حلم سنين

حكايتي معاك.. ♥️

في فيلا أدهم.. الساعه كانت ٩ الصبح

نغم... أدهم.. يا أدهم اصحى بقا والنبي جايب النوم ده كلو منين يا أدهم متخلينيش اعمل حاجه هموت واعملها

أدهم كان نايم ومفيش رد

نغم راحت جابت تلجه... سامحني بقا بس انا حاولت ومعرفتش وحطتها في ضهره تحت هدومه

أدهم اتخضت وقام بسرعه من لسعتها... ااااه... ايه يانغم ده حد يصحى حد كده

نغم بضحك... شوفو شوفو قام وبيكلمني ازاي ياريتني عملتها م الاول

أدهم نفخ بضيق ورجع نام تاني

نغم جريت عليه وشدتو.... والله ما يحصل قوم بس هقولك عندي مفاجأه حلوه قوم

ادهم حاول يفوق... امممم قولي

نغم.... بسم الله الرحمن الرحيم... انا... انا عايزه افطر على عربيه فول وطعميه والنبي والنبي والنبي

أدهم بضحك... انتي عارفه طيب انا نايم امتى امبارح

نغم هزت راسها ب اه وردت.... خمسه الفجر

أدهم... طب يرضيكي بقا انزل وانا مش شبعان نوم كدا

نغم بسرعه... اه اه يرضيني قوم انا جعانه جدا جعااانه جعااانه

أدهم شدها من اديها بقت في حضنه حط ايده على بقها... بس بس ايه هيقولو اني مجوعك

نغم بصتلو و هزت راسها

أدهم.... ايه عايزه تقولي حاجه

نغم هزت راسها تاني ب اه

أدهم شال ايده واول ما شالها.... بتكتم نفسي يا ادهمم عايز تموتني يامااامااا

أدهم حط ايده على بقها تاني... يخربيت امك بس خلاص.. عايزه تفطري؟

نغم بأبتسامه هزت راسها

أدهم... هفطرك.. هاتي بوسه بقا

نغم شهقت بخضه... ايه ده يا أدهم الحق ايه الي هناك ده

أدهم اتعدل وبص بسرعه لقاها قامت وبتضحك

نغم بضحك... يلا عشان نلحق قبل م الشمس تبقى كتير نلحق الصبح كدا... ايه ده ايه ده انت هتتحول ولا ايه عينك احمرت كدا ليه بص هبوسك واحنا بنفطر ماشي... ملقتش رد
يبقى ماشي.. هروح البس بقاا

أدهم ضحك وقام هو كمان

____________________________________

بعد وقت من اللف الكتير بالعربيه اخيرا لقو عربيه قول وطعميه..

أدهم... بصي انا هنزل اجيب الفطار واجي ناكل هنا

نغم... لا هات الفطار وناكل على العربيه بتاعتك واحنا واقفين ف الصبح الجميل الي برا ده

نفخ أدهم... ياماما مش هتعرفي تاكلي براحتك

نغم بعند... ليه بقا ما فيش ناس اصلا انا وانت بس اهو والجو هادي عشان بدري يلا ياحبيبي بقا