ادهم بتساؤل
نغم... لازم امشي عشان أتاخرت المهم انت تخلص الاكل ده كلو وكدا كدا ان شاء الله هتخرج بكرا
ادهم... حاضر.... مسك ايديها وباسها... خلي بالك من نفسك.. هتوحشيني
نغم بحب.. وانت كمان اوي
بصتلو بدموع... ادهم
ادهم بصلها بحنيه... نعم ياحببتي
جريت عليه وحضنته كانت بتحضنه وكأنها حاسه انها مش هتشوفو تاني
ادهم.. حضنها جامد هو كمان ومكنش عايزها تمشي
نغم.... خرجت من حضنه وبصتلو.. خلي بالك من نفسك والنبي
ادهم ب أبتسامه ومسحلها دموعها... حاضر
سابته بصعوبه وخرجت.. بتحس ان الساعات بتمر معاه ثواني
بعد ما خرجت قابلت "يوسف"
يوسف.... نغم أذيك عامله اي... ادهم صاحي؟
نغم.. تمام الحمد لله... اه لسه خارجه من عنده اهو
خلص كلام معاها وراح دخل لادهم
ادهم... يادي النيله... الواحد مش عارف ينام ف المكان ده
يوسف بضحك عارف انو بيهزر.... فاكرها اوضه نومك ولا اي يااض... عامل اي دلوقتي
ادهم بخنقه... عايز اخرج زهقت
يوسف... خلاص انت مقعدتش يومين على بعض هنخرج بكرا بإذن الله... المهم شوفت نغم وهي خارجه من عندك دلوقت
ادهم بابتسامه.... اه
يوسف... اه ايه... مجبتش سيره رغد ب حاجه
ادهم وهو قاصد يضايقو.... جايلها عريس
يوسف... اييييه... نعم يا حبيبي
ادهم بتأكيد... عريييس... وبتحبو وشكلها كده هتوافق وربنا يستر
يوسف اتعصب..... بتحبو ازاي يعني.... انت متأكد م الكلام ده
ادهم ب استفزاز... إلا متأكد
قام يوسف مره واحده و خرج من غير كلام
ادهم بص عليه بأبتسامه وبدأت تختفي لما رجع يفكر ف نغم تاني وايه الي ممكن تكون مخبياه عليه......!!!
*******************

رجعت نغم الفيلا بس قبل ما تدخل م الباب الرئيسي لقت إلى بيسحبها وبيحط ايده على بقها
شدها من شعرها.. وصرخت صرخه مكتومه وهي مش قادره تتخلص منو
شادي بصوت مرعب..... بتطلعي وتروحيلو من ورايا يا بنت ال*** فاكره اني مش هعرف.. ولو عرفت هعديهالك.... ارركبييي
نغم ببكاء وقبل ما تتكلم زقها جامد ف العربيه وقفلها وطبعا الازاز كان كاتم للصوت
ركب جنبها وساق بسرعه جنونيه
********
رغد كانت قلقانه جدا على اختها وعشان مش سامعه صوت برا ولا عارفه توصلها فاجئتها رساله على تليفونها من رقم هي تعرفو كويس وحفظاه بس مش مسجلاه
الرساله كان مكتوب فيها.... "انزلي انا تحت"
استغربت شويه... بس بعدها قالت تنزل عشان كان عندها فضول هو عايزها ف ايه
نزلت رغد وفتحت الباب خرجت برا حدود الفيلا خالص وطلعت علي الشارع الرئيسي بصت يمين وشمال ملقتش حد جات عشان ترجع... لقت إلى مسكها من ايديها بعنف وشدها نحيتو
رغد... انت مجنون ايه الي بتعملو ده....و اوعي كده ايدي وجعتني
يوسف مبيتحركش من مكانو وفضل باصص ف عنيها
رغد حست بيه وبضيقتو بس ظهرت العكس... اوعى سبني امشي
يوسف.... مش هتمشي
رغد... وده ليه بقي
يوسف... مش هتمشي يا رغد.... سكت وبصلها وكمل قبل ما تعرفيني
رغد بتساؤل.... اعرفك ايه
يوسف... انتي جايلك عريس
رغد اضايقت من سؤاله عشان افتكرتو.... ا ااه...قصدي يعني
يوسف.. اتوترتي ليه كدا للدرجه دي سيرتو بتلخبطك كده
رغد بضحك... تلغبط مين يبني هو انا اتعاملت معاه اصلا
يوسف بعدم فهم.... ازاي يعني
رغد باجابه طمنتو..... يعني ده واحد متقدم وخلاص بس مبحبش سيرتو عشان هو يبقى قريب الزفت شادي... انا حتى معرفش شكلو ايه
يوسف بفرحه...مسك ايديها.... احلفي
رغد اتكسفت وسحبت ايديها من ايدو وقالت بضحك... اه والله
كملت نغم.... هو ده بقى إلى جايبك مكشر كدا
يوسف بأحراج..... هاا ا اه.. لا.. اقصد يعني كان عندي فضول اسأل
رغد... طيب واديك سألت وعرفت ممكن بقى ارجع عشان الجو برد وعشان كمان اطمن على نغم عشان  لحد دلوقتي مجتش
يوسف بتفهم... اه طبعا و هدخلك عشان اطمن عليكي ... واه صحيح مجتش ازاي دي خارجه من بدري
نغم بصدمه.... خارجه منين!!!!
يوسف... من عند ادهم... كانت عندو النهارده
رغد وقلقها زاد... يا نهار اسود...
يوسف بقلق.... في ايه يا رغد... نغم فين لدلوقتي... في حاجه لتحصل معاكو
رغد قالت إنها لازم تعرفو عشان مش هتفضل تحارب هي واختها لوحدهم
رغد.... نغم ف كارثه يا يوسف.... نغم اتجوزت
يوسف بصدمه.... اييييه
********************

متنسوش تقولولي رأيكم ف البارت♥️
وانا هبقي اخليه طويل بس يبقى في تفاعل ♥️♥️