حلم سنين

قد الفراق؟!🖤

... في اوضه كبيره مش باين ليها اساس بسبب انها ضلمه معظمها لولا الشباك إلى بيدخل نور بسيط جدا يكفي ينور المكان الي انت قاعد فيه.... الاوضه دي جوا شقه كبيره جدا مفيهاش أثاث أو ع المحاره زي ما بيقولو......
كانت قاعده فيها نغم حاضنه ركبها بأيديها كانت بتغني بوهن وهي بتفتكره وبتفتكر الاغنيه الي كانو دايما يغنوها سوا لما تبقى مضايقه وتروح تشكيلو أو لما تكون خايفه أن يحصل ما بينهم خلافات ويسيبو بعض....
كانت بتغني وهي باصه لنور الشباك والدموع ف عنيها..
و ان كان امل العشاق القرب... انا أملي ف حبك هو الحب... وان غبت سنه.. انا برضو انا... لا أقدر انساك ولا ليا غناا... ولاا اتوب عن حبك اناا
عيطت نغم بحرقه عيطت وكأنها معيطتش قبل كده
وهي بتفتكر الطريقه إلى جابها بيها هنا... افتكرت جوازها منو... افتكرت ادهم وهيكون ايه رد فعلو لما يعرف......

فلاش باااك........
فاقت على ألم وهو بيشدها من شعرها جامد.... اخلصصي انزلي وصلناا.... يلااا ياختي بقولك
رغد بألم..... ابعد عني يا حيوان... حسبي الله ونعم الوكيل ربنا ياخدك يا بعيد... اااه
ضربها بالقلم..... اخرصي بقولك... همس لها ببطئ وهو بيقربها منو.... قسما بالله يا نغم لهعيشك اسود ايام حياتك... هيخليكي تتمنى الموت وبرضو مش هتطوليه
نغم ببكاء... انت مريض والله لا يمكن تكون طبيعي ابدا
شدها من ايديها جامد ودخلها اوضه مش باين منها حاجه بسبب ضلمتها
كان هيسيبها ويمشي لكن نغم لحقتو
نغم.... مش هسيبك تمشي قبل ما تقولي ليييه... ليه الكره إلى جواك لينا ده عملنالك ايه
شادي بأبتسامه هتعرفي بس مش دلوقتي.... متستعجليش
كان هيمشي وقفتو تاني
نغم بخوف... انت هتسيبني هنا لوحدي
شادي ببرود... خمنتي صح
نغم بصريخ وهي بتلحقو... يا شادي الله يخليك لاااء
زقها وقفل الباب عليها ب المفتاح

فاقت نغم ومسكت بأيديها السلسله إلى ف رقبتها جامد وهي بتعيط... يارب
بعدها سمعت صوت برا قلقها!!!

************************

انتي بتقولي ايه؟؟؟!!!
قالها يوسف وهو مصدوم ومش مصدق ان تكون حاجه زي كده حصلت اصلا
رغد حكتلو كل الي حصل وازاي شادي اجبر نغم انها توافق ومكنش عندها حل تاني
يوسف بضيقه.... غلطانه طبعا.. ازاي تسمع كلامو ف حاجه زي كده... ايه مفكرتش
رغد.... المهم دلوقتي انها اتأخرت اوي انا قلقانه... في نفس الوفت جه تليفون ليوسف من ادهم
ادهم... تعالى دلوقتي حالا.. قالها اول ما يوسف فتح المكالمه وقفل بعدها حتى ملحقش يرد عليه
يوسف بص ل رغد... تفتكر في ايه
بصتلو بتساؤل... قالك اي
يوسف.. انا لازم اروحلو دلوقت.. هو اكيد خرج.. ادخلي ومتطلعيش لوحدك وانا هرجع اكلمك تاني
رغد.... ابقى طمني والنبي
يوسف... ماشي يا رغد ارجعي يلا... قالها وهو بيمشي بسرعه عشان يروح يشوف في ايه!!!!
*********

طلع شقه ادهم ودخل عشان لقى الباب مفتوح.. بيبص لقى ادهم لابس وبيربط رباط الكوتش
دخل وأول ما ادهم حس بيه قام بسرعه من مكان و شدو من ايدو... يلااا
نزلو وركبو العربيه وساق بسرعه كبيره
يوسف.... يا ادهم قولي في ايه انا لحد دلوقتي مش فاهم انت قلقتني يابني
ادهم بضعف وهو بيحط ايدو على بطنو.... نغم يا يوسف... نغم حاسس انها ف خطر من المكان الي هي في دلوقتي
يوسف مش فاهم حاجه... مكان ايه.. ومالها نغم وانت عرفت منين
ادهم... من زمان وانا ملبسها سلسله ف رقبتها عشان اقدر اكون معاها حتى وهي بعيد السلسله دي بتعرفني مكانها.... ودلوقتي هي ف مكان اول مره تروحه ومش حكيالي حاجه عنو
يوسف... يابني طب ما يمكن عن واخده من صاحبها
ادهم ب عصبيه .... عااارفهم... عارف صاحبها كلهم عارف كل حاجه عن نغم يا يوسف
يوسف... خلاص طيب اهدى أن شاء الله خير

وبعد وقت مش كتير وصلو المكان من برا
نزل ادهم بسرعه ويوسف كان وراه فضلو شويه يتعرفو ع المكان وكان سهل عليهم يعرفو البيت لأنو كان شكلو غير وبيت واحد ف المبنى

ف المنزل من الداخل... كانت نغم خايفه من الأصوات إلى برا وحاسه أن شادي مش لوحدو.... ضمت نفسها اكتر وقعدت تردد آيات قرأنيه ف سرها

على الناحيه التانيه..... ادهم... يلا يا يوسف أنجز شوف اي مدخل تدخل منو من قدام وانا هدخل من ورا مينفعش ندخل من مكان واحد ومع بعض يلاااا قالها بزعيق وهو بيجري ناحيه المكان الخلفي للبيت...... لحسن الحظ لقى شباك بس عالي شويتين.... ف الوقت ده نغم قلبها اتقبض وقامت تبص من الشباك ولحسن الحظ كان نفس الشباك إلى ادهم واقف تحتيه.... بصت وأول ما شافتو شهقت بخضه وكتمت صوتها بعدها بس كان كفيل أن شادي يسمعو.... ف نفس الوقت ادهم قالها... متخفيش انا هنا.... ف نفس الوقت دخل عليها شادي
شادي.. قطتي الجميله واقفه كدا ليه.. قالها وهو بيقرب منها... بلعت نعم ريقها بصعوبة.... هاا ا ابدا مفيش... بشم هوا....
شادي مد ايدو على شعرها إلى كانت مغطياه بطرحه مش ملفوفه اوي وخرج خصله منو
شادي بتفكر..... امممم ولسه بينزل بأيده على وشها لقى إلى بيكسر الباب عليهم......
ادهم بغضب كبير..... نزل ايديك يا*** يا****
مسكو من هدومه وضربه وشادي كان بيقاوم وبيرد الضرب
كل ده وسط زهول نغم وصراخها وخوفها على ادهم
ادهم.. مفكره نفسك راجل يلااا.... قسما بالله انا قادر دلوقتي ادفنك مكانك ع الي عملتو ده بس انت تتعامل معامله المريض يا****
شادي بضحك واستفزاز وهو ينهج وأثر آدم على وشو
شادي.... انا لسه معملتش حاجه... ولا شوفتو حاجه
ادهم ضحك... طب اقدر بس اقف على رجلك الأول إلى مش هخليك تعرف تمشي عليها تاني
ضرب فيه بغل ونغم عماله تحوشو
نغم.... بالله عليك كفايه يا ادهم هيموت ف ايدك ميستهلش تضيع نفسك عشانو... عشان خطري يا ادهم
ادهم بعد عنو
قام شادي بأستفزاز وهو مش قادر يتكلم
شادي... خايفه عليه.... طب وانا.. مش الأولى تخافي على جوزك برضو.... قالها وضحك
نغم شهقت بفزع وحطت ايديها على بقها وبصت على ادهم... إلى كان مش مصدق الي سمعو ورد فعلها اكدتلو ده!!!!!

ادهم...... انت بتقول ايه يا حيوان انت.... مفكر أن هصدق كلب زيك....
شادي بضحك..... معايا عقد الجواز وفي كذا نسخه منو كمان اهو..... طلع شادي ورقه عقد الجواز وادهم خدها منو وشافها واتصدم
لقى كل حاجه قانونيه وجواز رسمي مفيهوش عيب
ادهم مكنش قادر يقف على رجلو من الصدمه
بصلها والدموع ف عنيه. وهو بيقولها... ايه ده
نغم.... ادهم هفهمك استنى
ادهم بصدمه..... ايه ده يانغم!!!!
ادهم بضحك.. اكيد في حاجه غلط.. مش انتي الي تعملي فيا كدا
ادهم حط ايدو ع الجرح بألم وزعق... فهميني طيب ايه دااا
نغم بعياط وهي مش مستحمله تشوفو كده.... عشان خطري اهدى انت بتنزف والنبي
ف الوقت ده كان شادي بيفوق وطلع مطوه من جيبو بس ادهم خد بالو وقاومو وكسرلو ايده وشدها من اديهاا.... يلاااا
***********
متنسوش تقولو رأيكوا♥️